* (خاص ) جميع محاورات عايد السميري مع نخبة شعراء المحاوره

( 35 )

هذه المحاوره بتاريخ 19 / 4 / 1431هـ عايد السميري . والشاعر الكبير : فرحان عوده العصباني

/
\


عايد السميري

بعد أذنكم ياربعنا بابداء بمحراف(ن) جديد = واللي يقول أنا لها ياقف و يكرب محزمه
وترى ماعندي دهن سير وعلمي يقص الحديد = سلام من راس وعلى ساس أخــرّه من قدمه

فرحان العصباني

عن أذنكم ياصحابنا جتنا رسالـه بالبريـد = مضمونها كلاً بميقافه يبـي يـرز اعلمـه
ترا ماعندي حب خشم اباقطع احبال الوريد = يامرحبا ترحيب من راساً وربـي مكرمـه

عايد السميري

رز العلم حط العلم قدم كشوفات الرصيد = انته مواطن قريتك تتبع نظام العاصمـه
يامطيب اللي قدحته نار ويفيد ويستفيـد = وابك البقاء لكن ترا ما كل بيضه بشحمه

فرحان العصباني

انا سعودي بالسعوديـه ولااتبـع لصعيـد = و اللي يقدس هيكل سليمان واحد يزعمـه
الى قدحة ازناد اشب النار ويذوب الجليـد = واخر خبر شفت الحرامي عند باب المحكمه

عايد السميري

يا خوفي إنك من محبي كوكب الشرق وفريد = الأطرش وعلمك من أبطون اليال المظلمـه
من شب ناره يصتلي فيها عن البرد الشديد = واللي يعدل حجته يـا يلتـزم يـا نلزمـه

فرحان العصباني

هذا اعتقادك يا محب الجوهر وعبد المجيد = ياللي تعلمت القراية في زمـان العولمـه
انته رفيق ولانبى انبصمك في دم الشهيد = وتحمد الله يوم ما اسقيناك زيت السمسمه

عايد السميري

فرحان خش النت عرض وصاير(ن) راسه عنيد = يالربع من يقدر يرده يم ذوده وأغنمه
لو بصمة إبهام الشرف إتحلل الجُرم الأكيد = كان المعزب قدم السم / سم .. لضيفه وأقسمه

فرحان العصباني

اللي عيونه حول مايميّز حرار(ن) من عبيد = احذف حروف القلقله واللي بقى لك ترجمه
يوم(ن) صدرك ضاق لايغويك شيطاناً مريد = واللي كلامه زور قوته من لحوم امحرّمـه

عايد السميري

يامقشر السوداني الينّه تعشى لـه عصيـد = يركي على عركوز ويفنخر ويرخي برطمـه
ماضاق صدري والحقايق مجزيه عن كل كيد = أسمع كلامي خل عنك اللي ينمنـم نمنمّـه

.