المزيونات

بسم الله الرحمن الرحيم

هاك اليوم ونا جالس وماعندى من الشيطان طارئ دق الجوال رديت لقيت ذيبان أبو عايش قلي ياشين أنت وين غاطس قلت ابد موجود خير قال ابد خير قلت سير الدله زاهبه قال إن شأ لله جاني أبو عايش جلسنا نسولف قال إنا جيتك بغناتك قلت حياك الله يوجه الخير وش السالفة قال أنت هلحين ياشين ليه مات جرب حظك وتشارك في مزايين الهجن قلت مزايين هجن قال إيه يمكن حظك يقوم وتغتني من ورآها قلبت الموضوع براسي يمين يسار قلت توكلت على الله المهم راح أبو عايش وخلاني في حيص بيص المهم دبرت نفسي وشريت كم ناقة على كم بكره وأجيب معهن هاك الراعي وحطيته معهن ونا أروح السوق ونا اخذ عدة مكياج كأمله رموش ومحدد ومنكير وبدكير وحمرة شفايف وكحل وحنا غير الشمبو والصابون ونا اجى مزوزح فيها مثل غراب البين للبيت ويوم شافتها الحرمة وهى ينقلب وجهها قالت وش هاذ قلت هذى عدة الشغل قالت وش عدة الشغل إلى كلها مكياج وأدوات زينه أنت أكيد متزوج قلت ياشينه والله مانى متزوج بس اصبري ونتى تشوفي المطنوخات إلى إنا جايب لهن هلمكياج المهم أخذت عدتي ورحت يم الحوش وناديت السوداني قلت هات البل هات الكبار أول شي والمهم إلى تبغي رموش ركبتلها والى تبغي حمره طلست براطمها والبكيرات كل وحده حطيت لها حنا ورموش وحددت حواجبها عشانها هي إلى فيها الهقوه المهم ناديت السوداني قلت يالله نبي نروشهن حطينا الشمبو وهات
يا طلي المهم دعكتهن دعك خليتهن مغير يتلامعن ونا اشتغل جاني وليدي قال يبه المدرسة طالبين طلبات قلت طس أنت والمدرسة أصلا فيه تعميم من الوزارة يمنع الطلبات من الطلاب هذا كلام عمك على عايش وبعدين ماعندى فلوس الفلوس ليتها تكفى علف البل إلى راح تغنينى وتغنيك عن المدرسة رح خلنى أكمل شغلي قلت للراعي عطني العطر رشيته عليهن قلت هات الديانة خلنا نحمل النياق والبكار نوديها يم مكان المزايين المهم مالكم بطويلة حملنا حلالنا قلت للراعي يالله سوق الديانة وموعدنا المزايين راح الراعي مريت إنا البيت قلتلهم إنا رايح مشوار فيه غناتنا أدعو الله انه يرزقنا مشيت من عندهم وقوم احلم أنى فزت وشريت بيت وسيارة وسددت ديوني خاصة ديون الهجن وما صحانى غير صوت الجوال يوم دق الو أنت عز الرفيق قلت نعم قال أنت لك بعارين محملها بديانة مع راعيك قلت إيه قال تعوض الله فيها الديانة انقلبت وماطلع من بعارينك رداد الخبر والراعي مات والله يعينك على ديته ولو سمحت تجينا في المرور عشان نخلص الاجراءت قلت الله يقطع كل شي ماهو لله

هذي صورة واحده من نويقاتي
قبل الوفاه بيومين

ههههههههههههههههههههههههههههه

بس الله أعلم لازم تكون مسميها ومعها شهاده ميلاد ؟؟

رزق ؟؟؟ على ؟؟؟؟

هلا مشعل
ههههههههه
الاسم مسميها
ذود الخساره
اي والله انك صادق
رزق؟؟؟ على؟؟؟؟
شرفنى مرورك
تقبل تحياتى

الله يهـديك يآعـز الرفيق ..!

مسرح { ملكآت جمـآل الأبل } أسف قصـدي

{ السيـدة حقت مزآين الأبل } لهـآ لجنـة تحكيميـة تمنع

منعـآ بآتـآ الجمآل المصطنع والمتخفي خلف الكمآليآت من

مكيآجآت وغيرهـآ وتبحث عن الجمآل الربآني ...!


سبحآن الله أصبح قيمـة { البكرة الكـيوت } يضآهي قيمة

منزل بأفرآد أسرتـه ولا نقوى سوى لا حول ولا قوة الا بالله ..!

يعـني الحين بدآل مآتدلع بنتـك اشتر لك بكـرة وعيشهآ برغـد ودلع

وكل سنـه خلها تصيف في أرقى مضمآر سبآق ولا تختلط سوى

في بكـآر وقعـدآن من روس عـرب هههههه ..!

الحمد لله ربعنا حليلين الله يرزقهم
ان طال السعر مليون وانت نازل
،،،،
لكن فيه ديار ياولد من عشرين مليون وانت طالع
سعر البهيمه
هنا السؤال ( من اين لك هذا ) ؟؟؟؟
،،،،










هذه صورة ملكة جمال الابل




















قول ما شاء الله





















ابوك يالتاج



بس يقولوا ان الناقه هذي اخلااااااق
ههههههههههههههه
ههههههههههههه
شوف الخلخال بيديها شي

هلا ابو ميعاد
الجمال الربانى مطلوب بس اليوم كل شي صار مزيف الجمال وغير الجمال
فعلا اليوم نشوف اسعار خياليه ما انزل الله بها من سلطان
اليوم الواحد من كثر الدلع الى يشوفه للبعارين يتمنى انه جمل ههههههههههههه
الله لايسخطنا ولا يواخذنا فيهم
ابو ميعاد
شرفنى مرورك
تقبل تحياتى