* (خاص ) جميع محاورات عايد السميري مع نخبة شعراء المحاوره

( 7 )

محاوره عام 2004 جرت بيني وبين الشاعر الكبير بيطار المحاوره : مرزوق العطاوي

_________
عايد السميري

سلام الله سلام الله سلامٍ مثل حد السيف = مابه لفه ولا خفه وفيه العدل والأنصاف
يامرزوق العطاوي شفت شيٍ من قبل ماشيف = وابا أعلمك به حيث اني اعتبرك من العراف

_________
مرزوق العطاوي

هلا يامرحبا وابك البقاء ياوسم مدري صيف = نبا نعرفك يالساعي بشوط ونعرف الطواف
عسا عينك نظرها مايزل ولا يجيبه زيف = يجي سته على سته نظرها مايجي مزهاف

_________
عايد السميري

ترى لحيه نقدرها ولحيه قدرها التنتيف = ولا تشره علىّ لرخيت دقنك في يد النتاف
صرفنا لك ذهب وبضاعتك يالشيخ رمث وليف = وياليتك تريحنا وتمرح وسط حوض الهاف

_________
مرزوق العطاوي

ترانا ماجهلنا والكتاب اللي كتبنا شيف = نقول بمبتدى الطاروق نعرف عنك يالهداف
دخيلك كان صرفك ربع ياعايد ونصف نصيف = ترا مالي ولالك في عوج ياصاحبي وعجاف

_________
عايد السميري

انا شفتك تقل ودك تغطرس يالعقيد حنيف = وقلت اعطيك علمي قبل لا نطلع على المشراف
ثلاثه واربعه سبعه بقت من عشركم ياحيف = وانا ماخطي ولا احب الخطاء وابهذل الزلاف

_________
مرزوق العطاوي

وانا شفتك تدور للخزاء والضيف يبقاء ضيف = عليك الله وامانه يالسميري غير المحراف

.
.
______________________________

( 8 )

هذا الطاروق عام 2006 و كان بيني وبين الشاعر الكبير / مهدي الحبابي القحطاني
رئيس تحرير مجلة حقائق

عايد السميري

بعد ماشفت إبن مسفر برحب به .. وأهلي به=هلا يامرحبا بك / يالحبابي ) كـان توحينـي
صديقي لن ذكرني قلت ذا يالربع مـن طيبـه=ومهدي / يعرف أسمي زين.. لكن تقل ناسيني

مهدي الحبابي

بعـد ما شافـني عـايـد ذهـب ثـم طول الغـيـبه= يدوم ابك اللبقاء واحسب حسابي يا مناجـيني
صديقي لن ذكرني واجـبه لاولادي اوصيبه= وعايد يعـرف أسمي زيـن لـن دينه على ديني

عايد السميري

أنا ماغبت وانت / بوقت تقبل به وتقفي بـه=وانا حاسب حسابك وانت بين الرمش والعيني
صديقي ياصديقي داري إن الطيـب تحريبـه=وانا لا قلت وينك لا تقول أنـا بعـد وينـي ..؟

مهدي الحبابي

تقوله يا السميري والزمن كثرت مشاري بـه= وتـجـمـعـنـا ظـروف الـوقـت بـيـن الحـين والـحيني
صديقي يا صديقي عـلـمكـم جـتـني مكاتـيـبـه= وقـد الـسـالــفــه يـا عــايــد وحــرر فـــلـسـطــيــنـي

عايد السميري

على الطاري / أنا بنشدك عن ظلعٍ عوى ذيبه=وش اللي جلسك به ياعريب الجـد للحينـي
اليا نـادا المنـادي مابهـا شكـه ولا ريبـه=أنا وياك ضد .. الكفـر وعيـال الشياطينـي

مهدي الحبابي

على خبرك عطينا عهد والواجب نوفي به =وترى الرجال يمسك من لسانه يوفي الديني
إذا نادى المنادي نقـدح النـار بمشاهيبـه=وبأمر الله تعود أحقوق ذولاك المساكينـي

عايد السميري

خبر من مصدرٍ مسؤل .. تصديقه .. وتكذيبه=على ذمة رئيس المجلس اللي بينك وبينـي
يلوح البرق والمرعد يزلزل شمّـخ الهيبـه=تناطح وش تناطح لـو تعـزوا بالقحاطينـي

مهدي الحبابي

خبر عاجل وهام الرمح تدميهـم مضاريبـه =على وضح النقى عيب(ن) علي غدر المقفيني
تناطح يا السميري وقتك ووقعـى تهذريبـه=وقحطان الوفاء والعز درعي وانت توحينـي

عايد السميري

اليكم بالتفاصيل : وخبركـم صـدق وش ليبـه=وأنا ما هو بنا اللي فـرق جمـوع المصلينـي
بعد بكره / بعد بكره / كلام اخـوك تـدري بـه=ونعم بربعك ( وبك ) لكن أسمع ../ والتفت فيني

مهدي الحبابي

هـت العلم الـذي عـندك وعـوق افـلان من صيبه= وأضنك تعرف الموضـوع وتعـرفه ما يعـنـيـنـي
يا عايـد مـا عـليـكـم زود بالصقـر ومـخالـيبـه= وش العلم الـذي عنـدك بـعـلمـك لاتـوصـيـنـي

عايد السميري

يضمك عـرش بلقيـس . ومـن يفتـل بشانيبـه=له الشرهه علي ..ولـي عليـه إنـه يخاوينـي
عسى طاروق جاب (الحر الاشقر) من مراقيبه=((مبارك )).. والعلوم مزوح لا واحد .. ولا ثنيني

( 9 )



هذه المحاوره مع

الشاعر الكبير والاعلامي المعروف

* عبد العزيز الفدغوش

رئيس تحرير صفحات سحر البيان بجريده الهدف الكويتيه
..
و

عايد السميري

عايد السميري:

سلام والمعنى على قمة جبل /وأحدٍ يبا ياصل واحد دونه يطيح =هالعلم عني واسمعو يالحاضرين/ واللي عقد روس الحبال يحلها
احدٍ بهالدنيا نزل واحدٍ رحل /والناس قالو مايصح الا الصحيح = والحق يالفدغوش مايرضي اثنين /واللي عقد روس الحبال يحلها

عبد العزيز الفدغوش :

يا مرحبا باللي بدأ ضد الجهل /في منطق ٍ به طب للقلب الجريح=جسّد وفنّد منهج ٍ للسامعين /واللي عقد رؤوس الحبال يحلها
اللي نزل و اللي رحل دربه سهل/ واعتزبك ياراعي الوجه الفليح=ولا نتبع بين الورى للمرجفين /واللي عقد رؤوس الحبال يحلها

عايد السميري

فيك البقاء يابو سعد واللي حصل / بالشرق الاوسط نار مبداهـا قديـح=تخطيط مدري جت كذا والله يعين / واللي عقـد روس الحبـال يحلهـا
من زل قلنا له .. لا .. لا .. هذا زلل / وابو صراحه يقبل العلم الصريح=واليا قرينا الفاتحه قولو أميـن / واللـي عقـد روس الحبـال يحلهـا

عبد العزيز الفدغوش :

راعي عشيرة يوم دوّر للبدل/ حتم على سدران مع راعي وضيح=دبر وقدر للعزيب وللقطين/ واللي عقد رؤوس الحبال يحلها
سدران ساير بالعمل رخو العضل /حتى انتشى من البهرجة غير المديح=والنوخذة في مركبه عنده يقين /واللي عقد رؤوس الحبال يحلها

عايد السميري:

حرب البسوس اسباب ناقه والزعل / مع كبرياء كليب لين اصبح ذبيح=وهذي بدايات السنين الاربعيـن / واللـي عقـد روس الحبـال يحلهـا
عندك خبر ياشيخ وش قال المثل / ( قفل مناسم باب منه تجيك ريـح )=واقر.. وتأمل في رياض الصالحين / واللي عقـد روس الحبـال يحلهـا

عبدالعزيز الفدغوش:

قبل الربيع المرتجا هاج الفحل/ واحكم بقيده مع هجاره يستريح=نرسي لها مادام فيها مبتلين/ واللي عقد رؤوس الحبال يحلها
من سار باعداد وعتاد ٍ ماجفل/ والمنتصر لو ينثني خصمه يصيح=وللمعركة درعٍ وطاس ٍ مرتدين/ واللي عقد رؤوس الحبال يحلها

عايد السميري :

كوكوب بلوتو/مع عطارد/ مع زحل / تطاردن رغم الفضاء الكاين فسيح = والارض دارت والاوادم صامتين / واللي عقد روس الحبال يحلها
في معركة حطين من كان البطل/ وش جاب هالطاري بالهوقت الشحيح = وعن حايط المبكا تعلمك السنين / واللي عقد روس الحبال يحلها

عبدالعزيز الفدغوش :

( نبتون ) قرب والا بعد مامن وجل / وزيد المسمى بالغوى خاوى متيح=ولا تبتهر من صمت ناس ٍ مدركين/ واللي عقد رؤوس الحبال يحلها
( قطز ) العرب صلى وكبّر وابتهل/ و( قلب الاسد ) بالمعركة خلي طريح=والعاقبة بامر الولي للمتقين /واللي عقد رؤوس الحبال يحلها

( 10 )


طاروق عام 2006 مع الشاعر : محمد بن فرحان العنزي .. (حطام ذات)

____________________________

حطام / ذات

سلام ( رديّة ) وفاء مـا للرجـال إلا الرجـال= وأهل الحقوق اليوم تبشـر يالربـع بحقوقهـا
لو راس مالي (فركة المسباح ) تبقى راس مال= يا راس مال ومال والطرقـه علـى طاروقهـا

عايد السميري

يامرحبا بك يابن وايل فال من بعده اعقال= وانتم لها من كان والعربان دون حلوقها
اليا ملكت المعرفه تارد على العد الـزلال= والناس مانحكم عليها غير من منطوقهـا

حطام / ذات

دام البقا يوم الإجابه في متاهـات السـؤال= يوم أكثر العربان (مشغوله تخيط فتوقهـا )
ا لملعبه كـالشمس معزومه بها ( أم العيال )= وأنا اللذي ضايع مابين غروبها وشروقهـا

عايد السميري

ياصاحبي راجع حساباتك على كل ابو حـال= والكاسه اللي في يمينك حطهـا لا تذوقهـا
ياليل ياليل الشقاء ياصبح ياصبـح الهبـال= ياحفلةٍ فيها ( المره) ترقص وانا اللي شوقها

حطام / ذات

كان الدلع والحـب والفكـر الموّوّثـق بالحبـال = يثنيـك تاتـي تحتهـا تعـال أركـب فوقـهـا
والعشق نعمه والمصيبه تو ( ما .. أذ ّن .بلال )= صـلاة ربّـي حّدهـا لـو حّدهـا معشوقـهـا

عايد السميري

اليا طلعنا فوقها مـن تحتهـا الوكـاف سـال= والنخله الزينه نحط ( البار ) وسـط عذوقهـا
ياحطام ذات / اسمع كلامي وافهمه يابن الحلال= خل العلوم اللـي اتقوّدهـا ونـوب اتسوقهـا

حطام / ذات

ماعاد ينفعك العذر (مابه وصال وأتصال)= تبغي المطر ؟ والمزنّه الغّره تلوح بروقها
المشكله ماهي ( هنا ) المشكله بالإحتلال= ناس (ن) تعيل ولاعرفنا وجيهها وفروقها

عايد السميري

يجيك علمي ( ياحطام الذات) لو مابه ارسال=للاح بـراق الحيـاء والبـدو تتـلا نوقهـا
(المشكله) ياصاحبي أبعد من احدود الخيـال= واقرب من ارموش العيون اللي تحرق موقها

حطام / ذات

ماهي كذا ../..العقل ../ لايشكي .. فراغ الإنتقال= هي هكذا ../ ..حذرى تنوش ../ خدودها وشدوقها
الأووّله عّدت / ..ترى../ والثانيه ...مابه ...مجال= يوم الحيا ..ماينشرى ...بريال ..يا..( مطفوقهـا)

عايد السميري

هي ليس الا ../ دن .. دنن .. دن.. دن.. دنن.. دن دن ومااااال= او ربـمــا .. لا لا .. لا لا ../ لا لا.. لا لا .. طـاااروقـهــا
الاولــه هــي درس لــك مـنــي بـفــن الأرتـجــال= والثانـيـه ../ اخـبـط بــالارض ومــد يــدك لعـوقـهـا

حطام / ذات

ليه التعب ../..والمعصيـه../ ..والنايفـه../ مضـرب مثـال= قّـدت قميصك../مـن دبُـر../..ثـم أزبنت../..فاروقـهـا..
زندق...حَشق../.. بندق..فِتَق../ياسالفـه...( حـول الجبـال )= دوك..القلم../.. دز السهم../.. أصل الحِمم../ ..من ذوووقها ..

عايد السميري

تعب / عتب / شئ اوسبب / قلت ادب / والحـول حـااال= وأنا مانـي ( يوسـف) ولا انتـه ( بالعزيـز ) بسوقهـا
طنش تعش / قش / وعفش / ثـم ارتبـش جلـس وقـال=حمم .. وماء ../ سهم ..وسماء .. علم لماء ../ (ذروقها )

( 11 )

لا زالت المحاوره تطلب كفو .....




عنوان لطارروق نزله شاعر يدعى حطام ذات واستفزني ودارت بيني وبينه هذه المحاوره




وكانت مشاركته الاول بهذا العنوان ((الكفو يحتزم وينزل الميدان) )
لعب معه احد الاخوان ..
ولكن انصرف هذا الشاعر واعتذر عن اكمال المحاوره ) ووضع عنوان جديد
( ((لا زالت المحاوره تطلب كفو )) )
وبالصدفه كنت أنا أحد المتواجدين بتلك اللحظه علماً بأن يوجد (بذاك المكان ) شعراء محاوره أفضل مني بكثير ولكن لقافتي واستفزاز عنوان هذا الشاعر /
دفع بي الى مقابلة هذا (المجرم ) المتخفي خلف .. اسم مستعار
......
اليكم المحاوره
التي
بدأت بطاروق محاوره وانتهت ( بقصيده وردها )
( على الهواء مباشره )
* ..و
اليكم ماكتبه شاعرنا آخر الطاروق
عندما افصح عن أسمه الحقيقي
عسى ان تنال رضاكم
ودمتم
بخير

.............................

السلام عليكم ورحمة الله وبركاته
هذي أبيات نرسلها على أمل الرد من الأخوهـ الشعراء
فـ البدايه نقول
00 بسم الله 00

ح ط ا م & ذات

أنا الساحر أنا الشاعر أنا الفارس أنا البيطـار "=" أنا اللي لا بدعت الحرف هـز الحرف قيفـانـي
سلام الله بعهـد الله علـى منهـو يشـب النـار "=" نشـب النـار من شـانـه إذا يلفـي ويلقــانـي

______________________________


عايد السميري

الا يالشاعر الساحرالايالفـارس المغـوار= ترى اللي يمتدح نفسه يقولو عنـه كذبانـي
هلا يامرحبا بك ياعميلـي والعلـوم اكثـار= ونارك لجل ذكرك شبها ماهو .. على شاني

ح ط ا م & ذات

يدوم إلك البقاء ياللي ترحّـب فـأوّوّل المشـوار= تبيها ( شر ) وإلا ( خير) وإلا (خير من داني ).؟
أذا هي ( خيـر) لا تبحـل ولا تبخـل ولاتحتـار= وأذا هي ( شر) عز الله تروح وخاطرك ( هاني )

______________________________


عايد السميري

جميع اللي بجعبتك انكته قدمك وثـم أختـار= وملي الخمس خذ لك عشر قدرك يابليهانـي
الا ياراعي الاسم المقطع وصلك الاعصـار= ولكن غن وارقص يالا.. لال ويالدن .. داني

______________________________


ح ط ا م & ذات

أنا خايف من المولى وشعري ( يدمي المقدار )=عزيز القوم ما يرضى يقولوا القوم ( قوماني )
تقوله وأنت ما تدري ( ترى أن الزمن دوار )=وأرد الله يسلّم لي عيونـك ( ثـار بركانـي )

_______________________________


عايد السميري

عليماتك تذكرني بكان .. علوم ابو عمار = يقول إنه مناظل وآخرتها مات وحــداني
تقوله ياوسيع المعرفه والطب بالمسمار =أبا أشطـــك على المدور عساك أتطيب يافلاني

_______________________________


ح ط ا م & ذات

عسى الله يرحم ( الميّت ) ودرنا والفلك ( مـادار )= وعسى الله يدمح (الزله) من ( المظلوم) و ( الجاني)
على هونك على هونك يكافيك اللقـا لـو ( جـار)=( نبي ) لو قالوا ( الطرقي ) نقول ( الطير حوراني

________________________________

عايد السميري

(عرب ) شوفو (عرب سات) اخرتها زور الاخبار =يضيع وقــتـنا بستار ( ar) وفاصل أعلاني
لكن بنشدك عن (عمله ) لا هي ( يورو ولا دينار )= ولا هي في بنوك سويسرا ( يالاول)( الثاني)

أستلم لاهنت وصح لسانك وبدنك
وأعتبر الزياده يالغالي
( خرابيط مبتدئ )
وبيض الله وجهك وما قصرت
وسلامتك وسلامة الجميــع وتصبحون على خير
مع وافر التحايا

,,,,,,,,,,,,,,,,,,,,,,,,,

[/size]

ح ط ا م & ذ ا ت

أنا فيما مضى سيّد وفـالحاضر (غريـب الـدار)=أحس بـغربتي في وسط ناسي ( ضاع وجدانـي)
وأنا عيني حزينه ولاتشوف ألا ( عيـون الثـار)=ولي عملـه صعيبـه لونهـا ( أسود)..وتفدانـي
ومن (حُرقة ) خفوقي وألتهابي و( أنتشار النـار)=محيطي ما تحمّـل صرختي وأستبعـد أوطانـي
أبصبر لين أشوف البحر في عيني وأنـا البحّـار=ولي رب (ن) كريم (ن) لادعيته ( صـدق) لبّانـي
ولي ( هامه ) عنيده ما أنثنت و(أصرارها إصرار)=وقلب (ن) ما عرف يقسى على قلب (ن) تحّدانـي
ولي روح (ن) تبيها ( بالشرف )وتقّدر ( الأخيار )=وفجري فجر وأنفاس الصباح المشرق ( أكوانـي)

________________________________
.
.

( عايد السميري)


تحياتي
وتقديري لكل من حظر هنا
وبيض الله وجهك ( يا / ح ط ا م & ذات ) خليتنا نشغل الذاكره وهي قبل مكربنه
والمعذره كتبت هذه الكلمات البسيطه وانا مستعجل ..
ومثل ماقلت الزياده اعتبرها خرابيط شاعر مبتدئ ( وانا المبتدئ ماهو انت طال عمرك)
دمت كما تحب
يا ( حطام ذات )

واستلم

يا..... /
(حطاااااااااام & لذات )

/

وانا / واعوذ بالله.. الكريم الواحد القهار = من الوسواس/ والخناس/ والعن كل شيـــطاني
سئلتك ويش(عمله ) لا هي ( بيورو ولا دينار) = ولا هي في بنوك سويسـرا ( يـالاول)( الثانـي)
واشوفك قمت تجذبهن من الغبه كبار .. كبار = ونوبن تمدح بنفسك ونوب تجر الالحاني
تحسب السالفه/ مزح /وطرب / دقت حنك/ واشعار = ودوبك لا تقول ارجوك ذكرني ثم إنساني
عكست السير واللي سار خلفك غصب مثلك سار = ولو مانته خوي وضيف غير اقول (س .. ك .. ر ..اني )
وانا صدقت يومنك تقول (الكــفو .. والمظـــمار) = وجردت السيوف وهقوتي تجمح مع احصاني
وفتــلت بشاربٍ والله مايهــتز مهما صار = وقلت اظرب على الكايد يا ( عايد ) والعمر فاني
وطرالي قول شايب ( عيش حر ورافق الاحرار) = ويا ما قال لي عن سالفة (طير ابن برماني )
وبعد حمي الوطيس ولا بقا الا الثار بالاعمار = وتذكرت الفعايل والجدود وهاك الازماني
تبين كل علمك وانكشف انه (غــــــبار وطار) = وتسرد لي قصيد وتشتكي وتقول (ولهاني)
ولكن ( ياحطام الذات) جنب سكة الشعار = ولا تجيب ( البيوت المحوله ) في كل ميداني

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ
.
.
ح ط ا م & ذ ا ت
v
v
.

* عايد السميري
( الحمد لله الملعبه فيها خير )
بيض الله وجهك ولامن قصور يالجزل
ودام الملعبه فيها شرواك فأنـا مستبشـر خيـر لاعدمتك
لاهنت ولايهونون الحضوروصح الله لسانك وبدنك مع وافر التحايا
محمد بن فرحان العنزي
______________________

متصفح ممتع و لا هنت يا عذب الشعر

.

لاهنت

.

لي عودة للوقف عند هذا النهر العذب