*من فالح السميري الى الشيخ / سليمان إبن رفاده

تهيض الشعر في صدري وغنيته = والشيخ مثلك به الأشعار تنقالي
من شانك الشعر ناداني ولبيته = لبيت له دعوت ٍ فيها هنى بالي
إبن رفاده الى إني قلت واطريته = يطرب له الشعر في ذكره ويحلالي
مع طول الأزمان دايم معتلي صيته = من جده الباشه اليا وقتنا الحالي
الغرس يطلع على طيبة منابيته = حلو الثمر مايجيب الا ثمر حالي
ياشيخ مجد الرجال أنته تعديته = ملكت في قمة الأمجاد منزالي
المجد ماعطاك . لا . أنت اللي أعطيته = وقام أيتفاخر بعشقك وارتقى عالي
والبال من كل علم(ن) غانم ارويته = من كل علم وصميله نلت فنجالي
اذا الرجاله فرس أنته تعليته = من فوق سرج الرجاله صرت خيالي
واذا الكرم بيت جزلاتك بنت بيته = مداتك رواق ويدينك له حبالي
واذ الوفا بن يالباشه تقهويته = واصبحت مصدر وفا ياسمح الإقبالي
من يلفي البيت لو هو طفل حييته = طبع الكرم يغلبك يامجود الخالي
واللي يبي فزعتك يالشيخ خاويته = بالجاه والراي ياحلال الإشكالي
يفز لك باحترام وقدر من جيته = مطلبك يرخص ولو هو بالثمن غالي
من يدّك الطيب للاجواد مديته = يامدرسه علمتنا طيب الأمثالي

* فالح عايض السميري

صح لسانك يا ابو عمر

يستاهل شيخ الشمل الله يحفظه هالقصيده وازود

قصيده رائعه من شاعرنا الكبيرابو عمر

اجمل امنياتي لك

يستاهل ابو عبدالله
.
شكراً
.

ابوعمر الغالي صـــح لسانك على هذه القصيدة

ويستاهل شيخنا هذه القصيدة

صح لسانك يا ابو عمر
والشيخ ابو عبدالله بستاهل

صح لسانك ع ألقصيده الرائعه