السنين العوج

[ السنين العوج ]

السنين العوج لامالت ثقيله = منهو اللي لاتهاوت يحتملها
والدروب اللي تعنينا طويله = من متاهه لامتاههه ننتقلها
والهقاوي ظاعت وظاع الدليله = هامت الشرهات والواقع خذلها
لوتصح الافضليه والفضيله = كان تردع هالاوادم عن جهلها
كان كلن عارفن منهج سبيله = والحبايل في يدينه ماحبلها
والنوايا كان خلاها اصيله = ماطعنها بالجحود ولاقتلها
لكن الغايه تبرر للوسيله = حكمتن والراوي المبطي نقلها
شفتها بعيني ولاباليد حيله = اكتويت بنارها واللي شعلها
واحدن اشعل من الجمره فتيله = سامني سوء المواجع ماسألها
ويش سوت من طعونن مستحيله = الزمن لويحتويها مادملها
كل ليله من شقاها بالف ليله= آه من هم النفوس ومن زعلها
خص لاصارت من العزه ثقيله = ماتدور غيرها ولابدلها
ماتهذري لو متاعبها طويله = الصدور قبور ماحين وصلها
ندفن الاسرار لوكانت مهيله = ونتحرى سترها عن ناس بلها
مالهم بالعرف تحصيل وحصيله = عايشين بهامش الدنيا واهلها
والليالي كم بها عدله وميله = مرها علقم ينسينا عسلها
من برك للحمل ملزومن يشيله = فوق وعر الارض ولا مع سهلها
والنهايه ليت براقن نخيله = يغتشي ذيك المواجع ويغسلها

صــــــح لسانك أبو يوسف وحياك الله

صح لسانك ابو يوسف

ويعطيك العافيه

قصيده جزله من رجل جزل

يازينك لو تسلم من ترسلك لي؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صح السانك ابو يوسف

قصيده رائعه من احسا س صادق في المعا ناه

واحدن اشعل من الجمره فتيله
سامني سوء المواجع ماسألها

والنهايه ليت براقن نخيله
يغتشي ذيك المواجع ويغسلها

صح لسانك
ابو يوسف المبدع

ورحم الله والديك..

مع أعطر تحياتي,,,

أخي مشعل
اشكر مرورك على المشاركة