اللى يحل الغزياخذهديه

لاضاق صدري قمت ألوم الليالي =والذنب ذنبي والليالي بريه
والعمريفنى زي نبت المفالي= والمسعداللي ماوقع بالخطيه
واللي حفظ دينه ورزقه حلالي=ونفسه على الوالين دايم رضيه
وللصيف والجيران مثلالزلالي=ونفسه على الهقوات فوق المطيه
وأماردي القوم طعسأهيالي= وعزي لمن وده من الطعس فيه
سلطان يامشكاي حل المجالي=يابن الكريم اللي علومه جليه
خالك شكاوقته بعدل وميالي=وعجف الليالي سببت له قضيه
وأنابحث القاف حث التوالي= وقت العجل مقصد ركوب الرديه
والبيئريصعب كون مابه محالي=تكسرعروشه نوب شدة دليه
والورده اللى ماوطتها النعالي=تشرب ثرى من جوف عرق الوديه
من دونهاعقدمعقدات الحبالي=والحبل ملوي له ثلاثيــن ليه
والقاف واضح زي شكل الهلالي=واللي يحل الغزياخــــذهيه

صح لسانك يابو ياسر

قصيدة جزلة اما اللغز لن اتعرضة لأني ماعندي سالفة بالالغاز

تقديري لك من القلب

الورده اللي ماوطتها النعالي

هي الجنه
مجرد محاوله

صح الله لسانك ياخال وسلمت
واللغز حله عند وال المقادير عالم خفايا الكون رب البريه
وتحياتي