يسلم علي بن عايش ابن الرقيقيص

بسم الله الرحمن الرحيم

السلام عليكم ورحمة الله وبركاته

من لا يشكر الناس لايشكر الله سبحانه وتعالى وفي الحقيقه ان الجميع كان له وقفه مشرفه مع اخونا الغالي ابراهيم عواد البلوي ممثلنا في شاعر المليون في نسختة الرابعه ولكن علي عايش الرقيقيص كان مع الشاعر ابراهيم البلوي من قبل بداية الجولات التمهيديه وقد وقف بجانبه خطوه بخطوهـ وقد ترك اشغاله ومصالحه الخاصه متفرغ مع شاعرنا وليس غريباً عليه فله وقفات مع الجميع وكلمات الشكر تعجز امام انجازات هذا الرجل

هنا للشعر وقفه مع الشاعر ناصر خليوي الرموثي البلوي قصيده شكر للاستاذ علي عايش الرقيقيص وجميع ابناء بلي على ماقدموه مع الشاعر ابراهيم عواد البلوي

ياسامعي من دون قاصر وتنقيص=الطيب كم له من هل الطيب حايش
في موقفٍ ولمدة اسبوع تخصيص=لاسمٍ حفظ بين الضلوع المشايش
يستاهل ابراهيم بتّاع وابخيص=هو نابغة عصره وأثار الدهايش
تجللت نزاهته لابن بصيص=وقت التنافس به قلوبٍ غشايش
برهن مبادي كانت تعيش تنغيص=في ظلمٍ انقع من سموم الهوايش
يامشرّف اللابة ما راحت مناقيص=قومة بلي تكفي لو الفكر دايش
مما حصل شكة وريبة وتبقيص=أو طاحت الأهداف من سهم طايش
كلاً دعم من دون دبرة وتقليص=لاجل اللزوم الراس عالي وشايش
بأسبوعهم كان التفاف وخصاخيص=فيه انشغالٍ عن حياة التعايش
دامه غدى للعز ساسٍ بترصيص=حصن انبنى للمجد ما هي عرايش
وآن الاوان لسابقات الأقاصيص=قبل السبوع وقبل كل النقايش
للي خذا اكبر حصة من الأحاصيص=في كل ما يجتال بالبال جايش
أول من ادهشني وأخصه بتخصيص=وأروى عروقاً للحمية عطايش
أفتح له أقواس وعلامات تنصيص=من شاهد الموقف ما جتنا طرايش
هذا علي بن عايش ابن الرقيقيص=لإسم الأول جعله بخير عايش
شهرين كيف أوصف مقامه بتلخيص=وأنحت صخر قيفان ما هي هشايش
من أول الجولات والأمر تمحيص=بان الشجاع أول نهار الغبايش
في يوم كنه بالشقى للقنانيص=لولا الهواية بالخوي كم بلايش
أبحر مع البحار في عالم الغيص=يقول هات اللول بالقلب نايش
أمل طموح إحساس واخلاص خصيّص=وفا شهامه طيب خلق وبشايش
فزعه وجزعه واعتداد ومخاليص=صبر وجلاده والتفاؤل رهايش
وعوّد خويه في يديه التراخيص=ثم انتخى باخته وقال ابن عايش
جملّتنا واللي بقى كله ارخيص=عرق الحمية ضخ والدم غايش
ونصى زحازيح الرجال المفاريص=من ربعنا اللي يزبنون الدغايش
وكلاً وفا في واجبه والمحاريص=وقفات ربعاً ما عليها غبايش
لكن خوي الجنب جهده بتفصيص=قبل الظهور اللي ماروح بلايش
يسلم علي بن عايش ابن الرقيقيص=الإسم الأول جعله بخير عايش
وياربعنا من دون قاصر وتنقيص=اكثركم اللي صار للطيب حايش

بارك الله فيك على الطرح
لاهنت

والنعم بابو عايش راعي وقفات
،،،،

شكرا عواد

ليست غريبه على علي عايش الوقوف والفزعه مع ابناء بلي

وبراهيم التلفيه يستاهل الوقوف معه


الف شكر لك اخوي عواد

ويستاهل أبو عايش رجل الوقفات .

يستاهل ابو عايش القصيد وترويض القاف لافعاله وروحه الطيبه

شخص لا اقولها مجامله بل هو اخ لي لم تلده امي

ابو عايش فعلا اذا قلت صديق وقت الضيق فهو ينطبق عليك

كثر الله من امثالك ..


الله يعطيك العافيه يا عواد ويستاهل ابراهيم من يوقف معه .

والشكر موصول للشاعر :ناصر خليوي الرموثي

ودمتم