الرد على قصيدة الشاعر / رائد محمد السرحاني

قصيدة الشاعر / رائد محمد السرحاني

واعيني الي حالها بالهوى حال=تحدن ابكي دون ود وطماعه
لا يارفيقي ليت ما جابك الفال=ادميت حالي بالهجر والقطاعه
الفالح ألي جرب الحب ثم قال=اترك طريق الحب قدر استطاعه
يا ليتني بلي سكن داخل البال=ماشفت زوله وكتفيت بسماعه
طعته ولا عشت برجا رن جوال=ولا تمنيت النسب والجماعه
ياصاحبي كان الهوى مر مقيال=في عشرتك اعلم تراها شناعه
يعطيك ربي ما عطانيه في حال=عشت الاسى منه وشفت الفضاعه
فيلي لكم بالوقت قصه وترحال=لا جيت قولو ماشريته وباعه
قولو لها لامر بالدرب محتال=تنسى علومي والطمع وندفاعه
وقولو لها لامر بالدرب خيال=تذكر علومي والسنع والشجاعه
وان الشعر موضه تلبسها الاجيال=من دون جد ولافشيل وقناعه
تظهر بحب خشوم وبرزة عقال=وتاخذ عقول الناس برخص بضاعه
في بهلوة يد وكتوفن وموال=وكريم ومبيض ونبرة مياعه
وجمهور متجمع من يمين وشمال=موضوعه التصفيق حتى بكراعه
والموت ما تاقف على الظلم في جال=قامت على المغمور تسرق متاعه
والمضحك تعذرب وتنقض وتفتال=ذا خط رجعه لا تبين المجاعه
ملح القصيد ان صار لاشك الامثال=واقرب مثل ما حد شعري وذاعه
سلم اهل المنتدى بكيف الاحوال=ودخل على عايد زبون البراعه
شاعر كفو فيه العفو فيه الاهوال=وقرا سند ما جد شعره وراعه
اخذ البيوت وقصدها قبال بقبال=وفهم سبب توزيرها وندلاعه
على جناب معرب العم والخال=والجد فعله نص فعل الجماعه
قله ترا من ينطح السيل لا سال=لك الله أعلن في زمنا ضياعه
مدراك في عايد ليا صرت تختال=وانا ادري ذمك تب تعده نفاعه
يا طحلب التبطي وبالكبد سلال=دامك تهقوا في علوم الاشاعه
وسط العذوبه مال الألوان مدهال=طبع النهر يشبعك سطحه وقاعه
مبهم وبك غيرة نساوين وطفال=كلن يبي لا قال أبي اتباعه
أو ضرس حشوه لو خذا بنج وعمال=لابد بعد مجاملاته قلاعه
خطاك تجهل حزة الغصن لا مال=لا جيت يمه ثم عطاك ارتفاعه
اما يميل براي حازم وقتال=ولا بقا في رفعته ونطباعه
ذا طبعه الصادق وصدقي ليا سال=لجل الخوي لاضاق سمعن وطاعه
سلام يابو زياد تقدير وجلال=لا جيت اقيسه ما يقاس اتساعه
فالصدر وديانه وفي روس الاجذال=وبالعين مال الشوف شكل وشفاعه
جمال علم ولاتقفيت جمال=وعندك على لمز الطحالب مناعه
معزتك همالها زاد همال=سلمك راعيها نخلها وقاعه
وسلم وسلم وترك الال للال=الي تبي من طيب حظك طماعه
= ......
= السرحاني

الــــرد :

عين الشقاء جابت خبر قلب رجال= وياكم شجيع(ن) لايع الود لاعه
قفى / قفى .. نبكي على صمت الأطلال= على مدار ( 24 ) ساعه
لا . يارفيقي للعقل حد / وهبال=إنك تحد الفكر صوب التياعه
وتعيش في رجوى الرسايل والأرسال= وقلبك مع الهجمات يخسر دفاعه
ويطيح رجل وتاقف أشباه وأزوال=والحر يُطرح في حمامه خداعه
أخف المواجع وأضحك وقوم وأشتال=حالك : ومركبك المعزه شراعه
وياصاحبي : ماهي سواليف عذال=ولاهي رواية واحد(ن) فيه راعه
هاك الصحيح وخذ من الكيف فنجال=فنجال(ن) لراسك يخفف صداعه
من كف شاعر دايم بيوته إجزال=يسوقهن فكره بقدر وقناعه
اليا أرعدن ياكنهن وقع زلزال=مثل ( تسونامي ) ومثل إقتلاعه
لهل الفتن ، وأهل المعاصي والأنكال=اللي يحسبون المبادي صناعه
اللي نسو منزل تبارك والأنفال = على النبي . والجهل تم إنتزاعه
هذا واقول أقفل ( يارايد ) بالأقفال=على الظنون ووقّف أمر الطباعه
صاحبك ماهمه ولا هو بمهتال=وعنده على قولتك حرز ( ومناعه )
من طحلب الشعر وأنفلونزا الانذال=ومن اللي فايروس ( h 1 ) إبنخاعه
ويعرف مدى الحكاي لن الحكي طال=للجد جد وللكاعه لكاعه
ويعرف قبل لا تقول عن ذيك الأشكال=واللي على هالشاكله / والرعاعه
ولا عليه بقول هلاّل .. لهلال=كل(ن) على كيفه يعقد إجتماعه
راع الثقيله دايم أحموله أثقال=وابو خفيفه لا يغرك إيقاعه
يا لال ..آل ..وأل .. يا أل .. يا لال=هذا مداه وذي نهاية إبداعه
والكلمه اللي داخل الفكر تجتال=عن شبرها يقصر أبو باع باعه
ياعزنا علق جديدات الآمال=وحدث بني جرهم وسمع خزاعه
سولف عن الأفعال دام إن الاقوال=جابت ربيعه في منازل قضاعه
جابت جبال ونزلتها على جبال=وهذرم بها الراعي لراع الزراعه
حلم(ن) به المرضى لقو الف مدخال=والطيب بأهل الطيب ماهو وداعه
وشمس الضحى لا مالت العز منزال=وصدورنا مثل الفجوج الوساعه
في حال / والعايل يبا يجوه عيّال=يامحللين الدربكه والرضاعه
ياللي مثايلكم غدت موقع إشكال=والحقّ . عـليكم مقوم صـراعه
يامطففين الكيل واللي بيكتال=أعطى ولا أوفيتوه والصاع صاعه
لكن على كل حال زلو ولا زال=ضلع المهابه هيبته من أسباعه
ودام إن ( رايد ) ساق قافه على آل= الصدر (ال ) ووقفة العجز آآعه
يامرحبا ترحيب يغني عن المال=ومن طيبه الوجعان ينسى أوجاعه
عن الهجير لطيب النيه إظلال = وعن ظلمة الواقع يقــدي شعاعه
أقولها ولعقدة القول حلال= وكل(ن) بمرجلته ومكسب ذراعه
واسلم سلمت وأنت غالي يارجال= على مدار اربع وعشرين ساعه

* عايد السمــيري















.

على مدار 24 ساعة

الله الله

فرصة جميلة أن يجعلني الحظ اوّل المتواجدين هنا لقراءة هذه الطويلة الكايفة الكافية
شكراً على الإبداع والإمتاع

وفرصة جميلة ايضاً أن نقرأ لرائد السرحاني الذي أعلم بأنَّه يعلم بان هناك أخطاء مطبعيَّة وهنَّات بسيطة لم تكن عائقاً لقصيدته التي تبشِّر بقدوم شاعر متمكِّن واعد

ألف شكر لكم يارائد وياعايد

وسيكون الحديث عن القصيدتين طويلاً جميلا

ابداع +ابداع

ابو زياد ماشاء الله عليك رد وافي وكافي


صح السانك مليون


وصح السان رائد السرحاني


لكم ودي وتقديري

الأخ / عايد السميري



صح لسانك على هالقصيده الجزله ولايهون الأخ/رايد السرحاني

وتقبل مروري،،،،،،

أخوك/ زايد الزبني

*

وحينمآ أقرأ إسم " عآيد السميري " أثق جداً بـ أنني سـ أرتوي وأتعلم

جزل ومبدع وأنيق يا أبو زيآد

ألف ألف صح الله لسانك

على مدار 24 ساعة

الله الله

فرصة جميلة أن يجعلني الحظ اوّل المتواجدين هنا لقراءة هذه الطويلة الكايفة الكافية
شكراً على الإبداع والإمتاع

وفرصة جميلة ايضاً أن نقرأ لرائد السرحاني الذي أعلم بأنَّه يعلم بان هناك أخطاء مطبعيَّة وهنَّات بسيطة لم تكن عائقاً لقصيدته التي تبشِّر بقدوم شاعر متمكِّن واعد

ألف شكر لكم يارائد وياعايد

وسيكون الحديث عن القصيدتين طويلاً جميلا

الشاعر والصديق العزيز / سلطان البوي

سعدت وتشرفت بأن اول من تواجد بهذا المتصفح شاعر بحجم سلطان


وتبقى كلماتكـ وسام فخر واعتزاز

ويااااهلا بكــ