قصه وقصيدة // ما اخس من وجه المعزب ايلا نام

كنت في طرقه من تبوك ومتوجه للعلا عن طريق الصحراء
أنا واخي / سليمان بن حمد قرفان رحمه الله
قبل ما يقارب 18 الى عشرين سنه
وقدر الله علينا ان لا ناخذ معنا عزبة قهوه وشاهي ، ويوم امسى علينا الليل
لفينا على ذاك الرجال
قبل المغرب بنصف ساعه تقريبا ، وقهوانا الرجال وكانت قهوته بارده ورجل بارد
وقلت لسليمان اخوي يارجل مشينا عن هالردي
قال سليمان الله يرحمه يابن الحلال حط بالخرج أحنا حدنا الله عليه ومرح والصباح رباح . واحنا تعبانين قلت شورك وهداية الله

ويوم اصبح الصبح
قمنا واذنا وصلينا ومعزبنا نايم
وننتظر وننتظر واسمع الحرمه تصحيه وعيا لا يصحى

وكتبت أبيات وحطيتها له بالنجر
ولاني حافظ منها الا ما ساكتب
......

ما اخس من وجه المعزب إيلا نــام = اللي ينام الصبح والضيف واعي

هبته الحرمه وعيا ولا قـــام = وعيا يقوم لها قليل النفاعي

ولا يطلب الله حين طلبات الاسلام = ياليت سره ضاع وقت الرضاعي

وضيوفه اللي جوه جيران وارحام = نايم وهم في شق بيته مقاعي

ودك يعرضوه الصحافه بالافلام = وياما ياخلق الله بكل البقاعي

لا عاد ما صلى وللضيف ما قام = ما ينحسب مع لابسات القناعي



..........
الشاعر / راشد بن حمد قرفان

العم راشد قرفان
بيض الله وجهك على هلبيات التى تعتبر حكمه
وبارك الله ببو حمد على هطرح وتكفى كثر من هلعلوم يبو حمد
تقبل مرورى

لا عاد ما صلى وللضيف ما قام = ما ينحسب مع لابسات القناعي

والله ان مرته ابرك منه وبعض لابسات القناعي
ابرك من هالمعزب وجه ابن فهره 0

سلمت طال عمرك وصح السانك

العم راشد قرفان
بيض الله وجهك على هلبيات التى تعتبر حكمه
وبارك الله ببو حمد على هطرح وتكفى كثر من هلعلوم يبو حمد
تقبل مرورى

حياك الله عز الرفيق
،،،
وبالنيابه يقول الوالد ووجهك ابيض
وأنا أكتب على لسانه حفضه الله

ولكي يستطيع متابعة ما يريد من بداء
بأسمه قرر التسجيل بالمنتدى

فكل الشكر للجميع

لا عاد ما صلى وللضيف ما قام = ما ينحسب مع لابسات القناعي

والله ان مرته ابرك منه وبعض لابسات القناعي
ابرك من هالمعزب وجه ابن فهره 0

سلمت طال عمرك وصح السانك

أضحكت الوالد أضحك الله سنك
وجه ابن فهره
،،،،
كل الشكر ابو محمد

ما اخس من وجه المعزب إيلا نــام = اللي ينام الصبح والضيف واعي

هبته الحرمه وعيا ولا قـــام = وعيا يقوم لها قليل النفاعي
صح لسانك عمي ابو حمد انااشهد انه قليل النفاعي
,,,,,,,,
رحمك الله ابي وجمعنا واياك بجنات الخلد باذن الله