* (خاص ) جميع محاورات عايد السميري مع نخبة شعراء المحاوره

( 12 )

عايد السميري والشاعر المبدع عبد الله الوحيشي البلوي

/

الوحيشي غاب لكن ياعسى بالأمر خيره=كان عينتوه قولو له نشد عنك السميري
المشاكل واجده والوقت شره فاق خيـره=وخايفٍ ليصير له ماصار لرفيق الحريري

عايد السميري

______________________________

ياهلا بك يالسميري عد ماتمشـي مسيـره=يوم جيت وناويا تربط مصيرك في مصيري
المشاكل واجده في كل وقـت وكـل ديـره=ياهلا يامرحبابك يـوم مـادورت غيـري

عبد الله الوحيشي
______________________________

البقاء بك ياعميلاً قام يجفل عـن خشيـره=نوب في خرباء ونوبٍ في سكاكا يستديـري
يالوحيشي كم شجيعٍ محزمه مابـه ذخيـره=وانت رجلٍ فيك خير ومنك شور وتستشيري

عايد السميري
______________________________

لاحشاء مترك خشيري لو جي منه كبيره=وانت ياعايد فهيـم ولاتلـف ولاتديـري
تلحس البسكوت بلسانك بعد شرب الوغيره=والسياسه صايره همك وفيهاانته خبيـري

عبد الله الوحيشي

______________________________

انت عينك صاحيه لا كنهـا ماهـي بصيـره=واذنك اللي جنب راسك تحسب المذن صفيري
ياوسيع المعرفه هالعلم هـذا شـوف غيـره=قبل أحدك مثل حدت بوش الأبن لجون كيري

عايد السميري
______________________________

الجمل لنّه برك للحمـل شالـه مايضيـره=وياعمل الخير من علمك ترى منته بصيري
الفهيم من الرجال اللي عرف جرة بعيـره=كانها بالحد لحـد علـى جرفـأ وعيـري

عبد الله الوحيشي
______________________________

مات أبو ليلى المهلهل واشتهر بالأسم زيره=والمشاكل قادها بين العرب سلك الحريـري
الفهيم اللي عرف فرق الوجيه المستنيـره=وانت عمرك راح مابين الأثاري والبعيري

عايد السميري
______________________________

السميري كيف وده يصلح احوال الجزيره=والمثل قال العرب ماتتفق مهما يصيري
فيك ياعايد بلشت وصرت منك بألف حيره=والله يسهل لك بدربك ويصبح مستنيري

عبد الله الوحيشي

______________________________

والله أني داري أن الكسر عاب من الجبيـره=وليت بعد الكسب مايضيع بعجاج القاع طيري
مـن حلالـك يعلـم الله مانبـي كبرالشعيـره=ليش تبلش وانت يابو زيد صرت أنت المديري

عايد السميري

______________________________

( 13 )

محاوره جمعتني مع الشاعر الكبير / سالم محمد بن عياده

/
/

عايد السميري

في محل أهل الكرم والجود ورجال الحميـه=ياسلام الله سلام (ن) من ضمير وفكر صاحي
يا إبن عياده تعال ابنشـدك عـن القضيـه=وش سبب تشتيت قوم العز في كل النواحي

سالم محمد بن عياده

في محل اهل الكرم والجود تلقاء الشاذليه=مرحبا بك ياعميل الخير يا طير الفلاحـي
لو لفيتك يالسميـري لا تحسبهـا عليـه=زود واهل الزود ما تنظر لصفقات الرياحي

عايد السميري

والله إنا مالحقنا شك قبـل تقـول ليـه=ياعسى فيك البقاء ياطير واكفخ بالجناحي
الزياده نوب مثل النقص والذمـه بريـه=وأهل مكه يعرفون أشعابها والبرق لاحي

سالم محمد بن عياده

والله انك من رجالاً عندنا لـك مقدريـه=من رجالاً تكرم الضيفان وتسل الرما حي
لا تو صلها الزناد و لا تثـور البندقيـه=والسبب مزحتك والجهال ماتعرف مزاحي

عايد السميري

وانت أعدك لي حزام وكنكم مني وفيّه=ياخويي لا تضلي في مكانك للصباحي
سالفتنا ياعميلي فوق حـد الجاذبيـه=لا نوصلها الزناد ولا توصلها السلاحي

سالم محمد بن عياده

شدحيلك ياقوي الحيل به روحـه وجيـه=ودي اغير لها التوجيه واطلبك السماحي
سالفتنا من ثلاث سنين ثـارت مدفعيـه=والمصيبه سلمت الاهداف والرماي طاحي

عايد السميري

يابو فارس لا توصينـي و نـار العـز حيّـه=اعكس التوجيه حسب اللي تشوف به الصلاحي
شرهة العاقـل علـى العقيـل والنيـه مطيـه=ياعساك بخير يابـو زيـد لـو الـدم ساحـي

سالم محمد ابن عياده

والله اني عارفك يا صاحبـي ميـه بميـه=لاتخليها على الاشفاف بالوقـت السياحـي
نيتك سرتك يابو زيـد مـن قبـل العشيـه=احرمتك من المبات ولا كسبت من المضاحي

عايد السميري

يا إبن عيادة أبا أعايدك فـي عيـد الضحيـه=لاكن أطلع من ضياق الأرض واسكن بالبراحي
علـم اللـي علمـك بالعلـم هـذا ياخويـه=قله إن الذيب ما يمسي و يصبـح بالمْراحـي

سالم محمد ابن عياده

عاد عيدك يالسميري راعى النفس السخيـة=كان مابانت لك الأهداف فالمجهـود راحـي
الخبـر عبـر الأذاعـه والأذاعـه عالميـه=عاش راس الذيب بعد محاولات اهل النجاحي

( 14 )


محاوره بتاريخ 15 ــ 4 ــ 2006

بين عايد السميري ... والشاعر الرائع : فرحان الجبيل البلوي

_______________________________________

*عايد السميري

السفــينه بالبحـــر والبحر موجه صفق
بالسفينه واكثر الناس بالموج اصطـفق
جل من يرفق بخلقه وغــــــيره مارفق
............................ ياآبن آدم لا تغطرس مردك للتراب

ياسلام الله سـلام اسـلام والخيـره خفيـه=والعلوم اكبر من الشرهات يا سهيل اليمانـي
اجتماع القمه اللي صـار فـي نجـد العذيـه=ننتظر خيره وشهر الصوم هو شهر ارمضاني

_________________________________

فرحان الجبيل البلوي

ياهلا والي تقدم رقى الجســر وعــبر
والسفينه ثابته ماتزحـــزح لو شــــبر
بس لاجتها المعاصــير تسمع بالخــبر
..........يابن ادم لاتغطرس مردك للتراب

مرحبا يالي تنادي ماعلى مثلك وصيه=ياعسى عقبي مافيك خلاف ياجـزل المعانـي
واجتماع الخير فيه الخيـر وابشـر بالحذيـه=نسمع الاخبار والاخبـار جتنـي فـي مكانـي

_________________________________

عايد السميري

يا ابو حاتم (أولاً) ياعســـى فـيك البــقاء
( ثانياً ) مـــا من تقـــدم ولا مــــن مرتقاء
ماسمعـت اللي يقـــولون ياليل الشـــقاء
............................ وياآبن آدم لا تغطرس مردك للتراب

البقاء بك ياوسيع العرف والنيـه مطيـه=والجبل قام ايتقادح به شرار العقربانـي
قول خير وفال خير اجلس بسوق الشاذليه=والله اني شفت شمس القايله والليل داني

_________________________________

فرحان البلوي

قالو القــــمه قريبه وقلـــــنا ياسـلام
والعرب دايم كذا ترفع شعار الســلام
ولو رقينا السلم شويش ماجانا مـلام
.................................يابن ادم لاتغطرس مردك للتراب

كان جتنا الناس ياعايـد وسمعـوا بالقضيـه= وارتفع بيرق قبيلتنـا علـى كـل المبانـي
والله اني غير احب خشيم مـن فيـه الحميـه= وما تجيك الشمس وانت الظل وضلالك كساني

_________________________________

*عايد السميري

قمة الخرطوم تســــمع بقـولت (طــع فش )
يعني بالمصري يقولون عن هذا (عــفــش )
بس شرما الشيخ كشته وتطـيـيرة ( طفش)
............................ ياآبن آدم لا تغطرس مردك للتراب

دام ودك نرتفع لقصى حـدود الجاذبيـه =والله اني ماعصا شورك ولكن لا تعصاني
كفو يافرحان.. وانا بظرب العشره بميـه = لين اطلع ناتج الحسبه لو العشر بثمانـي

_________________________________

فرحان الجبيل

مشكله والمشكله لو تسمع اطراف الحكي
غير تاقـــف في مـــكانك لو انك مــــــرتكي
فيه شي(ن)يضحك الرجال وشي(ن)ينبكي
................................يابن ادم لاتغطرس مردك للتراب

ارتفع واكفخ ولا تقرب سراب المهمهيه= السراب سراب شفته شـوف عينـي بالمثانـي
وان ضربت العشـره بميـه ولا جتـك الهديـه= خل خلـق الله وصـوت ليـه تظلـم يازمانـي

_________________________________

عايد السميري

الحــــكايا زايلـه والـــمشاكل لا تــزل
والرجل يعرف وش اللي عليه ولايزل
ياخذ اجزل مايقال ويصد اعن الهـــزل
............................ وياآبن آدم لا تغطرس مردك للتراب

لا توصي من ثلاث سنين ماحصـل خويـه =وضاع وقته بين دقات الدقايـق والثوانـي
مكسبي عرف الرجال وشوف هذي غير ذيّه = الهدايه مطمعـي / والا الهدايـا للغوانـي

_________________________________

فرحان الجبيل

لا تمد السلك يكبر وتبلشنا السلوك
سالفتنا غير والناس تذبحها الشكوك
جهز الفنجال باصلك في ديرة تبـوك
............................يابن ادم لاتغطرس مردك للتراب

اكتب الاشياء ياعايد ثـم تمسحهـا يديـه=وانت تعرف فرق مابين العنب والبيدجاني
جيت عندك ياوسيع العرف والديره نديـه=اشهد انك تنطح الطرقي وتذبح له سماني

_________________________________

عايد السميري

كان ودك تلـتـفت للــيـمــين ولشـــمال
شاب راسك ./ لكن أهـرج ولله الكـمال
وابشـر ابماجــوبك إن جيتنا يم الشمال
............................ ياآبن آدم لا تغطرس مردك للتراب

بعد هذاي حزم اضلوعك ولا تشـره عليـه=والله اني ناوي أدبل ..(صن والا حكم) ثاني
راعي البشت المقصـب مايـدور للتحيـه=واحمد الله يوم راع البشت حييته وجانـي

_________________________________

فرحان الجبيل

احـــمد الله وين ماالد ماجاني مشيـــــب
وهرجتي ماخفيتها شمس ماقبل المغيب
واكثر الاشـــياء بشاعه مـــجافاة القــريب
...............................بابن ادم لاتغطرس مردك للتراب

الضلوع الي تحزم على ربعي عصيـه=ونظرتي مبعد بها فوق نجم المشهبانـي
قرب اذنـك ياخويـي بعـز ومقدريـه=وخل صنك عند حكمك ولا شي(ن)يباني

_________________________________

عايد السميري

البنادق من علــــومك عــلينا ثايره
والمعرفه كايده . والحموله جايره
والسفينه طوروها وصـارت طايره
............................ ياآبن آدم لا تغطرس مردك للتراب

صاحبي وده يرجعنـا لعصـر الجاهليـه=ايتعزوا في قضاعه معتبر ( عايد ) أفغاني
وده أقرّب له أذني لجل يبرمهـا شويـه=مادرا انه ماله الا كلمتيـنٍ مـن لسانـي

_________________________________

فرحان الجبيل

بندقي واعيارها صوب راسك ياعـمـيل
والشواهد والبراهين ماتبغـى دليــــل
والمسايل ماشيه كل وادي له مسيل
..................................يابن ادم لاتغطرس مردك للتراب

صاحبي يحفر لقبره قبل زفرات المنيه=ولو ضمنت ذنيبه اللداغ لاقول يحماني
انت قرم(ن) سيفه البتار يقطع في جويه=وكلمتينك خلها للي يطيعك في ثوانـي

_________________________________

( 15 )


طاروق بتاريخ 8 ــ 6 ـــ 2006 مع الشاعر / محمد العنزي
وكان العنوان ..... (( عايد السميري أقرب ... أقرب ))

محمد العنزي

يا مرحبا حييّت يا ضيف لفى حسب الطلب=جتك الرجال اللي صعب ينهى ويضعف حيلها
عطني علومك ملعبتنا سعرها سعر الذهـب=وأليا وفيت بكيلها والله مـا أنقـص كيلهـا

عايد السـميري

فيك البقاء ياصاحب (ن) قال أقر ب وعايد قرب=ورْجال نكسب عرفها ورْجال نكسـب خيلهـا
اعلومي اكبر من مشاريه الزمن يابـو شنـب=والمزنه اللـي برقهـا يبـرق تـوح لسيلهـا

محمد العنزي

ياصاحب السيف اللذي معجبك رده في الجـرب=حاذر تميـل الميلـه اللـي يصعبـك تعديلهـا
كان السهم غالي ترى لي بالسهم ( أربع نسب )=والدله ( الصفراء ) ترى حنّـا شرينـا هيلهـا

عايد السميري

حدب السيوف المرهفه تلمع وآمنٍ مستتـب=وكلٍ على قول المثل لـه وزنتـه ويشيلهـا
ان كنت هامورٍ كبير احذر تجنـدل بالعـرب=( والدله الصفراء) عسى الهامور فدوة جيلها

محمد العنزي

حاول تضن بخيرحتى الخيـر يمـك يقتـرب=يمكن وراهـا حاجتـاً تنفعـك ماتدريلهـا
ياصاحبي شد العزيمه وأحـذر أنـك تكتـرب=(( الموت ماياتي سوى نفساً قضى تحصيلها

عايد السميري

إن لاح براق الحياء ماهمنا كثر التعـب=وان أدبرت دنيا العجب لحقتها منديلهـا
اليا أقبلن المسرجات وصاح صياح العرب=الموت نعتبره كسب والنفس نعدل ميلهـا

.

.

( 16 )


طاروق بتاريخ 9 / 7 / 2005 مع الشاعر الكبير إبن مزيبد : عبد الله العضياني

عايد السميري

شفت لي واحدٍ ينقل جنازة قتيله =يبكي الصبح والمغرب عليها يغني
والشجيع الشجيع اللي عظامه تشيله =يحتزم بالحزام وياخذ العلم مني

عبد الله العضياني

جبت لك علم يـا عايـد ونبغـى دليلـه=فيك يا طيّب الجديـن مـا خـاب ظنـي
أشعل النار يا الفارس بخشم الفتيلة=من تعرّض يعرض له برمـح المطنـي

عايد السميري

مد شوفك وشوف البرق جوف المخيله = واسمع المرعد اللي يابن مزيد يدني
مرحبا يالشجيع اللي تمثل قبيله=نارنا ماتفرق بين شيعي وسني

عبد الله العضياني

شفت لي برق صيفٍ ما سقى القاع سيله=بارقه يا السميري في الدجى ماشحنـي
البقا فيك يـا راعـي الوفـا والجميلـة=وأنت نارك بـراد وسلـم خـل التمنـي

عايد السميري

كم غشيماً يحسب ان السماء فيه ميله = دالهن والليالـي بالخطر يقربني
الجمايل لهــلــها والعميل وعميله = والجمل نلسعه بالخيزران ويحني

عبد الله العضياني

تدري اني لعميان البصايـر دليلـه=يالسميري لايامـن الليالـي حدنـي
شاهد الثعلب المكار في راس ذيلـه=ياعسى صاحبي عايد ماهوب امتعني

عايد السميري

ياحليل الدليله هالولد يا حليله =لا حدته الليالي صار مطرب وفني
خل شاهدك معك وعد راس الطويله = واعو مثل الذيابه لا تضلي توني

عبد الله العضياني

انـت تبـغـى عـلـومٍ عــودت مستحيـلـه=يالسميري ترى اللي واصلك ماوصلني
كـان هــاذي علـومـك مـاوراهـا عقيـلـه=شــف بـدالـي مــن الشعارلاتمتحـنـي

عايد السميري

من يدين الفقارى ماندور حصيله = يالمصايح عسى ماطايرٍ فيك جني
سقت فنجال كيف(ن) يصحي الراس هيله = وانت مديت يمناك وعطيتك لأني

يسعد صباحك



قد يكون هذا المتصفح لا تقبل به المداخلات





ولكني اسجل اعجابي في كل ما قرأته وللأمانه انت مشرف في كل مكان




* كما اتمنى ان نرى الخطوه القادمه في ما يخص محاوراتك مع نخبة من الشعراء




تحياتي لك وتقديري