بسكات يغليني وآنـا حيـل مغليـه’’’’’’’

ما كنـّي أعرفـه ولا كنـّي أبغيـه
وآنا عليه من أمّه أحـّب وأجـرى
ياكثرهـا تسليمـةً يـوم ألاقـيـه
لي عين تكتب له وله عين تقـرى
وإن حلّ طاريـه تجاهلـت طاريـه
ماكني أدري عنه وآنـا بـه أدرى
بسكات يغليني وآنـا حيـل مغليـه
لا تيلفـون ولا مواعيـد غــدرى
يصون ودّي عن عذوله وأحاميه
وآنا عليه أحجا من القلب وأذرى
حبً عفيفً والصراحه سواقيه
في وقتنا ماظنتي زاد يطرى
لا أسولـف بحبـّه ولانـي بكانيـه
وغيري لو أنّه يوالفه كـان هـذرى
أحشم قريبه حشمـة ً لـه وأداريـه
وأخشى يجي في خاطره شي وأدرى
لا يحسب أني يوم قـفّيت ناسيه
لعيونه أنـي ماتحاليت عذرى
ليت الزمن يرجع وآنـا أعلمـه ليـه
ولا الحظوظ من المقابيـل تشـرى
كل العذارى في الوفا ما تساويه
كنه اليمين وباقي الغيد يسرى
قولوا له إني مارتضي بالبـدل فيـه
لا مال قارون ولا عرش كسـرى
يرتاح ماغيره مــلى عيـن هاويـه
غلاه نـهر النيـل والقلـب مجـرى
وأكبر دليل إني إلى غـاب أحاتيـه
كم لليلةً ماتت على كـف مسـرى
وأن قالوا أنه شرق وأزريت لا أجيه
وجهت وجهي كل مانمـت حـدرى



للشـآعر / محمد بن فطيس آلمري
أحترامي

قولوا له إني مارتضي بالبـدل فيـه
لا مال قارون ولا عرش كسـرى

. . . .
وأن قالوا أنه شرق وأزريت لا أجيه
وجهت وجهي كل مانمـت حـدرى

مقتطفات اعجبتني

شكراً لكِ على روعة الإنتقاء

يرتاح ماغيره مــلى عيـن هاويـه
غلاه نـهر النيـل والقلـب مجـرى
وأكبر دليل إني إلى غـاب أحاتيـه
كم لليلةً ماتت على كـف مسـرى

صح لسان الشاااعر
اشكرك على الاختيار
..

اختيار موفق

تحياتي

سلمت يداكي خينو على الانتقاء الرائع

كل بيت يحمل معاني جميله ماروعه من شاعر وما اروعك يااصاحبه الذوق
يااقلبي انتي ذوق وربي <<<اكيد ذوق طالعه لي
وحشتيني