معلمة ثانوية ترد على نورة الفايز‎

معلمة في الثانوية 86 ترد على

نائبة وزير التربية والتعليم لشئون البنات

نورة الفايز

تقول: تدرون ويش المشكله في التعليم؟؟؟

المشكلة في القرارات غير المدروسة والأحلام النرجسية الخيالية... وهل هي تناسب المجتمع السعودي ام لا...؟

أنا كنت في امريكا مع زوجي وأولادي كانوا يدرسون في المدارس الحكومية الأمريكية من الساعه الثامنه الي الساعه الثالثة ظهرا ولكن شاهد الفرق بين مدارسنا ومدارسهم... فمدارسهم مجهزة ومهيأة للتالي:

1- مطعم مجهز تماما من طاولات وطباخين متخصصين مساحة المطعم لاتقل عن مساحة فناء المدرسه في مدارسنا وهذا للافطار علي حساب الحكومه أما الغداء فهو بسعر رمزي وطبعا هذا لجميع الطلاب وكل من في المدرسه

2- تكيف مركزي في جميع أرجاء المدرسه

3-الفصل لايتعدي 15 طالب

4- الطلبه ينتقلون من فصل الي فصل حسب الماده أي لكل ماده فصل مجهز بكل الاجهزه والوسائل
5- حصص الاحتياطي لها مدرسين متعاقدين لهذه الحصص
6- حصص النشاط لها جدول ومدرسين متخصصين وليس مدرسين المواد 00والنشاط حسب اختيار الطالب
7- فناء المدرسه مساحته مثل مساحة مدارسنا مجهز بجميع الانشطه
8- والاهم لاحظت مدي إهتما مهم في الطالب والمعلم وإعطاء كل ذي حقه حتي في العقاب لا أحد يتعدي على الاخر
9- عقاب الطالب ليس بدني فهو نفسي وإذا حصل الطالب علي ثلاث أنذارات يعاقب بحبسه في غرفه مع شخص متخصص يشبه السجان وعلى الطالب ان لايتحدث مع احد ولايذهب لاي مكان حتي نهاية الدوام وطوال هذاالوقت يبقي جالسا مع إعطائه واجبات واذا تعدي الطالب علي المعلم او عمل شئ مخالف للاخلاق يفصل من المدرسه
10- ويوجد بكل مدرسه رجال من الشرطه واذا تعدي اي شخص بأي شئ مخالف وضعوا الحديد في يديه وأخذ الى مركز الشرطه للتحقيق معه
اذا كانت هذه مدارسنا لااظن ان احد يمانع في اليوم الدراسي الكامل

.............



وهذا احد الردود نقلته لكم

المسؤولين للأسف عايشين في أبراج عاجية
ما ينزلون أنفسهم لواقع الناس
ما أدري ليش إرتبطت معي صورة ( نورة الفايز ) بوزير العمل ( غازي القصيبي )
كلاهما وجهان لعملة واحدة
غازي القصيبي بكل بساطة يقول ( مافيها شئ لو توظف الشاب السعودي براتب 1500 أو 2 )

ويريد تشغيل بناتنا خدمات في بيوت الوافدين لبلدنا
وفي بيوت أهلنا في دول مجلس التعاون الخليجي
مجنون يتكلم وعاقل يسمع
وكلنا يعلم بأن بلدنا قد تفضــّل الله عليها وحباها بخيرات لاتعد ولاتحصى عسى الله أن يطرح البركة ونحسن التدبير.
سألتكم بالله متى يتزوج ومتى يبني بيت ومتى يقدر يكوّن نفسه !!!
أي منطق وأي عقل يقبل هذا الكلام !
ونورة الفايز تتفصحن وتقول 30 إلى 35 حصة
تعالي يا أبله نورة لمدرستنا ( مبنى مُستأجر فيه 300 طالبة الساحة حوش صغير مسقوف بشينكو
والفصول 4م في 3م هذي طبعاً لأبناء أصحاب البيت
واللي فصولهم كبيرة 6م في 7م هذا مجلس الرجال والمقلط
واللي 5م في 4م مجلس الحريم
والصالة الكبيرة تحت موزعة فيها بعض المرافق مثل غرفة المرشدة والمكتبة وغرفة المديرة والمدرسات
والحوش أقصد الساحة الخارجية مسوين فيها حمامات خارجية ومعامل الفيزياء والأحياء والكيمياء
طبعاً مبنى ( ثانوي )
وفيه جزء مسقوف بشينكو هذا للمصلى وآخر للمقصف ( يعني بيت جحا على قولتهم )
إذا جاء مطر كل المرافق الخارجية ( تخر موية )
والفصول فوق حدّث ولا حرج
كراسي الطالبات واصلة للسبورة يعني يدوب المعلمة تقدّر تكتب ولاحظوا معي أحبتي أن السبورة طباشير
يعني أنواع الحساسية !!!!
شئ مقرف
ونسيت أقولكم شئ مهم المكيفات ما تبرد ( تنفخ هواء على الواحد )
الكل يحمل في يده مروحة صغيرة ( الله يخلي المنشورات والمطويات والله لها فايدة غير فائدة القراءة )!!!
نتثقف ونتهوى !!!!
عجبي ثم عجبي على المسؤولين
واللي يقهر ويبط الكبد إذا جاء مسؤول يزور المنطقة يخلونه يزور المدارس الحلوة المثالية
يا ناس يا عالم كيف نقدر نتطـّور !!!!!!!!
تعالي يا أستاذتي العزيزة نورة يوم واحد لا تعالي بعد الفسحة ولمدة نصف ساعة تعالي للساحة وأجلسي ثواني
ونشتكي من رائحة البنات !!!
بعذرهم والله
أنا كل يوم آخذ دش ومع ذلك مافيه فايدة !!!
تعالي اشتري فطورك من المقصف واجلسي على الأرض أشوف بتقدرين تاكلين وإلا لا !!!
تعالي أيام الاختبارات وذاكري بالساحة أشوف تقدرين تستوعبين وإلا لا !!
تعالي حلي الأسئلة بفصل ضيق حار أشوف تقدرين تكتبين وإلا لا !!!
تعالي يوم واحد واشرحي للطالبات وشوفي لا مبالاتهم وعدم اهتمامهم ووقحاتهم أشوف تقدرين تقولين كلمتين على بعض وإلا لا !!!
تعالي اجمعي الطالبات في الساحة لندوة أو محاضرة وشوفي كتل اللحم كيف على بعض كيف تقدرين تمرين بينهم !!
تعالي مكان معلمة عربي أو دين أو إحدى المواد العلمية دسمة المعلومات أشوف تقدرين تعطين
ست حصص وراء بعض !!
تكلمي لمدة 45 دقيقة فقط أشوف بيستمر نفَسكِ وإلا بينقطع !!!
تعالي ساعة من ضمن 7 ساعات
وعيشي معنا
عيشي وسطنا
عيشي بينا
أشوف تقدرين تستمرين
أشوف تقتنعين براتبك !
أشوف بتسكتين على الدرجة المُستحقة والفروقات اللي راحت عليك !
تعالي الله يخليك
أنا مستعدة أحجز لك في أفخم فندق في المنطقة وأوعدك اليوم اللي تجين فيه بخلي البنات يوزعون
مطويات ومنشورات عشان تهفين على نفسك فيها ولا تخافين بندفع فيها فلوس من جيوبنا وبنخليها
من ورق مقوى عشان يكون هواها أقوووووى
أقول يا أستاذتي الفاضلة
ما الذي تعرفينه عن المدارس أو ما الذي تعرفينه عن التعليم !!!
بل ماذا يعني لك مُسمى ( تربية وتعليم ) !!!!!!
, و ماذا تعني العنصريه الطائفيه في ذلك

الله يعين والله 0
رد سليم معانات 0 مشكور عبدالله

اصلا مرتبنا في التعليم بين الدول العربية فوق تقريبا 21 او 20 يعني السودان والصومال والبحرين ومصر ودول الشام وموريتانيا وغيرها احسن منا لاوبعد اذا طلعت برى المملكة بشهادتك مثلا في الاردن مايعترفون فيها لان التعليم عندنا فاااااشل هذا على كلام مدرس عندنا

يعطيك العافية اخوي عبدالله النبهان على الموضوع المميز

نعم لله درها من معلمة نقلت المعاناة في معظم المدارس لدينا ، لن ينصلح التعليم اذا لم نقض على العنصرية ، والفساد الأداري ، والرشوة المقنعة في بعض الادارات 0
المعلم والمعلمة ، كثيرا ما يتم اتهاضهما ، والويل لك اذا اعترضت على أي قرار عقيم وغير منطقي ، يضعون خططا غير مدروسة ثم يطلبون المعلم أو المعلمة بفعل المعجزات لتنفيذ قرارات خاطئة وارتجالية 0 كان الله في عوننا 0

الله يعين والله 0


رد سليم معانات 0 مشكور عبدالله

اذا كل المعلمات مثل هذه المعلمه لا خوف على اخواتنا وبناتنا فيه صادقه مع نفسها وتحمل هم التعليم

إذا أختنا تشتكي من المدارس المستأجرة تروح تشوف مدارس البنات بالقرى والله لوتشوف مدرستي ابوراكة الإبتدائية والمجمع والفارعه والنشيفة وأم ضباع والجو غير تقول الحمد لله وغير ترضى لا ساحات خارجية ولا ارضية فصول مستويه ( في الفارعه ) ودورات المياه داخل المدرسه والمدرسه مطبوقة ولا منافذ للهواء وعدد هائل من الطالبات في الفصول وفصولهم صغيره والله أن طالباتهم محشورات من أول الصباح إلى مايروحون وغير الغبار اللي يجيب الحساسية وتجي تشوف لما تنقطع الكهرباء كأنها داخله مغارة مو مدرسة (أبو راكه )
ووزارة التربية والتعليم نايمة في العسل ولا حياة لمن تنادي
الله المستعان