محاوره جزله بين الشاعرين / بـــــــوش و بلــــــير .... لاتفوتكم

هذي المحاوره جرت بين الشاعرين بوش بن بوش وتوني بلير
حيث جاء بلير الى امريكيا لحضور الؤتمر الثنائي مع بوش ,وعندما دخل على بوش في صالة الاجتماع بدأ بهذه المحاوره وقام بوش بالرد عليه فورا,,,,,,,,,,,,,,,,

_______________________
_______

الله لا يجزاك بالخير يابوش =ورطتنا في حرب صدام ورطه
عزمتني وتقول بترول وقروش=بس الحقيقه روحتي معك غلطه
يا بلير رد العلم عن بوش بن بوش=الله خلقنا للمقاريد سلطه
وابوي عنده للرجاجيل دنبوش=كم واحدٍ شلنا فلوسه ونفطه
ابوك والنعمين مير انت مربوش=تموت بالبترول وتحب شفطه
صحيح عندك مال وسلاح وجيوش=مير اتوقع لك تدهور وسقطه
يا بلير كانك خفت يوم احتمى الهوش=حرام ما تاخذ من النفط نقطه
مثلك ترى شيراك قد راح مكروش=شوفه يصرح كل يوم بمحطه
وراك ما تعطي لشيراك عرموش=تراه مشغلنا بشيله وحطه
وليا انتهى موضوعنا نرسل طروش= ونجمع المبلغ من الربع قطه
شيراك هذا عنده الفكر مغشوش=فرط علي في مجلس الامن فرطه
يدزه اليابان والصين ويطوش=ومجهز الفيتو لتحقيق شرطه
يابوش انا مرهق وخايف ومدهوش=وانته تقول الحرب خدعه وخطه
اسراي واسراك امتلأ منهم الحوش=عزالله انه صابني منك جلطه
ماقلت لك كم فيه اذاعات ودشوش=لا تكشف المعنى وانا اقول غطه
وان قالو إنا علوج واصحابنا جحوش=ماهمنا الصحاف واللي يحطه