قصيدة قرفان بحماد منقره

هذه القصيده مهداه للشيخ/ حماد بن راشد منقره
من الشاعر / راشد بن حمد قرفان ,,

يا منقره غبر الليالي تعـــــــداك..= يامكرم ضيوفه بكــــل المواجيب
طير السعد حوم وبلاسم نـــاداك= أعطاك قسما من خيار المطاليب
حاتم كريم وبالكرم ما تحـــــداك= أنته مجود ساس والأصل تنجيب
الطيبه لو حومت ما تعــــــــداك= حماد بن راشد لهابه مضاريــــب
مضرابها وسط الاجانيب طرياك= كلا يقول النعم بك وانت بالغيـب
النعم مايحصل اذا ماحصــل ذاك= وانته محصل فعل ماهو تلاعيـب
عقلتها من اول على طلعة صباك= وثنيتها قدام يطلع بك الشيــــب
قابلتنا وقلت الغدا ثم جينـــــــــاك= على صحن مليان من شمخ النيب
زاد الغلا في قلوبنا يوم زرنـــــاك= ماقصدنا نبغا نجربك تجريـــــــب
لا شك شفنا ماادركنه نوايـــــــاك= أنا اشهد انك مزرع الجودوالطيب
قليل اللي في صفاتك وحليـــــــاك = ماحد يقارن فيك ناس معازيــــب
الطيب واجد بالاجاويــــــد ذولاك= ماتلحق الطيب مشكه وتكذيــــب
كم بلويا ما أدرك الجود شــرواك= لون الاحوال مصلحه بالمقاضيب
ما خابة أم صابره في لوايــــــاك= مرحومه إن حطت عليهاالمناصيب
ياضيف تلقا دلال والنجر نـــاداك= والمنسف اللي فيه عوج العراقيب
من قلدك تتعب ركابه مطايـــــاك= يرجع من المثناه والشمس ماتغيب
مرحوم ياعود على العز ربـــاك= اللي فعوله في الليال الشلاهيــــــب
ماجيت من دونه من اساس منغاك= مدركات أساس بيتك مناسيــــــــب
مع الكرم فارس وبالجود وصاك= ياماكسب وضح أمهات الدباديب
تاريخكم ما شك به كل شكــــاك= مناقره تجبد عشاها من الذيــــب
هذا وسلم لي على اللي حويلاك= والربعه اللي يسكنوا وادي قصيب
مهداه من قرفان واللاش يفداك= واقبل سلامي والعوافي وترحيــــب

وسلا متكـــــــــــــــــــــــــم

الف شكراً لك أخي الغالي على هذه القصيدة الرائعة

و الف شكراً لقائلها

و يستاهل الشيخ حماد منقره

.

[quote=موسى بن ربيع البلوي;416004]

الف شكراً لك أخي الغالي على هذه القصيدة الرائعة

و الف شكراً لقائلها

و يستاهل الشيخ حماد منقره

.

ماعليك زود يابو نادر
وأسعدني مرورك الكريـــــــــــــــــــــم

يعطيك العافيه يابن قرفان وماهي غريبه
وحماد منقرة يستاهل .

ونعم بالمادح والممدوح ..

ابو راشد كل الشكر لك .. ودمت بخير وعافية

الف شكر لك أأخوي ع طرحها لنا والتائمل بروعتها

وبيض الله وجهك ويستاهل أأبــو فــهـــد شــهــادة حــق لــــه بيض الله وجه وطوول الله بعمره

مودتي