مـــــــــــــــات نادر!

الملف الشخصي · 10-22-2009, 06:27 PM

هذة أبيات متواضعة كتبتها لأخي من الرضاعة وأبن خالتي نادر
اسأل الله أن يرحمة ويسكنه فسيح جناته

ضاقت الدنيا بعد عيد الفطر
مات نادر وكل أبونا ميتين
طاح حيلي عقب ماجاني الخبر
وأنذهلت وقلت ياربي تعين
ودي أصبر مير ضيعت الصبر
وصرت أنا أبكي والفضاء كله حزين
حتى أهله عاشوا بحزن وكدر
ومع هذا بالمقدر مؤمنين
وكيف قلب أبوه حطه بالقبر
كيف حاله وأكبر عياله دفين
أشهد أنه من همومه مندمر
بس مايبين وربعه حاضرين
وأمه اللي دمعها غصب انتثر
يوم نادر مات أعياها الأنين
شالت همومه له منذ الصغر
ماشكت منه على طول السنين
ولاشكت منه يوم انه كبر
قبل موته قال يمه سامحين
وباسل اللي عاش ساعات القهر
عقب نادر صار للذكرى سجين
ياالله أني طالبتك يامقتدر
تجعل المرحوم من أهل اليمين
وتجعل لنادر بجناتك مقر
تحت عرشك ياآله العالمين
وإلاأنا عبًرت عن همي بشعر
يوم شفت الحال عيا لايزين
وأطلب من أهله السموحة والعذر
لو نبشت جروحهم في كلمتين
والختم صلوا على سيد البشر
من بعثه الله بكتابٍ مبين

قمة شمــــــــــــــــــــــــــــــوخ نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

الملف الشخصي · 10-23-2009, 01:23 AM

قمة شموخ

أحسن الله عزاك بـ نادر . .

و الله يرحمه و يسكنه فسيح جنانه . .

و صح لسانك مليوون . .

ما أصعب الفقد - يجعلنا تائهين نتخبط بدون وجهه أو هدف . .

و لكن هذه هي سنة الحياة . .

قمة شموخ . .

لـ قلمك و شعرك أنحني إحتراماً و تقديراً . .

لك كل الإحترام و الود . .

الملف الشخصي · 10-23-2009, 03:26 AM

المشاركة الأصلية كتبت بواسطة غــادي

قمة شموخ

أحسن الله عزاك بـ نادر . .

و الله يرحمه و يسكنه فسيح جنانه . .