ضع إعلانك هنا



صفحة 1 من 7 123 ... الأخيرةالأخيرة
النتائج 1 إلى 6 من 41

الموضوع: * (خاص ) جميع محاورات عايد السميري مع نخبة شعراء المحاوره

  1. #1
    عضوية شرف منتدى بلي الرسمي الصورة الرمزية عايد السميري
    تاريخ التسجيل
    8 - 5 - 2005
    الدولة
    الآن / الآن ..أنا هنا
    المشاركات
    4,314
    معدل تقييم المستوى
    696

    افتراضي * (خاص ) جميع محاورات عايد السميري مع نخبة شعراء المحاوره


    بسم الله الرحمن الرحيم


    خصصت هذا المتصفح لجمع محاوراتي مع النخبه من شعراء المحاوره

    بالشبكه العنكبوتيه ومن جميع المواقع ليكون هذا المتصفح مرجع لي

    وحفظ لجميع محاوراتي

    اتمنى ان تجدون هنا ما ينال على اعجابكم ورضاكم






    ( 1 )

    طاروق مع الشاعر : مفرح السبيعي




    عايد السميري

    ياسلامي سلامٍ يغيض ويعيض.. كنه البرق لا شـق كبـد السمـاء= خير مع شر / رحمه سبقها عذاب .. ياسلامي سلامٍ يغيض ويعيض
    ودي بشاعرٍ جزل ماهو مريض .. يحتمل ويتحمـل لهـا ويحمـاء= موقفه لحتماء الرمي ماهو يهاب.. ودي بشاعرٍ جزل ماهو مريض



    مفرح السبيعي

    مرحبا كنه سيل يطم ويفيض .. لا زما الضلـع طمـه وزام وزمـاء=شر ما فيه رحمه في عرض السحاب .. مرحبا كنه سيل يطم ويفيض
    السميري اشوفه بوقته حضيض.. مير تالي الليالي سـوات العمـاء=لقمته غص فيها ولا به شراب ..السميري اشوفه بوقتـه حضيـض



    عايد السميري


    البقاء في شجيعٍ وصلنا ركيض .. وان طمر وان طماء وان زماء ربما=ربماء مايكمل بحسبة نصاب .. البقاء فـي شجيـعٍ وصلنـا ركيـض
    كلمةٍ يالسبيعي بخطٍ عريض .. مـن جهلهـا بقـول إلـه لا يانمـاء=روح عنـا ذهـابٍ بليـا إيـاب.. كلمـةٍ يالسبيعـي بخـطٍ عريـض




    مــفــرح السبيعي


    كان شتو هل الضين قبل المقيض .. ربعو في خزامـا وربـل وكمـاء=ولا شعاهم مع البيد شوف السراب .. كان شتو هل الضين قبل المقيض
    يالسميري اشوف الحمك له جضيض .. والله اللي رما يوم سهمي رماء=واخرالامودمي خرقتين وتراب .. والسميري اشوف الحمك له جضيض



    عايد السميري


    يازميلي ترا النقض غير النقيض .. لا تدقس حواليـك حـول الحمـاء=خل نظرتك دايم لروس الهضاب .. يازميلي ترا النقض غير النقيـض
    جعل فيك العوض ياعوض عن معيض .. خذ حقاقتك لحمه تسد الجماء=وكل شيٍ ترا حاسبٍ له حساب .. جعل فيك العوض ياعوض عن معيض



    مــفــرح السبيعي


    يا ذلولي مع الورد مالك معيـض .. درهميبـي وانـا زامـل ن وحـداء=تابت ام الكباير ولالك متاب .. يـا ذلولـي مـع الـورد مالـك معيـض
    انت اضنك من اهل القرض والقريض .. وحد بيشة ماهو حول حد اليـماء=مير رح نزه النفس بكشتة شباب.. وانت اضنك من اهل القرض والقريض



    عايد السميري


    السبيعي يهيّض ولا يستهيض .. درهمت به ذلولـه ولـو درهمـاء=احتزم للمغازي وعود مصـاب .. السبيعـي يهيّـض ولا يستهيـض
    السواليف مابين سود(ن) وبيض .. وانت في عين طبعك علي تحكماء=لين نيتك غذتك من سم داب .. السواليف مابين سـود(ن) وبيـض



    مــفــرح السبيعي

    السبيعي تهيض وغير مغيض .. غير ريمه لـك الله سـرج دهمـاء=والبيوت الذواري ما فيها خراب .. السبيعي تهيض وغيـر مغيـض
    لو نرجك لك الله سوات الخضيض .. درهمت بك ذلولك ومتو ضماء=مير خلك على متن مزن وضباب.. لو نرجك لك الله سوات الخضيض




    عايد السميري


    ( البشير ) أنفعل لين طب الحضيض .. قام يرفع عصاه إنمـا .. إنمـا=وانحكم : وانت مثله فقدت الصواب .. البشير انفعل لين طب الحضيـض
    وصلك السيل يابو خضيض ومخيض.. ارفع أبيوتك الموت جاك ايعمـاء=اترك الخضخضه لمهات الخضاب .. وصلك السيل يابو خضيض ومخيض
    التعديل الأخير تم بواسطة عايد السميري ; 08-16-2009 الساعة 03:53 PM
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    عضوية شرف منتدى بلي الرسمي الصورة الرمزية عايد السميري
    تاريخ التسجيل
    8 - 5 - 2005
    الدولة
    الآن / الآن ..أنا هنا
    المشاركات
    4,314
    معدل تقييم المستوى
    696

    افتراضي رد: * جميع محاورات( عايد السميري ) مع كبار الشعراء



    ( 2 )


    محاوره عام 2005 مـــع الشاعر الكبير / محمد الروقي العتيبي ( ابن الباديه )



    محمد الروقي

    انا الليله نويت ارقا واعدي عالي المرقاب=ابا ارسمها على خط المعاني والمكار ادور
    ابا من يفرق السلعه ويرضي خاطر الجلاب= ترا البيعة تكسب في ثواني والمكار ادور


    عايد السميري

    على الله وكل الله يامحمد وافتل الأشناب = تباها صن والا حكم ثاني والمكار ادور
    مدامك جبتها سوق الغلا حنا فتحنا الباب = وخذ لك كاش يافلان الفلاني والمكار ادور



    محمد الروقي


    انا اعرفها على الله كلها والنار والشباب= حداني يالسميري وش حداني والمكار ادور
    ونا بعتك وبيعي يالسميري فيه سبع اسباب= بعد حضي عصاني ثم عصاني والمكار ادور


    عايد السميري

    انا ادريبك فطين وتعرف الخنجر من المشعاب = لكن الوقت هذا مقلباني والمكار ادور
    وانا منك اشتريت السلعه اللي بين ناب وناب = ومالومك مادام الحظ داني والمكار ادور


    محمد الروقي

    فداك افداك تستاهل مدام ان الفريق اقراب= اعرفنك رفيق ومودماني والمكار ادور
    يسما الصقر صقر اومخلبه للصيده المخلاب= ونا ماودي اكشفها ابلساني والمكار ادور


    عايد السميري

    تقوله ياوسيع المعرفه وانته ورا الأطناب = تقلب مع مسيقة دن دناني والمكار ادور
    وانا بزيدك من الشعر بيت إن الغراب غراب = نعرف الصقر ونعرف الهداني والمكار ادور


    محمد الروقي

    اباها ترتفع ماترتخي يالشاعر العاب= تراها قد جرت للي نواني والمكار ادور
    انا ادراها وزينها وبعدها عن المشهاب= وحب الذئب واحب الحصاني والمكار ادور


    عايد السميري

    ليا ناظــرت فوق تشوف نجمي مرتفع ماغاب= انا والطيب وسهيل اليماني والمكار ادور
    انا ماقول لك صادق ولا باقول لك كذاب = ولا نقول انك أناني اناني والمكار ادور



    محمد الروقي

    انا خابرك من صغرك حبيب اوللحبيب احباب= عداك العيب يالحر العماني والمكار ادور
    ولالي في مديح ٍ يالسميري مايجيب انصاب= تراني للعلوم الي مااداني والمكار ادور


    عايد السميري

    انا مالي حبيب الا رسول الله واحب كتاب =كتاب الله ولا أحب الأغاني والمكار ادور
    يقولون العرب من دون فاس يعـوّد الحطاب = بلا حزمة حطب والعمر فاني والمكار ادور



    محمد الروقي

    ونا ماقلت لك كافر علامك ترفع السباب=ترا لو ظقت اقص الك الاذاني والمكار ادور
    ونا ياخوك لاسارق ولا ملحد ولا حباب= ولا لوطي ولا قد قيل زاني والمكار ادور



    عايد السميري

    مثل ماقال بوش الابن عن صدامنا نصاب =وجر الحبل ياويل السواني والمكار ادور
    الا واخوفي انك بالحويه او بواد ارحاب = على برميل مندي برمضاني والمكار ادور


    محمد الروقي

    الايابوش جيت وجابك الله والرسن قضاب= ابيك اتصير معيه مطوعاني والمكار ادور
    صحيح اني على البرميل ارص الجفر بالمنساب= من ام الدوم وازبن للمحاني والمكار ادور


    عايد السميري

    ضربنا لك مثل والياك بس ا تدوّر المجناب =لكن والله لوريك الجناني والمكار ادور
    أنا أحسّبك من فريس روق اثرك فرخ عقاب =دفنت أفعول جدك بالمثاني والمكار ادور


    محمد الروقي

    خويي لاتجاهل علمي اضربك على الطبطاب=هذا علمي وبا اضمن به ضماني والمكار ادور
    سرا الساري على الرجلين لاموتر ولا دباب=وهي تتليه مع حزم ٍ طماني والمكار ادور



    عايد السميري

    ترا لولا اعتقاد الشيعي إن الشيخ بالسرداب =ماصارن عشره اليوم بثماني والمكار ادور
    سرا الساري على صوت أم خمس وللقاء حراب =وأنا وش لي بحزمك وأم هاني والمكار ادور



    محمد الروقي

    ابا اختمها وبا اهديلك نصيحه لا تج المحراب=تظيق الناس وتصير انت جاني والمكار ادور
    تقوم الك القبيله كلها بالماقف الغصاب= بعد ضيعت علمي والمكاني والمكار ادور


    عايد السميري

    على التقوى وانا من خلقتي مامن سنون الداب =وأخاف أصدف لرميه من جباني والمكار ادور
    عسى المولى يجنب مملكتنا شلة الأرهاب = مطاوعة اليهود وقوم خاني والمكار ادور
    التعديل الأخير تم بواسطة عايد السميري ; 08-16-2009 الساعة 03:55 PM
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    عضوية شرف منتدى بلي الرسمي الصورة الرمزية عايد السميري
    تاريخ التسجيل
    8 - 5 - 2005
    الدولة
    الآن / الآن ..أنا هنا
    المشاركات
    4,314
    معدل تقييم المستوى
    696

    افتراضي رد: * جميع محاورات( عايد السميري ) مع كبار الشعراء

    ( 3 )




    عايد السميري ,,, والشاعر : محمد البلوي بتاريخ 17 / 2 / 1430 هــ

    عايد السميري

    سلام الله سلامٍ يشمل الشعـار والعرّيـف=من الجنسين والأقصين والأدنين .. فالميدان
    أنا مدري عن أهل الدار تبغى كم والا كيف=وأنا بكرم مدينه لجل خاطر عين .. فالميـدان


    محمد البلوي

    هلا يا مرحبا ترحيب لا يق في مقام الضيف=من اقصى القلب اسوقه واعرضه هالحين ..فالميدان
    يا عايد تعرف البدوان والبدوان تبغا كيف=وانا خـابرـك وافــي تـوفــي الـثـنـتـيـن .. فالـميـدان


    عايد السميري

    عسى ربي يبارك في كريمٍ خوته تشريـف=لكن تال الزمن يلعب على الحبلين .. فالميدان
    أعرف البدو والمعروف مايحتاج له تعريف=ولا أمد اليسار ومدتي بيميـن .. فالميـدان



    محمد البلوي

    مفاهيم العرب من بعد بـوش مـحرـّفه تـحـريف=مصيبه عندهم لو قلت بين وبين ..فالميدان
    سمعنا فالمطر والسيل يطرونه وهـو ما شيف=يقـولو ويـن قـلـت الله يعلـم ويـن .. فالـمـيدان




    عايد السميري

    تقوله وانت قالبها شلش بين الشتاء والصيف=على المفهوم تتقاسى ونوب تلين .. فالميـدان
    تباعد رحمة الله من خضع راسه لحد السيف=جهل مدري تلخبط بين جيم وسين .. فالميـدان


    محمد البلوي

    على درب النقا يا صاحبي لا قلت لي يا حيـف= على واحد ثبت واحد من الامرين .. فالميدان
    يا راع العرف والمعروف واصل من تبوك إطريف= عسا ربي يعين اللـي يرد الـدين .. فالميدان



    عايد السميري

    حقيقه كنت أبحدك واثرك السايـق الحريـف=تجاوز وانت تمشي 100 وستين .. فالميدان
    بعيداً عن متاهات الدروب وشغلة التصريـف=عسى ربي يديم أهل الوفاء الغالين .. فالميدان


    محمد البلوي

    من امواج البحر يا منجي البحار بالتجديف= لك الحمد ولك المنّه على الثقلين .. فالميدان
    بعيداً عن مجامل صاحبي والفبركه والزيف= يا عايد والله انك مثل سور الصين ..فالميدان
    التعديل الأخير تم بواسطة عايد السميري ; 08-16-2009 الساعة 03:57 PM
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    عضوية شرف منتدى بلي الرسمي الصورة الرمزية عايد السميري
    تاريخ التسجيل
    8 - 5 - 2005
    الدولة
    الآن / الآن ..أنا هنا
    المشاركات
    4,314
    معدل تقييم المستوى
    696

    افتراضي رد: * جميع محاورات( عايد السميري ) مع كبار الشعراء

    ( 4 )


    عايد السميري

    يالقصيّر مساء الخير واقرب هنا ودي العب معك ياعريب النسب=واحسب لخطوتك لاتقوم وتطيـح الرجاجيـل ياكبـر شرهاتهـا
    أفضل الفقر للناس والا الغنا وأريح النوم للرجـل والا التعـب=عطني العلم ياشيخ والا استريح الرجاجيـل ياكبـر شرهاتهـا



    القصير

    يالسميري مساء النور قبل العنا ألعب ألعب وأنا جاهزن للعب=خطوتي صوبكم وافية ياالفليح الرجاجيـل ياكبـر شرهاتهـا
    من فقر و اغتنا مرجعه للفنا وانت نشدتك ياصاح فيها العجب=استلم علم شيخ"ن"يقول الصحيح الرجاجيل ياكبـر شرهاتهـا



    عايد السميري

    سالفتنا ماهي دندنن دندنا احتزم واسمع اللي يقول الشنـب=وانت نعرفك شاعر وشهم ومليح والرجاجيل ياكبر شرهاتها
    قبل يقراء سؤالي نطق شيخنا يحسبني أدور فلوس ورتب=لبو شركة تويوتا وشركة جميح الرجاجيل ياكبر شرهاتهـا



    القصير

    من بدأ بالبنا لا يهد البنا وأنت يا أبوشنب قم وشب الحطب=ما حضرت انتظر من كلامك مديح الرجاجيل ياكبر شرهاتها
    كان ما همك المال ماهمنا والعنب حامض"ن" وشتبي بالعنب=ماحد"ن"يكره المال خلك صريح الرجاجيل ياكبر شرهاتهـا




    عايد السميري

    ماهدمنا البنايه وياعمنا كان شبيتها فانت عـود السبـب=لكن ابقفل الباب عن كل ريح والرجاجيل ياكبر شرهاتهـا
    لانقول أنت والا تقولون أنا لين يدرون عن سالفتنا العرب=والقناعه تكفي بوقت(ن) شحيح والرجاجيل ياكبر شرهاتها



    القصير

    البنايه على ساس وتعمنا واحترص للهب يوم جاك اللهب=يحرق الباب واللي بدربه يسيح والرجاجيل ياكبر شرهاتها
    كان عندك خبربالخبرقلنا العرب في نشب من يحل النشب=و القناعه غنى للقليب النصيح والرجاجيل ياكبر شرهاتها



    عايد السميري

    بارك الله فيكم وذا ودنا وانت صاحب وصاحبك يدرا العتـب=ويالموصي ترى الراس يقدح قديح والرجاجيل ياكبر شرهاتها
    مشكله كان مانته بداري بنا والعرب ضايعه بين عرض وطلب=وأهل ينبع على ليلهم بالرديح والرجاجيـل ياكبـر شرهاتهـا



    القصير

    من عرف مزحنا ما عرف جدنا القصير قرا والسميري كتب=وان قدح رأسكم ما يهز الصفيح والرجاجيل ياكبر شرهاتها
    واحمدالله ما عندكم عندنا والعرب ودها نيل كـأس الذهـب=وأهل ينبع هدفهم غدى في قريح والرجاجيل ياكبر شرهاتها



    عايد السميري

    علم اللي جهل ثم قل إننا نحتـرم فـي كتاباتنـا أهـل الأدب=وارعد المرعد وجاء صفيحك سبيح والرجاجيل ياكبر شرهاتها
    لو ابو زيد يدري عن أوضاعنا قال تبت يدآ أبي لهب وتـب=واكثر الناس ساكت وقلبه جريح والرجاجيل ياكبر شرهاتهـا





    القصير

    علم اللي جهل لا يجي يمنا وان حضر يمنا بالبلاغة رسب=وديرتي ممحله وانشد ابن سميح والرجاجيل ياكبر شرهاتها
    وش وراء الشايب اللي يبا يخمنا بعد بغدادعينه تناظرحلب=لاهو مسلم ولكن يحب المسيح والرجاجيل ياكبر شرهاتهـا



    عايد السميري

    اشترك يالقصير بباقه لنا وقول للجاهل ارجع وشـوت علـب=والمريض اسقه شوي شاهي وشيح والرجاجيل ياكبر شرهاتها
    السبب جاء يبا يشفط إدميمنا طامعٍ بالحمّار المصفـى آهـب=ومن رفع هامته جهزو له ضريح والرجاجيل ياكبر شرهاتهـا





    القـــــصيّر

    لك تحية وباقات من وردنا ياعميل"ن"عزيز"ن"صدق ماكذب=واخر اختامها ريح عود"ن"يفيح والرجاجيل ياكبر شرهاتها
    يا الله انا طلبناك يا ربنا تحفظ الحال عن كل سلب و نهب=وتستر عيوبنا سرنا مايبيح والرجاجيل ياكبـر شرهاتهـا

    .................................................. ......
    التعديل الأخير تم بواسطة عايد السميري ; 08-16-2009 الساعة 03:58 PM

  5. #5
    عضوية شرف منتدى بلي الرسمي الصورة الرمزية عايد السميري
    تاريخ التسجيل
    8 - 5 - 2005
    الدولة
    الآن / الآن ..أنا هنا
    المشاركات
    4,314
    معدل تقييم المستوى
    696

    افتراضي رد: * جميع محاورات( عايد السميري ) مع كبار الشعراء

    ( 5 )


    طاروق عام 2007 مع الشاعر الكبير محمد العنـــــــــــزي


    الشاعر : محمد العنزي

    سلام يدفعه الوفاء حتى رقا متن السحاب=ويزخ أحساس المعاني.. وإسمع العلم إسمعه
    رديّة (ن) من طيبها تحت السماء فوق التراب=تمشي على نهج الثواني.. وإسمع العلم إسمعه


    عايد السميري
    بك يامحمد .. ياهلا يا مرحبا والفـال طـاب=في شوفة افلان الفلاني.. واسمع العلم اسمعـه
    مد النظر قبل تعلا فوق الثراء شوف الهضاب=والعشر ماترجع ثماني.. واسمع العلم اسمعـه


    الشاعر : محمد العنزي
    دام البقا ياشاعر الشعّار يامـال الذهـاب=لا حافها قاصي وداني.. وأسمع العلم أسمعه
    أمّا على وضح النقا تنقح سواليف الشباب=وألا ندوّر علم ثاني.. وأسمع العلم أسمعـه


    عايد السميري
    المرجله ياصاحبي ماهي تداول واكتتاب = خذ علم . ياطلق اللساني ..واسمع العلم أسمعه
    الخير بوجيه الرجال وبه سؤال.؟ وبه جواب = لا تحدنا للخيزراني ..واسمع العلم اسمعه


    الشاعر : محمد العنزي
    العلم ياشاعر ( بلي )ما بين ضرس وبين ناب=نوّوّخ له سهيل اليماني .. وأسمع العلم أسمعه
    صفر العقارب بالجبل تنمو وترضع سم داب=والداب غير العقرباني .. وأسمع العلم أسمعـه


    * عايد السميري
    هات الخبر واخذ الخبر تسكير باب وفتح باب=وانته مثل حسبة خواني .. واسمع العلم اسمعه
    صفر العقارب لنوطت شراً وبـذن الله خـاب=وشهار مابه الا الجناني .. واسمع العلم أسمعه


    الشاعر : محمد العنزي
    على العموم المسأله فيها القمر حد الشهـاب=ياطى على خد الغواني وأسمع العلـم أسمعـه
    هبّت هبوب الريح بالقلب الشقي والراس شاب=هيّا أغتنم ( دورة زماني ) وأسمع العلم أسمعه


    * عايد السميري
    يغيب يطلع وش على سرحان من راع الـدواب=ياذيب قربنا السماني ..وأسمـع العلـم أسمعـه
    ياضيف به منسف وسيف/ أو ودك برست وكباب=ونعايدك عيد ارمضاني ..وأسمع العلـم أسمعـه


    الشاعر : محمد العنزي
    لاغاب . ثلثين البشر .. تعيش حالة إرتياب=ماتنفعك ( سحر البيانـي ) وأسمـع العلـم أسمعـه
    قيل السميري شاعر (ن) مرموق في فصل الخطـاب=ويضيع في سمع الأغانـي وأسمـع العلـم أسمعـه


    * عايد السميري
    ما أحد يموت بموت أحد . أيضاً ولا نحسب حساب=إش../ قلت يا كوفي عناني .. واسمع العلم أسمعه
    القافلـه ماهمهـا ياصاحبـي ن ب ح ( ال..... )=واطرب لصوتك أأأأه ياني .. واسمع العلم أسمعـه
    التعديل الأخير تم بواسطة عايد السميري ; 08-16-2009 الساعة 04:00 PM
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    عضوية شرف منتدى بلي الرسمي الصورة الرمزية عايد السميري
    تاريخ التسجيل
    8 - 5 - 2005
    الدولة
    الآن / الآن ..أنا هنا
    المشاركات
    4,314
    معدل تقييم المستوى
    696

    افتراضي رد: * جميع محاورات( عايد السميري ) مع كبار الشعراء


    ( 6 )



    الشاعر الكبير وشاعر المحاوره المعروف : عبد الله مناحي منقره وعايد السميري
    .
    .




    سلامي عليكم ياالرجـال المناعيـر=سلا ماً يجيـب الاولـه والأخيـره
    يا عايد يا عبدالله ترى السالفه غير=تراني وصلت وجيت والامر خيـره

    عبد الله مناحي منقره
    ______________________________




    هلا مرحبا ترحيب واجب وتقدير=لعبد الله مناحي ماهو شخص غيره
    عسى خير يابن منقره ياعسى خير=بعد ماوصلت لشرق شبه الجزيره

    عايد السميري

    ______________________________



    يدوم البقا والسر مدفون با البيـر=دفنته عن اللي ما يحاسب ضميره
    يا عايد نبا ننشدك عن هجرة الطير=عسى هجرته تقدر تحدد مصيـره

    عبد الله منقره

    ______________________________



    اليا ارعد سماها طير الارض تطيير=وسبحان منهو عالمٍ بالسريره
    كفخ واعتلا وابعد مداليه .. مايصير=يقضي حياته بالثمد والحفيره
    عايد السميري

    ______________________________



    ليا ارعد سماها واقتفته المعاصير=تبا تكثر النكبات في كـل ديـره
    تقوله وانا ما اقصد بعيد المشاوير=ابا اوّضح الدعوى ولكن خطيـره

    عبد الله منقره
    ______________________________




    على طاري النكبات وش صار للزير=ورا باب سورٍ مايصلي خفيره
    الا ياوسيع العرف للحلم تفسير=وسيف الحقيقه زينته في جفيره
    عايد السميري
    ______________________________




    عيونه كبار تلد بالنـاس وتديـر=يصلي بعد ما كان واجد صفيـره
    ابا افسر الاحلام واكتب تقاريـر=وابا ارسلك رساله يا عايد قصيره

    عبد الله منقره

    ______________________________



    .


    التعديل الأخير تم بواسطة عايد السميري ; 08-16-2009 الساعة 04:01 PM
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 1 من 7 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
هذا الموقع برعاية
شبكة الوتين
تابعونا