يوم زواج اوسكار

عذرا لا يمكنك الوصول الى هذه الصفحه




اذا أنت شايف غير كذا فيجب عليك الله لا يهينك ان تملأ النموذج


وشكرا





7





7


السلام عليكم ورحمة الله وبركاته




ومساكم الله أو صبحكم بكل خير كلن حسب توقيت غرينتش معه





في مرتن من الوحدات>>>>>>>من أولها فصحى .............. وفي أحدى الفجريات الجميله
وانا قاعدن مقابل النت ومن كثر ماني امقابله طلعت برجولي افروع بالارض
وما غير انا وبنات أفكاري>>>>>>>>> الله يستر عليهن
حسيت بالجوع ...............يااخي ما ادري ليه الواحد تالي الليل اتلاقيه
يحوس يدور له شي ياكله ............والله وانا انقز للمطبخ أتلفت يمين يسار
افتح هالثلاجه وأغل راسي بها اني القى شي فيها >>>>ابد لا تحاول
عندي اخوان حاشا وكلا وألبته بتاتا ولعل وعسى ما هقيت انهم يخشون في التعداد البشري
مو مخلين في الثلاجه غير جك به لبن غنم أمطعم تقل مستلمينها عهده لازم يسلموها فاضيه قبل منتصف الليل
مع ان الوالد اليوم توه متقضي من علي حافظ بس وش يسوي مع هالبشريه اللي كنهم من قوم ياجوج وماجوج
والقى على الرف علبة سيريلاك وازبط ذاك الصحن وادق به

وتقل خشتني النعمه ونمت ...............................................

ولا ادري الا الوالده تنادي علي : محمد , فيصل . سعود اوسكار>>>> جابت العيله كلها عشان
تناديني ............ وانا اتسمع وادري بها قاصدتني بس مضيعه واحتريها اطب باسمي >>>>ابو النذاله
الين قالت اوسكار وجع يقطع مصارينك ما تسمعني وانا اناديك يا مالا الطرش >>>>>>امي حنونه
وامطع الوالده قبله على رويسها : يا ميتي امري وتدللي وش تبين
قالت : اقول وخر عني ورا انت واخرتها معك ......... انت وهالاغبر النت >>>>>احلىاتعرف
انجليزي
اشغلت خطنا كل ما دق علينا احد لقاه مشغول
ويدخل علينا الوالد وهو لابسن الينفورم السعودي السروال الابيض
والفنيله البيضا حقت دروش العيله كلها تلبس هالماركه و الله اني متباطي زواجي
عشان ارتاح من كل يوم انا وياهم متغالطين في الفنايل >>>>>>>>يسمع بالزواج راحه وأستقرار

خير وش عندكم صوتكم يسمعه اللي في حارة ابو سبعه
والوالده تقلب على الوجه الثاني : اقول ما ودك اتقهوى >>>>>ابوك يا التميلح
وتقل زانت الجلسه عقب وتقول لي الغاليه : شف يا اوسكار انا على هالحاله ماني ساكته
اللي بعمرك عيالهم بالمدرسه وانت باقي ادربي راسك لا زوجه ولا بيت ان شا الله
متى بتنوي ...................... يا وليدي يا عمري انا نفسي افرح فيك واشوف عيالك
والله ياني شفت ذيك البنت اللي تمصع العقل طول وحلا وشعر كنه سواد الليل
وخشم تقل سله سيف وعيون يا ليت عقبك يا وليدي يا خذ من جمال عيونها ولا
يطلع لك وبياض وش اقول وش اخلي وانا افتح فمي مع هالوصف وسعابيلي بدت
تقوطر على الارض مادريت الا الوالده تقول : وع وش ذا !
قلت خلاص يمه انا بتزوج بس عشان احقق امنيتك بشوفة عيالي ولا انا ماني
باغي الزواج >>>>>>>>>>ايه هين
و في يوم الخطبه رحت واخذت لي حمام ساونا قعدت فيه اربع ساعات كود يشيل بعض من الطبقات
و شخصت وتعطرت ومن يوم ما شافتني الوالده قالت : لا اله الا الله
تفووووووووووووووووووووووووو
ما شا الله عليك
يمه وش سويت انت كذا روشتيني انتي تدرين ان هذا هو السبب الرئيسي في تلوث البيئه
يا وليدي خايفتن عليك لا يصكوك بعين >>>>>>>>> صاير وائل كفوري على غفله
والقى الجده مسنتره بالصاله وقلت لها يا جده انا حاس اني اليوم فيني رومانسيه
قالت : ويه اسم الله عليك رح وانا جدتك للوهد اللي بغرفتي تلقى بصفط القش
صره بها امريره موص لك شوي منها واشربها واتغلمط لك بطانيه وبحيل الله ما تشوف غير
العافيه وتروح عنك المهدومه المرنسيه وان ما هونت عنك تعال اسعطك حلتيته
والله وانا اعرط على طرف شليلي والحق الوالد في السياره ونروح لاهل البنت ومع الطريق قال لي الوالد
لا ناظرت بعيني امعصب معناتها انثبر وانا ابوك لا يكثر هرجك خلني اتفاهم مع الرجال

7
7

اقول شكل الوالده صوتها مع الدرج تبغى تمصع فيش النت
لا خلاااااااااااااااااااااااااااااااااااااااااااااااا ااااااااااص
قررت اركب خط ثاني لي لحالي
ياللا مع السلامه شكلها بعدين اكمل لكم

وحنا بالانتظار ياوسكار
والله يتمم لك على خير

اما من جد قصة تحمس المفروض يا أوسكار نعفيك من جميع المشاركات وتتفضى للقصص

الله يعطيك العافيه

بس جوعتني يوم ذكرت السريلاك.

اوسكار انت

اخوي اوسكار

متميز كا العادة

الا على فكره وش اخبار جدتك بعد العملية هي تمشي على عكاز ولا بدون


وبعدين لا تطول علينا بتكملة السالفه


الك تيحاتي ( الاخ لبناني )

هههههههههههههههههههههههههههههه اوسكاااااااااااااااااااااااااااااااااااااااااااارر رررررررررررررررررر


والله والله

اني امول ماشوف مشاركه لك اجي طبلوني
<<<<<<<<<< 9


والله سوليفك تاخذ العقل



اشوف اسمك اضحك على طول



<<<<< شطح


ههههههههههههههههههههههههههههههه


يعطيك الف عافيه على القصه







اوسكااااااااااااااااااااااااااار <<<<<<<<<<<
ههههههههههههههههههههههههههههههههههههههه

ياســــــــــــــر..هد شوي..

<<<من قوالصمخة بغيت احضر بياسر..

من الفرحـــــــــــه يوم شفت موضوعكــ

ابصم بالخسمة...او بالعشر اللي يرضيك انك ..غير شكل..وانك حلاوةالمنتدى,,

بس لايكبر راسكــ,,وتزرقنا..ولا تكمل..

وبعدين انت متاثر بالتلفزيون السعودي.. والا كيف..

تجيب بلية<< يعني شوي..وبعدين مالك حس,,

اقول لا تطول علينا..

واستمر على ابداعك..ولك القلب..عربون صداقة..

اخوك
محمود الجذلي