أنا بنشدك عن بنتٍ

هذه ا لمحاورة جرت في منتدى العصابين الرسمي والمقصود في محمد هوابوبدر محمدالعصباني

القصير




ليا ناديت يا محمد أنـا محمدعلـي يمـون=كريم النفس ابو بدر عريب الجد والخالـي

نبي يزهم لنا اللي يعرف العاقل من المجنون=ليا منه نزل بالمعركـة لـه سيـف بتالـي






الماهر




محمد يالقصير عن كثير من الخطأ مصيون=ماعرف الرجل لكن سمعت الاخيار بالعالي

انا بلعب معك لاصار ودك والعرب يرضون=ولعب اليوم غير البارحه ياطيب الفـا لـي






القصير




تقوله يالعتيبي والعرب عن طيبكم يـدرون=و راع الطيب لو ما شيف له بالقلب منزالي

بعد ما كنت قاضي للدعاوي ما عليك ديون=غديت اليوم من حالك في حالك يابعد حالي






الماهر






انا ماقول غير الحق لو يزعل علي الكون=وذا مبداي في دنياي قول الصدق يحلالي

علي اديون ولي اديون والتجار مايوفون=مثل غيري على ماقيل ذقت المر والحالي






القصير




أنا ماقـول غيـر الله وحـده يعلـم المكنـون=ولا ادري وش مخفى في ضميرالصاحب الغالي

تراها هم في ليلك وفي صبحك كما المسجـون=ولا تبلش بك التجـار تجمـع روس الاموالـي



الماهر


رفيـع الشان وحده يبخص اعباده وما يخفون=واظن الكل منا له سراير ماني الحالي
واليا كثرت همومك فاذكر الله وادحر الملعون=وتجار الدراهم ماطروا والله على بالي


القصير

نهونها عسى كل الامور الكايدات تهـون=بأمر الواحد اللي عالم"ن"في كل الاحوالي

ليا ما الله عطاك الناس يارجال مايعطون=لكن النفس صبرها لعلك تلحـق التالـي




الماهر

زمانك لوصفالك يوم ماهو دايم مضمون=خلصنا من المثايل راح مسرانا عل الخالي
تعال انقودها قدام قبل الـربع لايـسرون=ترى بعض العرب ملت وكلت كثر الامثــالي



القصير


أنا بنشدك عن بنت"ن"تسير وتدرج بالهون=يسيرها غلاماً حط له بالسطـح منزالـي

تسير ولا تطير و كل ماسارت تزج الحون=نصاك اللغزيالماهر نبـي للغـز حلالـي


الماهر

لقيت الذاهبه تاكل من الحنطه بدون اسنـون=وماتت واقبروها لابتـك مـن غيـر قتالـي

عقب ماهيب تطعمهم من المجروش والمطحون=جفوها واهجروهـا والدهـر بالذاهبـه مالـي


القصير


صحيح الحل هذاوالرحايه حبها مطحون=بعد عصر التطور ما قبلها لابس الشالي

بعد هذي نبي منك بداله والهدف مضمون=وأنا وايك في الميدانيِ نلعب كل موالـي


الماهر


بغيت اسألك عن شيخ حياته كل يوم ابدونعلومه صادقه شفته بعيني مايورالي
وفاتـه حـددت مـن قبل يولد والعـرب يدرون00والـيا منه بـدا يـومـه يـغيـر ثـوبه البالي


القصير



على هجري وميلادي يدون والبشر يقـرون=محرم مولده و نهايتـه مـن بعـد شوالـي

وصلك الرد واضح بالاجابه والذهب مخزون=بتقويم العرب تاريـخ مرسالـك ومرسالـي


الماهر


صدق حلمك وانا بلعب معك في كل فن ولون=تعال انجدد الفنجال والدلـه علـى الصالـي

انا واياك ربع ولكن الميـدان لـه قانـون=ليا شاركت بالرالي لـزوم اتفـوز بالرالـي

ماشاء الله عليكم شعراء مبدعين فعلاً

الله يعطيكم العافيه امتعتونا تسلمون

القصير
صح الله لسانك
ولسان ابو بدر
شعار واكثر
مبدعين
وفقكم الله


ولكم الموده
عبدالله الوحيشي

يعطيك العافيه محاوره رائعة