ملح طفولتنا شماغ وعبايه

يازين يوم اني انا وانتـي صغـــــار
توما لبست شماغ وانتي عبــايه..

بالطول مانـــاصل ولا خمسة اشبار
دايم نقـــيس اطوالنا بالمــــــرايــه..

مابيننـــا شيـــن نخبيــه واســـرار
ماغير لعب اطفال كل الحكــــايــه..

ماهمنا موجز ولا نشرة اخــــبــــار
التسليه صارت وسيله وغــــــايــه..

وان جا فلم كرتون للقطو والفـــــار
نجلس نتابع قصتــه للنـــــــهايـــه..

بالمدرسه نزعل على شان الاصفار
انتي سبب لعبك وانا من غبايـه..

ياما تهاوشنا على كيس فيشــار
انحاش به وافرح بطردك ورايــــــه..

وان قلتي ياراشد ياويلك من النار
اخاف واستسلم وابين خطايـــه..

والى ضربتيني تقــل بيننــا ثــار
وان قلت كافي قلتي ماهو كفايه..

والى خلصتي ضرب بيمين ويسار
اخذتي الفشار واللـي مــــعايــه..

والى زعلت وقلت ابا اروح للـــــدار
صحتي وقلتي اسفه يا غــــــلايه..

واصدقك وافرح بعد ذيك الاعــــذار
واجيك لا حاقد والا احمل وشـــايه..

بس لو اشوفك مع بشر غيري اغار
لو كان اخوي أو من أعز اصدقــــايه..

واركض لخوك اقول شفها مع اكبــار
عشان يفرض لي عليك الوصـــــايه..

هــــذي طفولتـــــــــنا براءه وتذكـــار
دايم نحن اليـــــا ذكرنا البـــــدايــــه..

واليوم ابا اكتبها سواليف واشعـــــار
وافكر انتــــــــــجها بفـــلم وروايـــه..

مما راق لي

الله الله مااجمل ايام الطفوله ومااجمل البرائه وماتسببه للأخرين من متاعب

اشكرك نوره بلي وبارك الله فيك

اخوي امير اشكرك على التواجد

راقي لي كما راق لك

شكراً لك على حسن الإختيار

شكرا لك اخي يوسف على التواجد