بعد زاعم يامحمد وش موديك الثمامه

[center]

القصير

[/center

شفت ابن عوده في شرق العاصمة يشعب ذلوله =بعد زاعم يامحمد وش موديك الثمامه
صدفة"ن"شفته مغيب الشمس والعربان حوله= مادريت انه عن الاصحاب يبخل في سلامه

ابو تركي

القصير بعد نو العاصمه سالت سيوله = مختلف طبعه ولا ادري ياجماعتنا علامه
لوتخيل شي في واقعه ماوافق حصوله = بعد هول الكارثه يالربع مالحقه الملامه

القصير

علم ماهو حلم ميران الهدف كاس البطولـه = مشكلة لاصار بعض الناس يرجع في كلامه
خلت لي براق يبرق في مرابيـع الطفولـه = فالشفاءمنشاه مير السيل سيل فـي تهامـه

ابو تركي

والله انايالقصيـر نحتمـي قول(ن)نقولـه = صعب ياصل للهدف رجال يحلم في منامه
لاتلد العين فـي بـراق خيـره ماتنولـه= سال سيله في تهامه وانت ساكن فاليمامه

القصير

يا محمد طال مشوارك وضيعت العموله= بعدها عودت خالي لاشماغ ولا عمامـه
لا توقف في طريق الخير وتشيل الحموله = والحيا متبوع وابو زيد يبشـر بالسلامـه

ابو تركي

صاحبك صان العهد وان غاص بحر يجيب لوله = البلا من يحسب الاوضاع ضحكـه وابتسامـه
قسمكم من خير ربي ياصلك ساعـة حلولـه = لاتعجـل يالقصيـر ثـم تدفـع لـك غرامـه

القصير

شد حيلك كان بالميدان لك صوله وجوله = لاتهاب النار شب النار ياراغب علامـه
قسمنا وافي وتعلم قسم غيرك ماتطولـه = والحسدمذموم مانقبله من راع الشهامـه

ابو تركي

فعلنا ما تجهله والحرب تقرع في طبولـه = اضحك الله سنك اضحكت العرب يابودلامـه
والله اني ماحسدتك خبز الافغانـي وفولـه = كيف ابحسد لي ضعيف يطيح كمه في يدامه

القصير

فعلكم ماهو عن الله ربك ولا عـن رسولـه = اضحك وفل الحجاج ولاتروعـك الجهامـه
الجمل يرغي عسى مانظام من هول الحموله = ودنا نكويه بالهامـه قبـل نطلـق خطامـه

ابو تركي

مذهب التكفير هو ساس الخراب بكل دوله = لاتجي دربه ترى تاليه يالصاحب ندامـه
هينه بالهرج والا الفعل ماهو بالسهولـه = الجمل لو تقربه قامت على راسك قيامـه

القصير

ابوتركـي يالنشامـا صفقوالـه واهتفوالـه = بعد عرفه للمذاهـب قربـوا تـاج الزعامـه
والله اني من قبـل يالابتـه معـرف ميولـه = نوب اقول من العراق ونوب اقول من المنامه

ابو تركي

القصير قل عزمه يالنشامـا دبلـو لـه = لايوقف في طريق السيـر ويحيرنظامـه
من بلاد ام القرى والدين مانجهل باصوله = ماطلبت العلم من شيخ اصفهان ولاامامه

القصير

لاتدور للمكاسب وانـت ماعنـدك سيولـه = مثلك المفروض يبقى من دوامه في دوامه
من بلاد ام القرى لكن لك علـومِ مهولـه = كيف تطلب علم غيرك وانت زيزوم الفهامه

ابو تركي

ماندور كسب من مديون دينه حـال حولـه = ماقضاه ولاوفى مع صاحبه حسب التزامـه
لايجيك الهول من طيب المواقف والرجولـه = الصديق المحترم يفرض على الناس احترامه

هذه المحاورة رت بيني وبين الشاعر ابوتركي البلوي بتاريخ 20-5-2010م







.

القصير لاهنت يابعدي على هالمحاوره الاكثر من رائعه بينك وبين الشاعر ابو تركي البلوي



ونحن بأنتظار المزيد من المحاورات

يعطيكم العافيه

طاروق اكثر من رائع

لشعراء دائماً متميزين فتل / نقض / معنى / ابداع



القصير

و

ابو تركي



بيض الله وجيهكم ....

اخي العزيز القصير
الف شكر لنقل المحاوره
أخواني الأعزاء
سلمان العرادي
بن معيوف
ابو زياد
الف شكر لمروركم الكريم

القصير لاهنت يابعدي على هالمحاوره الاكثر من رائعه بينك وبين الشاعر ابو تركي البلوي



ونحن بأنتظار المزيد من المحاورات

اشكرك على مرورك


وكل عام وانت بخير