خير البدايه ياسلام الله عليكم يالصقور
إخواني الأعزاء إدارة واعضاء منتدى قبيلة بلي الرسمي
السلام عليكم ورحمة الله وبركاته
يسعدني التواجد بمنتدانا الراقي بكل أقسامه وخاصةً قسم المحاوره وان تكون المحاوره بيني وبين الشاعر الكبير عايد السميري
واتمنى ان نقدم مايرقى لذائقتكم الراقيه
الف شكر لكم
خلووووووها
ابو تركي
خير البدايه ياسلام الله عليكم يالصقور=ربعي بلي وقت المواقف تنحسب وقفاتها
مادام جا عايد وشفت اسمه مع الناس الحضور=اقول له هات العلوم اللي بصدرك هاتها
عايد السميري
يامرحبا بك فالبدايه وانت زدّت النور .. نور=في جيتك والبندقيه عزّها طلقاتها
أنا هنا ياللي تحسب المملكه نقطة عبور=هاك العلوم .. وحجتك يلزم عليك إثباتها
ابو تركي
اليا قنصنا مانغر من العشـا والا الفطـور=والبندقه واطلاقها تعجبك عنـد أوقاتهـا
المملكه داري ودارك من قديمات العصور=دربك طويله يالسميري واحترص لفاتهـا
عايد السميري
ياسيد العرف انتبه لاخلي أعصابك تثور=قدام رد الثار شوف الناس كيف سواتها
صدقت لاكن لا نصير نلف مع بعض وندور=سر النوايا والعرب ماتوخذ بــ / نياتها
أبو تركي
ماني بخابر ثار وانت اهدى ودمك لايفـور= كم ناس راحت في زمنها من سبب هقواتها
اعرفك شاعر ماتبالش تسبح السبع البحور=واهل النوايا القشر مـن نياتهـا نكباتهـا
عايد السميري
في معركة حطين من حط الجنايز فالقبور = واليوم ليش الأرض ضاقت بالعرب وامواتها
وأنا بعد ماني بجاهل فيك شاعر ومخبور = من ثقل وزنك ترجع الكوره على اللي شاتها
أبو تركي
المشكله فامن عطاها الله ثلاث من البزور=لكن مامنهم ولد يتعب على مرضاتها
اثريك صايم دهر ماحصل فطور ولا سحور=الله رزقك بمسلمين اعطتك من حسناتها
عايد السميري
لا مشكله والمشكله باللي مع المسحه درور=لصحابها تسري و تنقل سالفة عماتها
قبل الثلاثين وبعد ماني معك باكل الجزور=والله كريم وهقوتي ماتنقصر شرهاتها
أبو تركي
ان كان شوفك مايدلك دور لعينك ذرور=المشكله من كبرها نشرة على شاشاتها
منته معي حنا نحج البيت ولطيبه نزور=وانته تصلى لك صلاة تتعبك ركعاتهـا
عايد السميري
ياذيب ياللي نظرتك للضلع بطلوع وحدور = هالمره عيونك تراها غشتك نظراتها
حجيت والا زرت ماحصلت ياعبد الغفور = الا التعب والمسلمين أكيد حجك فاتها
أبو تركي
اذكر لربك يالسميري لاتجي بعلوم زور=اكحل عيونك قالو اعيون الرجال مراتها
منته برب الناس اناعارفك ياعبد الصبور=يالله انا طالبك تغفر للعرب زلاتها
.
رد مع اقتباس
المفضلات