يــــارجـل سجـي

يارجـل سجـي بالمرابيـع سجـي=خوذي بهن بالطول مدهل و منهـاج
سجي بروضٍ والنـدى بـه ينجـي=مسقيه بـرقٍ بـاول الوقـت لعـاج
ثالث شهر والغيـث فوقـه يكجـي=وسيله تزاما مع جهاريـه ثـم راج
وزام وتحـدر مـع شعيبـه يوجـي=ماكنه الا النيل مـع شـط سوهـاج
فيه الزهر غـب المطـر يرتهجـي=احمر من الياقوت وابيض من العاج
وعطر الخزاما والنفـل بـه يعجـي=وان هبت النسمة صفق مثل الامواج
والـى رقيـت النـازح المبرهجـي=رجمٍ علـى كـل المراقيـب منبـاج
والورق حسه فـي جنوبـه يلجـي=ويشرف على روضٍ تقل فرش ديباج
ارخي انظار العين مـع كـل فجـي=حتى يهيض من الحشا كـل مـالاج
روابـعٍ مـع بـاب قلبـي تهجـي=ويفتح لهن قلبـي ثمانيـن مـزلاج
تقفـي وتقبـل بالضميـر وتخجـي=بين الحنايـا كنهـا شعلـة سـراج
دنياك هذي مبلشة يـا بـن حجـي=تعطي زبـاد بكـف وبكـف كربـاج
وحروفهـا مـا تنقـري بالتهجـي=وان عاكست ما فادها طب وعـلاج
ايـام فيهـا امطـار وايـام عجـي=وايام بيـن وبيـن مافيهـن انتـاج
احدٍ ضحك واحـدٍ دموعـه تزجـي=واحدٍ رقـد واحـدٍ رقـاده تغمـلاج
واحـدٍ زمانـه مقفـيٍ مستهـجـي=واحدٍ زمانه مقبـلٍ ضاحـك حجـاج
دنيـا جبـال الارض منهـا ترجـي=عندك خبرهـا نشفـت بيـر هـداج
يـا شينهـا يـوم انهـا تستلجـي=لولا ولي العـرش يفـزع بالافـراج
والله من اصحاب المصالـح ينجـي=اهل النفـاق معاونـة كـل هـراج
اهـل الكـلام السامـج المسمئجـي=سود النوايـا والخفايـا والامهـاج
جنبتـهـم ياعلـهـم للـمـدجـي=ماني رفيق اهل النمايـم والاحـراج
مـادام انـا لله صومـي وحـجـي=مالي ومال الخلـق عـدلٍ ومنعـاج

الالبــــــــــــد

أسجل أعجابي بما سطرت ما نقلت
ومهما قلت وكتبت أعجز أن اعبر عن إعجابي
بما جاد به إحساسك..!
من تصميم رائع ومن كلمات رائــــــعه
فاستاذنا زيدان مدرسة من الابداع
ولم نزل نتعلم منة الكثير
قرات هذة القصيدة كثيراً هنا..وهناكــ في قصائد العملاق ابو علي

دمت رائــع متألق على الدوام
ودام لنا قلمك
ولاحرم الله هذا المنتدى منك

وتقبل مودتي

يمكن غلا

مشكور اخوي الالبد قصيده رائعه

وصح لسان قائلها وناقلها

ويعطيك العافيه







اخوك
احمد عبدالله البلوي

اخي الالبد
مشكور على هذه القصيده الرائعه
وابوعلي ماهي غريبه عليه هذه الروائع