مثل همال السحابة

هذه المحاورة جرت بيني وبين الشاعر الكبير ناصر سليم العصبان البلوي "ابو مازن" في 26-3-1431ه
في موقع العصابين





ابو مازن

ياسـلام الله سلامـاً مثـل همـال السحابـه =هيض مدري فيض من شاعر ضنونه ماتخونه
ودنا يمرّ القصيـر يـوم رب الكـون جابـه =له سنه ما خذت علمه والطـروش ايذّكرونـه

القصير

ياعسى فيك البقا ياذيب من حوله ذيابه =عند ربع ٍ طيبهم أهل الوفا ما يجحدونه
القصير طول عمره دونكم ماصك بابه = وش مغيبكم سنه وانتم مكانه تعرفونه

ابو مازن

ماعليكم زود ربعاً طيبكم مابـه غرابـه =في سنام المجد لو يأصل عطارد تاصلونه
القصير قبل عام ارسلت له علماً وسابه = والله يبارك برجالاً تكفّـل فـي ديونـه

القصير

من نزل بالسوق لايأمن ولو يحسب حسابه =الرجال يربحونـه وان نـووه يخسرونـه
القصير مادرى انك تنتظر لحظـة غيابـه =لين شاف الذيب بالمرقاب والمحتال دونـه

ابو مازن

الهمور ليا تولى البورصه كـلاً يهابـه =والهوامير الصغار يحـوّدوا ماياقربونـه
القصير يثبت وينفي وغيّر فـي خطابـه =مادرى ان الحقّ صابه والرّجال يلاحقونه

القصير

الهامور لياتولى البورصه كلٍ عثى بـه = والهوامير الصغيره وا عسى ما ياكلونه
من يثبت حجته يسلم لنا حضرة جنابه = بشره بالعافيه دام الخصـوم يدورونـه

ابو مازن

واحسافه يالخويّ اللي تنحت به ركابه = كان حول القافله واليوم حال البعد دونه
مانلومه والزمن فيه انتكاسه وانقلابـه = والحمل يمكن ثقيل ولايشيلنه متونـه

القصير

الخوي اللي تنحت بـه ركابـه واعذابـه =ضيع الطرقه وجاب الحون ماهي من لحونه
بعد هذي مانلوم الرجـل لويفقـد صوابـه = اعذره لو كان بعض الناس لا ما يعذرونـه

ابو مازن

يالقصيـر لاتغيـر بالمقاصـد والاجـابـه = واضح المضمون مثل الشمس كيف اتغيّرونه
بس انا رجلاً شمالي والصّدر كلّـه رحابـه = والشمالي كل علمـاً غانمـاً دايـم زبونـه

القصير

المقاصد مظلمه والشيخ سيفه في جرابـه= ليت من حوله من اصحابه عليها يرشدونه
والنعم بك يالشمالي لابتـك يـاوي لابـه =بلغ اخبار الشمالي ناس غيري يجهلونـه

ابو مازن

اشهد ان العلم واضح ماتعتم بـه ضبابـه = علم ماهو حلم يبغى له شيوخ يفسرونـه
يامحمد كيف اعلمـك القرايـه والكتابـه = وانت شيخاً من جهل فتوى بدينه تخبرونه

القصير

يالشمالي صارت الدعوى طلابه في طلابه = علمك اشيوخ الملا لويحضرون ايفندونه
لا تعلمني ولا اعلمـك كـلٍ فيـه مابـه = واترك الفتوى وعلم الدين للي يبخصونه

ابو مازن

من نزل في سوق غالي باع به والا اشترى به = كان ماتشرون في سـوق الذهـب لاتقربونـه
خلهـا بينـي وبينـك مانتوصّـل للحـرابـه = طيبها لمن تفاهمنـا علـى ستـر ومصونـه

القصير

من يكرر كلمة الاخصـام ماكمـل نصابـه = ما نقول انه جهل مير الخطأ جاء من عيونه
ما حصل بالمحكمة معروض حالته النيابـه = ننتظر للحكـم واللـي يكتبونـه يكتبونـه

ابو مازن

عاد منها احنين ضيع زاده وضيّع شرابه =ياحليل احنين لا شفناه يسحب في ردونه
والسلام اختام مني والقصيـر مرحبابـه = اشهد انه رجل وافي والجميع ايقدرونـه

الشاعر القدير القصير صح السانك والسان ابو مازن على المحاوره الرائعه

ماشاء الله تبآرك الله ..!

شعـآر متمكنين ( صح لسآنك ) اخـوي القـصيـر ..!

وصح لسآن الشآعر نآصر البلوي

صح لسانك يابو حسن ولسان أبو مازن . شاعرين قمة في الإبداع .

لاهنتوا .