وين الرقابة والاهتمام .. مستشفى الملك فهد في انهيار

السلام عليكم ورحمة الله وبركاته

يؤسفني جداً أن يحمل هذا المشفى اسم ملك من ملوك المملكة
وبكل اسف أن يكون القائمين عليه من ابناء القبيلة
يا جماعة الخير ما اكتب شيء منقول او من نسج الخيال او وهم
قبل أمس تقريباً في تاريخ 25/2 ، رحت لمستشفى الملك فهد ودخلت على دكتور مصري
المهم قلت له يادكتور عندي ألم بالضرس الم حاد جداً ومسبب ازعاج
قال طيب انا بكتب لك مسكن تصرفه وتستخدمه بعد الاكل !
اليوم الثاني وانا استخدم الحبوب سألت واحد عن علاج مسكن للضرس
قال انت وش تستخدم قلت له VOTREX .. قال وش دخله في الضروس ؟
قلت هذا المصروف لي ، قال هذا للمفاصل !!!

غير كذا لما رحت للطواريء ، قسم بالله ريحة الدهان فاقع بخشمي لدرجة السطله
يعني بالله عليكم الواحد يدخل المستشفى عشان يتعالج ويتداوى ، يطلع وهو مسطول
والربو يلعب فيه يمين ويسار بسبب هذي الريحة .
اذكر في الرياض قفلوا قسم كامل عشان دهنوا باب مكتب الدكتور ، تخيلوا قسم كامل اتقفل
لمدة اسبوع ، والمراجعين يستخدموا قسم آخر حتى ينتهي القسم من الدهان .
وهذا كله حفاظاً على سلامة المرضى والمراجعين !!

وين مستشفى الملك فهد عن سلامة المرضى والمراجعين ,,

بصراحة شيء يفقع المرارة ويكسر الخاطر