منصور ذا منصور فعل وتدابير* * * غصبن على الحساد واهل الوشايل

هذه القصيده مهداه من العاشق الاتحادي رجا سليمان البلوي للشيخ منصور بن حمدان البلوي بمناسبة عودته للاتحاد

منصور يا وجه السعد والتباشير=يا عز ربعاً تنتخي كل طايل
حنا بخير إذا لمحناك في خير=يا وجهنا ما بين شعب وقبايل
الناس غير وغير وانته بعد غير=غير القمر عن سايرات الطوايل
يا شيخ تسمح لي نهار التعابير =بقول فيك من الكثير القلايل
واستأذنك يا شيخ عن كل تقصير=ان كود شعري ما وفى بالكما يل
الساعة اللي جابتك وانته صغير= ساعة وفاء من طيبات الفضايل
يا حي ذكرك لا لفت به مسايير=بين الرجال وينتخي كل قايل
فيك الصفات اللي تسر المناظير=اللي لها رمش الحجاج يتمايل
أشرقت مثل الشمس في مصبح الخير=حط النهار وتوه الصبح شايل
فتحت مثل الورد بين المزاهير=بارظن ربيع وتوه السيل سايل
يكفي رقيت المجد رغم المعاثير=يومن غيرك عجزته المحايل
مشهور يعجز عن فعولك مشاهير=لوحاولوا ما حصلون الحصايل
ما كل من يملك فلوس ودنانير=يقدر على حب القلوب أيتحايل
ولانت بالزينات تملك جماهير=وأنا على قولي شهود ودلا يل
اللي يحسب بالعطاء للمخاسير=ما هو بكاسب كان يبغى جمايل
المال بيدين الرجال المناعير=زوداً يكمل ناقصات الفعايل
ولا جاك بيدين الضعاف الدناقير=عز الله أنه من كبار الهزايل
لا هنت يا وجه الرجال المسافير=اللي بفعلك يضربون المثايل
ولا هنت ياعون الضعاف المعاسير =يا مزبن الضايق نهار الدخايل
دلال العطاء دايم بمدك مباهير=يمناك ما تبخل على كل سايل
مدت يدينك مثل جمن على بير=مدت يدينك مثل وبل الهمايل
منصور ذا منصور فعل وتدابير=غصبن على الحساد وأهل الوشايل
هذا الفخر ما بين دار ومداو ير=فخر الشمال من الوجه لين حايل
لو امدحه من صبح لاحزة عصير=في ذمتي ما وصلته الوصايل
لاياقضاعه ما عليكم مخاطير =دام الصعايب في حظوره سها يل
لو تنتخوا به يا بلي كل ماثر =تاجن على روس الحرار ألاصا يل
ولو تنتخوا به يا جهينة مفاخير =هذا بناخيكم ونعم السلايل
كان العميد أختار حبه عن الغير =يستأهل اللي من عطاه الجزايل
حبك وحبيته على كل تقدير= وعن غير حبك ما يدور بدا يل
يابن الوطن يافخر دار ومداو ير =يشهد لك التاريخ عن كل قايل

رجا سليمان البلوي

صح الله لسانك يانايف ورلسان الشاعر الجزل رجاء الوابصي على هالقصيدة الجزله


ويستاهل ابو ثامر هالابيات



أطيب المُــنــى ،،


سلمان العرادي

ابياااات اكثر من رائعه شكرا" لك