رد: الشيخ سنيان بن مظهر في ذمه الله (رحمه الله)
(( جــانـي خـبـــــر ))
البارحة والليل طايل وممدود.... كنه على عيني ثمانين ساعة
له حيرة قضيتها وقوف وقعود ... لين أشرقت شمسه وبين شعاعه
قالوا علامك؟قلت مافي مجهود.... جاني خبر يصعب علي استماعه
قالوا تثبت علها خير وسعود ... ياللي تجزع خل عنك الجزاعة
قلت الخبر موت المكارم مع الجود ....ياناس ماتدرون ماتحت قاعة
الأرض ضمت سيد البيض والسود.... ابن مظهر يوم الشتاء والمجاعة
ابو محمد لاصار طارد ومطرود.... ترى الشجاعة منه تاخذ شجاعة
أبو محمد كان للعلم عامود ... عز الله إنه شامخ بارتفاعه
لو ننشد التعليم عن شخص معدود ... قالوا هذاك اللي مشمر ذارعة
كم طالب خلاه بالعلم منشود ... عقب الجهل خلاه حبر الجماعة
يشهد له اللي حطلة ختم مشهود.... على الشهادة يوم شاف البراعة
مرحوم ياللي مات ماقيلة عود.... توه شباب وجاه يومه وطاعة
مرحوم ياللي كل ماهبت النود ... تلاطمت في وسط عيني دماعة
تلاطمت لو كان لي مابها فود....لكن تسليني زمان القطاعة
ويا لله عسى قبره عن الدود مسدود....ويسقيه من برق المخايل ذعاعة
قالوا تركد يابن بطاح بركود ... عل الخبر مكذوب وإلا إشاعة
قلت الخبر موكود والذيب بلحود ... ويامل قلبٍ طاري الذيب لاعة
ولولاي مؤمن والجوارح لي شهود ... لااقول في موته أنا لاقناعة
نسأل الله العظيم رب العرش الكريم أن يرحمه ويغفر له ويتجاوز عنه وأن يجعل قبره روضة من رياض الجنة .
المفضلات