بسم الله الرحمن الرحيم
السلام عليكم ورحمة الله وبركاتة
هذة القصيدة كتبتها فخراً واعتزاز بشهيد الواجب شهيد الوطن :نايف فالح البلوي
وهذة هي الأبيات:



صبر جميل القلب يجزع وحساس=والعين تسكب دمعها لا ارادة
شفت الخبر عبر الجريدة بقرطاس=مصوراً في عهدتة واجتهادة
نايف شهيد وخدمتة ترفع الراس=رابط على الجبهة وحقق مرادة
دون الوطن ضحى بروحة لاينداس=بالمعركة مرحوم نال الشهادة
مسلم مجاهد صح مافية وسواس=عندة على خوض المعارك جلادة
اكبر دليل انة شجاع وقرناس=طير كفخ ياموت ولا سعادة
اللي يموت بعز عايش مع الناس=ماينسي من راح فدوة بلادة
الأدمي عمرة مقدر لة قياس=اليا انتهى مافية يوماُ زيادة
الله يعوض والدة عندنا احساس=كل القبيلة تفقدة والقيادة
ربعة بلي معروف ساس على ساس=هذا شرف ولله ينصر عبادة
خام الذهب مايصير بالمصنع نحاس=فينا الشجاعة كوم والصبر عادة


أنا نزلت هذة القصيدة في منتدى بلي بناء على طلب العضو والأخ العزيز أبو ضحى...
ودخلت هذا المنتدى بناء على دعوة من شخصة الكريم...