* { جــــفــاف الــعـــقــــول }

* مع التحيه الى الشاعرالقدير : فالح السميري ..

يابو عـــمـر . وقــتـنا مـايمــد الوافــيه =لا تســريها هجـيني على درب الغواء
الهـــقـاوي مـتـعــبه والدلايل كافـيه= وعـن كـثير القول يغني قليل بـما حواء
وأنت تدري مــدحة اللاش رمـــيه هــافيه=لكن أسمعـني : وكل إمـرء (ن) له مانواء
إقــبـس الحرف وتبـين الوجــيه الطافـــيه=دام حرفك في سماء الشعر(يافالح) ضـواء
ونلـتـقي بالـفـكــر ماهــو بوزن وقافــيه= أنت / أنا ..أو .. أنا / أنت . المـعـنى ســـواء
صـدق إنا بين كومـة قـلـوب(ن) غــافـيه =مايصحــيها دويّ الكلام اللي دواء
نرعد ونبرق عطاء فوق جرد (ن) صافيه=ماتقدر نزلة الغـيث لو شبعـت رواء
تحـسـب إنه طايح(ن) من عـلو العافيه= طيحة (ن) ماطاحها إلا بعد ضغط الهواء
إييييه . وأنا كـنت أحــسب المشاعر دافـيه=لين مـــا برد الـنوايا لـشـرهــاتي كــواء
بعــدها قـلت إن (واو) الجــماعه نافيه= مع حروف النفي وإن قلت (لا) مالك لـواء
هــكذا الآصــح . دام الضـماير خــافيه= خلنا من / هم ، هي ، وأنا , وأنت.. وهــوّا
وش عــلينا من جـفاف العــقـول الجـافـيه= فـكرها ماياصـل أدنا حدود المـسـتواء
والهـقــاوي مــتعـبه والحقايق كافــيه= وعن كثير القول يكفي قليل بـما حـواء
والســلام خـــتام وإلك التـحــيه وافــيه= لو ورى حدب الضلوع ( الصبر) ذيبه عـواء

* عايد السميري

26 / 3 / 1431 هـ

إقــبـــس الــحـــرف وتـبــيــن الـوجــيــه الـطـافـيــه

دام حرفـك فـي سـمـاء الشعر(يافـالـح) ضــواء

صح لسانك قصيده اكثر من رائعه اعجبتني كثير وانت شاعر وفالح السميري شاعر كبير وقدير صوت وننتظر الصدى صح لسانك مليون

عايد السميري

صح لسانك ولاهنت يالغلا

ولك خالص ودي

صح لسانك أخوي عايد

الشاعر الرائع / عايد السميري

نرعـد ونبـرق عطـاء فـوق جــرد (ن) صافـيـه
مـاتــقــدر نــزلـــة الــغــيــث لــــــو شــبــعــت رواء

نص مفعم بالشاعريه العذبه

محبتي لك

سلطان القنيدي

صح السانك ولا هنت