طلعه للديره...وبهاظبي

بسم الله الرحمن الرحيم

بالبدايه مساكم الله بالخير يالربع هذي القصه ماتعدت شاشة المحمول عندي وحبيت أقدمها لكم
فاسمحولي .
بسنه من السنيات قصدي بمره من المراريت صار لي مشوار للديره مشان اتفقد المزرع حقنا هناك وكان الديزل على وشك عودت أخذت البرميل ورحت للمحطه حقت سعيد القويعاني اللي مستاجرها خيال الباكستاني وأخوه بشير ويوم وصلت خيال واقف عند شيشة البنزين يعبي لصاحب جيب شاص خمس وثمانين شطرطونه اخضرسبحان الله ولا هذا علي مشحن القرعاني ومبطي عنه وسلام وحبحاب وسلمت على خيال وين أنتا ماشووفتك من زمان قلتله تخبر مشاغل الله لايشغلنا غيربطاعته المهم راح خيال يعبي برميل الديزل سولفت مع ابو مشحن بمور الدنيا المهم قلتله بك خوه رايح المزرع اللي بثربه قالي والله ياخوك عندي دوام تخبرون أبومشحن مسؤل الأمن بمستشفى أبوراكه على كلامه ابرا لله المهم قلتله خدمات شي قالي فيه لنا ناقه غاديه لها أسبوع وذكرها لي واحد من الربع يحتفظ الكاتب بسمه قلتله أبشر إن لاحت لي أعطيك خبربس خلني أباشر عليك قال ماهي شينه وأخذله واحد كودرد ومشا أخذتلي جركل مويا أبوريالين مع اثنين مالبورو أحمرومشيت نزلت برميل الديزل بالمزرع وتوكلت على الله ومع خط الرقبه وخمه خمه وسليع ومع طلعة الزناديه ومشغل حجاب بن نحيت المهم وأنا مع الرسته ويوم وازنت بقاع الرزن مدري وش اللي خلاني التفت يمين ولا الزيله ياولد لالا ارتمه وأنا أدلي على الدربيل ويوم طرقته ولا الظبي شوف وعرف وأنا أعكر الجيب يمه ماريح حويان غير وانا واصله ويوم وازنت به وأنا أخليه من يمي وانا اسحب الكلشن ياولد وش السواه مايمديني أرميه عودت وأنا أرد البندق غني مات فقيرمات خمس وست وأنا أشتله بصدام الجيب وهو يخثع كصيم العرد ما أمداه يقوم غيروأنا عنده و أشده سماوي فووق بسم الله الله وكبروأذكيه وآخذ لي مرياح وانا انزل المويا وأغسل واللي علي بالخير وأدخن لي سكاره مالبورو يافال السعد لوتمناه منوه بهالمحل ماتلقاه فتحت باب الجيب الخلفي وشلته منقطع الشين تخبرون الديره محل الله يعود عليها ويرزقها بالحيا اللهم آمين ويوم أخذت لي مشوار مع التمهيده ولا عطايا الله على اليمين عودت وأنا أميل عليها سلام ولا الزول واقف عند الرحول كيفك يازول مرحب بيك ياخي من هي له البل هذي قال لفلان ابن فلان ومن كرم راع البل اللي هو فلان معود الزول على هبت الريح عود وهو يدلي على الصميل وهويملا الغضاره بسم الله ويوم قضيت عذب الله من الشيطان وأنايذكر علي الظبي عودت وأنا أنزله وعلى النخاع خذ يازول من رزق الله ولاتعلم أحد تخبرون أبورمش يدرج بالحره وينشد ما لا قنوص والواحد مايبغامشاكل يعطيك العافيه ياعصمان وقبل لاامشي نشدته مالاحت لك ناقه هذا وصفها وعليها هاك الوسم قال ألا أمس وردت مع بل همل على دمكا الحمد لله رزقنا الله بظبي ووكدنا ناقة أبومشحن مع السلامه ياعصمان بحفظ الله يازول مسكت الخط خمه خمه ومع الخرمه ويوم وصلت المزرع ولاأكرم الباكستاني عامل عند عمي منصورطول الله عمره دوبه معشي البل وجاي وين عمي قال يروه الألا يعني العلا عسى يرجع لا منكن رهو نشيفه خساره ودي انه شاركنا بس خيرها بغيرهامالكم بالطويله نزل أكرم شنق الظبي وسوا لنا منه هاك العشوه اللي على كيف كيوفكم ونومه والساعه سبعه أصبحنا وأصبح الملك لله ولاحول ولا قوة إلابالله ومصلين واللي علينا بالخير وبعد مقلقل مظبوط ميلت على المزرع الأمور زينه الحمد لله والحلال بخير ورجعه على أكرم خدمه شي قال شكرا يسوي شاي عشت ابغا امشي وتوكلت على الله وخط البريكه وعلى تبوك ..وسلامتكم أنا عارف طولتها سامحوني. . دمكا:بيرما بالحره

انا الحين متابع

وقلت خلاص باكل لحم ظبي

اثريك اكلتة طيب امانة ثاني مرة افتكرني تكفا


لو قرطاس لحم

بس صراحة رحلة ولا احلى

أبوسعد صباحك ورد وتشرفني خوتك ومايذبحه غيرإنت خابرلي واحد بديره قريبه وشرايك. اسعدني ردك ولك تحياتي

بالعافية ولاهنت على القصة

بالعافيه....
ابو خالد..

أعجبني؟
( خمه خمه)...

أطيب تحياتي,,,

رحلة طيبه وخذني معاك انت وحماد سعد ..ولا تنسونا يا سمي ..بارك الله فيك ولك تحياتي والسلام