وين غاب القصير

السلام عليكم ورحمة الله وبركاته
جرت هذه المحاوره على منتدى العصابين الرسمي واحببت ان انقلهلها لكم
آمل ان تحوز على رضاكم

ابو تركي

وين القصير مانشوفه اخرعهد قاف الرباعـي=مرت عليه ايام غايب وين القصيـر مانشوفـه
كان السبب كثرة ظروفه لظروف صاحبنا نراعي=ماني مكثر بالطلايب كان السبب كثرة ظروفـه

القصير

ينشد معزب عن ضيوفه عن نشدته مافيه داعي=بعد العشاءوالكيف طايب ينشد معزب عن ضيوفه
ياصاحبي نفسي عيوفه قوتي لكل الله من ذراعي=نفسك توردك النصايب ياصاحبي نفسي عيوفـه

ابو تركي

واجبك وصلك في ظروفه خل المجادل والنزاعي=غايب وتلحقناعتايب واجبك وصلك في ظروفه
بين كتابك من حروفه لكن ماجـاب ارتياعـي=ودك تولعها شبايب بين كتابـك مـن حروفـه

القصير

مرسالكم لاشي في جوفه عود مع النقل الجماعي=عود محمل بالوهايب مرسالكم لاشي في جوفـه
هذا الزمن مكثر ضعوفه فيه الفتن والظلم شاعي=لاصرت فالميدان هايب هذا الزمن مكثر ضعوفه

ابو تركي

نفسك على الدنيا شغوفه طيب النشاما فيك ضاعي=مغويك ملعون الصلايب نفسك على الدنيا شغوفه
الضلع ما تقدر تحوفه تخشى الذيابه والسباعـي=منته مسوي لك غرايب الضلع ما تقـدر تحوفـه

القصير

ودك تسوي لك بروفه واخطيت في لبس القناعي=ممسي ولد واصبحت شايب ودك تسوي لك بروفه
الضلع ثابت في و قوفه ما تنطحه لو كنت و اعي=ما زحزحه لفح الهبايب الضلع ثابت في و قوفـه

ابو تركي

الياعسرك العلم طوفه حاول بقدر المستطاعي=قدام تدفع للضرايب الياعسرك العلـم طوفـه
ماهمني ناقل سفوفه والا مـدور للمراعـي=ان كانها شبت حرايب ماهمني ناقل سفوفـه

القصير

مارضى على الصاحب كلوفه زبده لابان الصبح ماعي=مادام نوخ بالركايب مارضى على الصاحـب كلوفـه
نيتك شينه وا معروفه فيـك الخطـر سـم الافاعـي=والله لاوريـك العجايـب نيتـك شينـه وا معروفـه

ابو تركي

من حج بيت الله يطوفه وقت القدوم وفالوداعـي=وابليس مرجومن وخايب من حج بيت الله يطوفه
اسمك مسجل في كشوفه تحضر معه كل إجتماعي=وتقول يالاخوان تايب وااسمك مسجل في كشوفه

القصير

مثلك يحير في وصوفه يثبت على مبداه ساعـي=وابليس يفرح بالمصايب مثلك يحير في وصوفـه
يوم انت قايد في صفوفه قدت الهجوم مع الدفاعي=للجار تقتل والقرايب يوم انت قايد فـي صفوفـه

ابو تركي

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


مثلك ولوكثر حلوفه ضاري علـى كثـر الخداعـي=وابليس في مسعاه خايب مثلك ولـو كثـر حلوفـه

مثلك ولوكثر حلوفه ضاري علـى كثـر الخداعـي
وابليس في مسعاه خايب مثلك ولـو كثـر حلوفـه
انته كفوفك في كفوفه واخفيتهـا والسـر ذاعـي
غير القشر ويش انت جايب وانته كفوفك في كفوفه

أهلا بك و عوداً حميداً أخي الغالي

من العايدين و كل عام و أنت بخير

شكرا لك يالقصير
وكل عام وانت بخير

صح السان ابو تركي وابو حسن

أهلا بك و عوداً حميداً أخي الغالي

من العايدين و كل عام و أنت بخير

اشكرك أخي موسى على مرورك العاطر

وكل عام وانت بخير

وتقبل تحيتي