ارجو من اصحاب الخبرة والمشورة مشاركتنا

صراحه ودك تعرف اكثر عن الموضوع علشان يكون حكمك زين ..

مادري وش سبب رفض الاهل ؟؟ اذا كان الرفض علشان هو ولد شيخ ولازم يتزوج بنت

شيخ.. والبنت مافيها شي.. انا اشوف هالعذر والرفض ماله اي اساس ولا هو مقبول ..


واللي يزيد المشكله ان اهلها رافضين الزواج .. مادري هم رافضينه نهائيا ولا موافقين

بس يكون بعد ماتخلص دراستها ؟؟


انا واحد من اخوياي قبل شهرين فكر يخطب اخت احد الاصدقاء من قبيله غير بلي ..

وكلم اخوها وابدا موافقتهم .. ويوم كلم اهله ..في بدايه الامر بعض من اهله رفضوا

الموضوع لان البنت من الجنوب ولا هي قريبه له ..لكن يوم شافوا اصراره وانه مايهمه

موافقتهم ولا رفضهم .. رجعوا له .. وانا كنت من اكبر مؤيدينه صراحه .. لان مافيه

سبب مقنع يمنعه من خطبتها لانها بنت ناس .. والحمدلله الحين بعد فترهـ بيروح يخطبها

من اهلها رسمي ..


انا اؤيد وبقوهـ كلام الاخ موسىآ هذا زواج حياتك كلها تقضيها مع البنت اللي تاخذها

يعني اهم شي انت مقتنع .. ولا الباقين يعتبر شي ثانوي .. اكيد الكل يفضل ان يكون

والديه موافقين لكن اذا رفضوا وبدون اي مبرر انا مااشوف موافقتهم مشروطه ..


أسف علىآ الاطاله ..

اشكرك على رايك وبارك الله فيك

الإستخارة ثم الإستخارة ثم الإستخارة
من استخار الله لم يندم

ولكن عندي ملاحظة أنت تقول انها قالت له خايفة إن ابوها يزوجها (يعني تكلمه وهذا ما لا يجوز )
ولكن لا أحد يدري وين الخير
اسأل الله إن يرزقه بالصالحة الفاضلة

الاستخارة استخار الرجال وخلص
بالنسبة للملاحظة

مثل ماذكرت سابقا الرجل يعرفها منذ فترة ليست بالقصيرة

وجميل ان تنتهي بالزواج المبني على الحب

اشكرك وبارك الله فيك

اذا الاهل بس معارضين لاختلاف المستوى والاصل يحاول يقنعهم وخاصه ان الام تعرف البنت واخلاقه واذ وصل الى نهايه مسدوده فايختار الواحد رضى اهله
فكم واحد عارض اهله وماتوفق بحياته حتى لوكان يحبه
وكم واحد طاوع اهله واخذ اللي يبون وكانت حياته سعيده
ومافيه احسن من الاستخاره في كل شي
ربي يوفقه ويدله على طريق الخير

اللهم امين اشكرك وبارك الله فيك

عليه الإتكال على الله (( ومن يتوكل على الله فهو حسبه ))
انصحه بالإستخارة


والله يوفقه انشاء الله

إذا كان صاحبك ذكي
،،،
اكيد ابوه فيه من يأثر عليه يرسله على ابوه مع الدعاء والالحاح
وتبيين الحكم الشرعي للوالد سوف يوافق
،،،،،
خيالة بلي
واجب علينا احسان الظن
لانك ذكرت انها قالت له انها خائفه من والدها يزوجها واحد ثاني
،،،،
يمكن وصله الخبر عن طريق اخته
وهذا الرجل عضو معانا بالمنتدى فالنتجنب بعض الاتهامات لكي لا نجرح
صاحبنا بناء على امور لا يعلمها
الا فاطر السماوات والارض
،،،،
الله يوفقه
وان كانت مكتوبه له بياخذها
لكن لا يجعل عدم زواجه بها نهاية العالم
فكل شي قسمه ونصيب
،،،،
خيالة بلي لا تزعلي
فأنت كاختي واحببت ان اذكرك فقط

[

font="comic sans ms"]احسنت اخوي ابو حمد يجب احسان الظن اولاً

ثانيا لأنة احد اعضاء المنتدى ولايجيب ان نحطمة او نشكك في حبة

ولانخيبة بعدم ذكر ارائنا

اشكرك وبارك الله فيك[/font]

الموضوع هين

اذا هو حاب البنت و هي على دين و خلق
فأنا أفضل أن يسعى للإقناع و الديه بشتي الطرق


طبعاً أنا عارف ان البعض يقول رضاهم مو مهم و جايب الدليل
انا ما انكر ذلك

بس الانسان ما يبي يضحي برضى و الديه عشان شي حتى و لو كان حلال
و هو يقد يتركه عشانهم و الله راح يعوضه خير


نصيحتي لك

الإستخاره و رضى و الديك قبل ارضاء نفسك

أسأل الله لك التوفيق

صدقت اخوي يوسف ولكن هل يعقل ان يرضى والدية من اجل امور عادية تمنعة من الزواج بها

خصوصا ان الفتاة لايعبها لادين ولاخلق ولانسب

لكن الوالدين مصرين على تكملة الدراسة والزواج بغيرها من قريباتة

اشكرك اخي الغالي وبارك الله فيك