مساء الخير

السلام عليكم ورحمة الله وبركاته

مساء الخير .. أخواني وأخواتي أعضاء منتدى بلي حبيت انقل لكم أجمل قصائد اللي قرأتها و سمعتها " بوجهة نظري " طبعا للشاعر " خلف المشعان "

اتمنى ان تنال على اعجابكم . .

يقول خلف :

مدام الرد بعيونك دموع فكل تأخيره

ثقل دم العذر ، والا كسح وجه الخطا تبرير

مدامك عارفه طبعي . أجل وشوله الحيره

ترى ماجيت لجل اسمع سواليفك عن التقصير

أعرف ان الخطا مني (بلاش نعيد هالسيره)

انا وانتي بهالدنيا تحملنا بعضنا كثير

تعوّدتي على عنادي ، وصرت آحب هالغيره

انا وانتي حكايتنا مثل : صدر السما والطير

كثير اللي يطالعها ،، ولحدٍ طالها غيره

انا وانتي حكايتنا .. مثل لعبه ، وطفل صغير

مع انه دوم يهملها رفض يسمحبها لغيره

انا وانتي .. وشاوصفلك ؟ عجز عن وصفنا تعبير!

مثل ! مدري ! مثل وشو ! ولكن صعب تصويره

انا وانتي بلاش انتي أنا لو بفقدك شيصير

ومجرد طاري الفرقا علي ياصعب تأثيره

أحبك ؟ ايه أحبك .. ذي بعد يبغالها تفكير

يخلف الله على عقلٍ ملكتي كل تفكيره

تعالي .. نحترم ( شيبة غلانا ) .. لعنبو التصوير!!

تعالي نغتنم فرصة لقانا دامها قصييره

ومساء اللي تبي ، حاضر ولاتزعل ( صباح الخير )

أنا كل يوم بتأخر .. اذا في دمعتك خيره

اخ مشاري

اشكرك على النقل الرائع

للشاعر خلف المشعان


تقبل تحياتي

يعطيك العافية أخوي قصيدة رائعه للشاعر خلف وهو شاعر جميل شكرا على النقل الجميل

مشكورين أخواني على مروركم الكريم واتمنى تكون نالت على اعجابكم . . .