الزلامي ..و مطلق الثبيتي ... بحضور الأمير فيصل بن خالد

اهديكم هذه المحاوره التي جرت بحضور صاحب السمو الملكي الأمير / فيصل بن خالد .. وهي بين الشاعرين // مطلق الثبيتي ـ رحمه الله ،، و رشيد الزلأمي ...
.................................................. .................................................. ..................






الـــــزلامـــــي

على خيرة الله جيت اعلم واريـد علـوم
واخيّـل سحابـه يجهـر العيـن بارقهـا
وانا اشوف بالقمه تكاشف سبـور القـوم
خلـف يجمـع القـود ومطلـق يفرقهـا
...................

الــثــبــيــتـــي

عسى خير ياطيرٍ علينـا كسـرت الحـوم
نبـا نعـرف الساعـه ونحسـب دقايقهـا
انا ما اعرف الظالم وانا ما اعرف المظلوم
ولا شفت نور الشمس من يـم مشرقهـا
.......................

الـــــزلامـــــي

غزيت امس يامطلق وحنا غزينـا اليـوم
لكنـك تسابـق كـل غـزوه وتسبقـهـا
وانا لو ابيح بسر فـي خاطـري مكتـوم
أظنـك تشـب النـار والنـاس تحرقهـا
........................

الــثــبــيــتـــي

ليا مـات منكـم واحـدٍ قلـت يامرحـوم
ومـن يسـرق العربـان لابـد نسرقهـا
تراك البلا والشـر يالفيـل أبـو زلّـوم
تسـوق المطيـه ليـن ذابـت مطارقهـا
.......................

الـــــزلامـــــي

انا لو اطيعك مابقي فـي سمـاك نجـوم
الـك نـيـتٍ فالـكـون ودك تحققـهـا
على الحر الاشقر دايم عفشكـم محـزوم
ولك بنـدقٍ فـي راس كـورك معلقهـا
.........................

الــثــبــيــتـــي

يروح النميري ميـر مايتـرك الخرطـوم
ومن يعـرف الخرطـوم لابـد يعشقهـا
انا كيف ابا اصبر فوق ريح البصل والثوم
وابا اروح عن بعض المشاكـل وافارقهـا
..........................

الـــــزلامـــــي

انا خابـر قلبـك معلـق باخـوك التـوم
تطير الطيـور وصبـح ترجـع وتلحقهـا
تحاول على صم الصفا تخلـق المعـدوم
واذاعتـك لـو جابـت نبـا ماتصدقـهـا
...........................

الــثــبــيــتـــي

ترى العود مايصبر على الفاس والقـدوم
لكـن الثـيـاب الضافـيـه لا تشققـهـا
يميع اللحـام وينقطـع سلكـك الملحـوم
وتركب على ظهـر السفينـه وتخرقهـا
...........................

الـــــزلامـــــي

ليا صحت ولا نحت مالك عـن المقسـوم
لعلـه سفـر وارد عـراوي وسايقـهـا
بعد جبت لك سمن وعسل جبت لي جرثوم
وسلعـه تجمركهـا وسلـعـه تفرقـهـا
..........................

الــثــبــيــتـــي

انا لي هدف فيكم ولي دربـي المرسـوم
ابصبـر عليهـا ليـن تبـدي حقايقـهـا
زرعت النخل واسقيـه لكـن عـوّد دوم
بعـد ضايقتنـي ياعسـى الله يضايقـهـا


.................................................. .................................................. ..............................

يعطيك العافيه اخوي ومشكور على المحاوره

عـايـــد الـسـمـيـــري ،،

لك القلب .. لاتحافنا بـهـــذهـ الرائـعـــه

لك المـــودهـ ..

سـلـمـان الـعــــــــــرادي

ياسر البلوي



تشرفنا بمرورك




الف شكر لك



ياغالي

سلمان العرادي




تشرفنا بمرورك




الف شكر




ياغالي

عايد السميري ..
تقبل مني خالص التقدير و وأفر الإعجاب
بأسلوبك القوي النابض
فبالفعل أنت مبدع لأبعد الحدود
و تعلم جيداً مكانتك و وضع قلمك بالنسبة لي
و أنا واثق من تاثيرةُ على كل من يقرئهُ
فسلمت يمينك على هذا النقل
فالرائع لا يهطل الا كالمطر
لك مني كل المودة

تحياتي لك
يمكن غلا