حظي الطايح

بسم الله الرحمن الرحيم

بعد الغياب أقدم لكم هذا النص وأتمنى أن يرتقي لذائقتكم

الآ يالله تفرجها لمن دنياه ضاقت فيه
يعاني من ردى حظه بدنيا ضيقة باله
الآ يالله ياعالم بحالي والذي أخفيه
تصبر قلبي اللي له زماناً منقلب حاله
تعبت أطرد ورى حلماً تلاشى والزمن ماحيه
وتبخر كل حلماً في حياتي عشت بضلاله
تعبت من الضباب المنتشر مع كل درب أمشيه
تعبت وطاحت أقدامي وحلمي ما وصلنا له
يعاندني مسار الوقت وتاهت كل خطوه فيه
وتشتت دربي المجهول وقلبي ضاعت آماله
أجيه يمين وإلا يسار وبكل أتجاه أجيه
وقعد لي حظي الطايح كأني أصغر أعياله
الآ ياحظي الطايح علامك قول لي وش فيه
تعثرت بطريقي يأشقاء عمري وغرباله
دخيلك حل عن دربي تراك أنت الذي مشقيه
يكفي من عرفتك لي سنين وحالتي حاله
ولكن شكوتي لله ولا غيره أحد أشكيه
هو اللي يعلم بحالي ويعلم بالذي جاله
تتم المعجزه بامره وأمره محدٍ يعصيه
واذ انه راد سبحانه لعبده خير هيا له
ترى ماخاب من يلجى لربه بالخفى يرجيه
رحيم ورحمته أشفق من الوالد على أطفاله
ألهاً مالنا غيره نسبح باسمه وندعيه
خلقاً نعبده ويجازي المخلوق باعماله
والآ يالله تفرج همي اللي بالحشا مخفيه
وتصبرقلبي اللي له زماناً ظايقاً باله

أخوكم

أبو علي الخولي

صح لسانك يعطيك العافيه

والآ يالله تفرج همي اللي بالحشا مخفيه
وتصبرقلبي اللي له زماناً ظايقاً باله


صح لسانك على هذه القصيدة الرائعة

ابوعلي



ترى ماخاب من يلجى لربه بالخفى يرجيه
رحيم ورحمته أشفق من الوالد على أطفاله

ونعم بالله




نص جزل من شاعر جزل




لك تقديري واحترامي

أبو علي

صح الله لسانك وطيب فالك وفرج كربتك

ورب محمد إستمتعت كثيرا بقرائة هذا النص الباذخ بالجمال

لك الورد

صح لسانك وعلا شانك ...قصيده رائعه