شهيـــــــــــد الوفـــــــــــــا

هذه مرثيه في المرحوم| زعــــــل ســــويلم البـلــــوي….….

رحمه الله واسكنه فسيح جناته…..

مثل امس ودع الحر وكـــــــــــــره
وروحــــت روحـــه يــم السمــــــــــاوات

ومثل امس وقف العود عمـــــــــره
ومثل امس قالوا شهيـــد الوفـــا مـــــات

ومثل امس تكت الناس عبـــــــــره
ومثل امس قالوا قطار الوطــن فــــــــات

واليوم زادت بالمعاليق حســـــــره
وشفت انا بالمـوت خــط وعلامــــــــــات

للبعد جمره ولا دنا الموت سكـــره
وللعين دمعه ولعنا المـوت سكـــــــرات

شف الحزم يشكي معاناة هجــــــره
والوطـــن بــانت مــواريه عبـــــــــــرات

ياجدي عقبك طول الحي صبـــــره
وكل عين تذرف على الخد دمعـــــــــات

ياجدي على مين ترضا وتشــــــره
وانت ياجــدي لك حـــق وامــــانـــــــات

مال الظلال يكتب خطوط سطــره
ويدون على الارض حروف وعبـــــــارات

والبنا تصدع اطراف جــــــــــدره
والشمس تضرب في محلك تحيــــــات

بغيابك المجلس ترا ضاق صــدره
والمسافه عقبك صارت مســافــــــات

كل شي من الاثر غاب ذكــــــــره
ولا بقـا غير بعــض الــذكــريــــــــــات

ليلة(ن) كانت برادن وقمــــــــــره
اظلمت واليــوم بــرد ومتــــاهــــــات

تو الزمن يكشف من ايام غـــــدره
ويقول يالبــاقي وداع وســـلامـــــات

مانتذكرك يوم وننساك فتـــــــــره
ولا نتذكرك فتره وننســاك فــــتـرات

ندعيلك اليوم وننعاك بكــــــــــره
وندعي المولى بكــل الصـــــــلاوات

عسا يوسع رب الارواح قبــــــره
وينزل على قبره خير وكرامـــــــات

وختامها صلوا عدد كل قطــــــره
على النبي تنزل من رب السماوات

عسى الله يرحم جدك ويسكنه فسيح جناته

وصح لسانك على المشاعر النبيلة

الله يرحمه