قصيده للشاعر عيد بن عوده ناصر العرادي
عيد بن ناصر العرادي بينه وبين عبدالله بن فالح الربيض رحمهما الله جيره وصداقه وموده.... ظروف الحياه ابعدت عيد بن ناصر عن الديار وطالت غيبته عن صديقه وفي مره اوعده انه رايح يزوره في الكر ولكن طال الوعد فارسل عبد الله بن فالح له مكاتيب يتعتبه على عدم زيارته له فارسل له هذه القصيده مبينا ظروفه وعذره واليكم القصيده/
قصيدة عيد بن ناصر العرادي رحمه الله
ياراكب اللي توماعد الاميال=يوم اكمل التمرين غيرت زيته
جمسن مصفح منسرد ماله امثال=ناوي على المشوار يومي شريته
ماجيت اسومه واقفن عند دلال=من بين الوف موقفاتن قنيته
يقطع بعيد الخط وعرات واسهال=لولاي عارف مذهبه ماقديته
يلفي صديق بوادي الكر نزال=يضحك حجاجه حيث لني لفيته
نعما بابو فالح على طيبة البال=يونس الخطار زين اتهليته
يلفي محلن للاجاويد مدهال=شيخا علىساس الاهل قام بيته
ريف المقاوا يوم الارزاق شمشال=وقتن يبور ابه الردي لو نخيته
ولا هو من اللي للسوايات نقال=مع الكرم والجود زين السميته
وابغى قبول العذر ياطيب الفال=اوضحت عذري حالفن ما كميته
اخلفت وعدك والسبب كثر الاعمال=شيا يجول بخاطري ماقضيته
وان كان ربي زاد بالعمر الامهال=لابد ما وفي بعلم حكيته
اللي مضى محفوظ لو راحت اجيال= والله ترا ان اجواركم ما نسيته
ما ينكر المعروف يا كود الانذال=واللاش يخلف هقوتك لانصيته
دنياك يالمحبوب نازل ورحال=كم واحد عقب السفر ما لقيته
واقبل سلامي عد ما واديا سال=واعداد عشبا بالمفالي رعيته
وصلاة ربي عد ماهل همال=على نبيا بالهدا عم صيته
رد مع اقتباس
المفضلات