فلت بنتي الله يفلته

حي الله
خوي الذيب
ذكرتني بهالموضوع بواحد قابلوه الشباب خارج السعوديه معاه زوجته مخليها تشيل العباه كلها مو بس الغطوه وباين بنت الناس اللي تمشي مستحيه تنزل وجهها وتغطيه بيديها
ماأدري الأخ يحسب الدين بالسعوديه بس ولا وش السالفه ولا وش يحس فيه
المهم

الله لايبلانا والكلام عام ليس على هذا الاب او الزوج او البنت
بعض الازواج زي مايقولون كسرت ظهر لزوجته والزوجات نفس الشيء تكسر ظهر زوجها > تشبيه ماهو كسر واشاعه واسعاف وعصير
كم من الشباب من يحفظ القرآن كامل وملتزم وبعد الزواج ترك الألتزام وكم فيه من البنات نفس الشيء الله لايبلانا
وبنفس الوقت كم فيه من اللي تغير حاله او حالها للأفضل بعد الزواج والحمد لله كثير
علشان كذا الواحد يدعي الله بالزوجه الصالحه وبالزوج الصالح لبناته وأخواته
بالنسبه للأب هذا ماأتوقع الا انه فيه شي ثاني بس مايبي يقوله
لأنه مافيه أب يهدم حياة بنته الا لسبب كبير
بنطلون ولبس ماأدري شلون
إذا ماوصلت لحدود الحرام وش المشكله ولها الحريه بكيفها اذا ماتتصادم مع حريات الاخرين والخروج عن الذوق العام .
ولاتنسى ان كثير من الاشياء الغلط دخلت على المجتمع بمسمى الحريه والتحضر وثقافة المسلسلات والكثير الا من رحم الله مايفرق بين الصح والغلط والحلال والحرام و اصبح الكثير من الشباب والبنات الا من رحم ربي أي شي اوكي لو انه عيب وحرام اهم شي مايكون فلان مُعقد اوفلانه مُعقده
الكثير صار مابين افراط وتفريط بالبيت وبرى البيت
لكن بالمقابل
الخير موجود
كثير ممن تلبس نقاب وبنطلون وحافظه لكتاب الله عزوجل كامل او بعض أجزائه ومحافظه على دينها ولانزكي على الله أحد.
والنبي عليه السلام يقول : ( كلكم راع وكلً مسؤول عن رعيته ) اوكما قال

والهادي الله عزوجل لازوج ولازوجه ولاوالدين ولا اخوان الله يهدي من يشاء

شكراً أبوحمد
وآسف على الاطاله
وكل عام وأنت حامد

بيني وبينك يستاهل الشايب المرمطه
من اللي طقه على ايده وقال له زوج بنت هالاشكال
خصوصا انها من البنات المحافظات
يعني قلوا الرجال
الله المستعان
والحين يقول فلت الا فلت فيه الخامس هو وزوج بنته
وبعدين نكون واقعيين اكثر
كل البيوت فيها اللي ذكر مثل تلفاز وانترنت
لكن فيهابنات ابن امه ما يتجرأ يحصل عليها اي غلطه
رغم انها بامكانها تعمل المستحيل ومتوفره عندها جميع الوسائل
وعلى حد علمي ان الخلع ماهو بالصوره السهله
الا اذا كان هو ما يصلي وثبت عليه ذلك
شكرا ابو حمد على طرح مثل هذه الوقائع

حياك الله أبو حمد وحيّى طرحكـ الرائع
الغلط على البنت ما اعتقد زوّجها ابوها صغيره وعارفه الحلال والحرام وهي اللي خذلت ابوها وإلا زوجها عايش من قبل هالحياة
أذكر لك أخي أيام دراستي بالثانوي كانت لي معلمة ذات دين وخلق ومعروفه عند الكل تقدم لخطبيتها رجل من قبيلة أخرى وكانت معي زميله من قرابته تقول ياخسارة استاذه فلانه عليه هذا ما فيه احد قبل فيه من الجماعه اقسم بالله بعد أقل من سنه وهذا الرجل اعتدل حالة والتحق بوظيفه واستقام بدينه ونفس من شهدت بسقوط أخلاقه شهدت بصلاحها وسمعته الطيبه بين جماعته والفضل يرجع لله ثم لبنت الحلال " وفقها الله "
يعني أكيد التأثر بين الأزواج وارد وبصورة كبيرة
و وحدة ملتزمة زوجها ركب الدش وراحت بيت أبوها حتى شالة " ماعندها وقت " وتقول إذا تهاونت فيه اتهاون بأي شئ
والله مافيه غير غبن الشايب " الله يعينه "

طرح متميز وشيّق

احتراااااااااااامي

رد ابومشعل الوابصي والاخ مرزوق الربدي اتفق معهما تمام الاتفاق

ابو حمد بصراحه اتفق مع رد خيالة بلي ( التهاون )
وانت تعرف شخص كيف كان قبل الزواج وماصار عليه الان من خلق ودين في السابق الشيطان تعوذ منه علمابان لم يتجاوز السنتين على زواجه وجزاك الله خير

الاخوان ماقصـروو بالرد

وكلاً يجني عمل يديــه

طرح موفق أبو حمـد

سلمت