"فمان الله" برحل والجروح تعانــق السكين

كئيبه ليلة البارح " توآرت " بإنكسآر اثنين
انا والقلب من غلطه ماهي من ضمن غلطاتي



عبث منها بدون اسباب " تشلع " مهجتي نصفين
وانا في عشقــــه حتى حرمت العين غفواتي




رجاء لا تشيل "العتب " كان الهدف حرفين
اذا ما تعرفه مو خطايه اسمعــــ الاتي



على ذاك الطريق "المنتمي" للشك والتخمين
مشيت وياكثر ما بعثــرت فالناس نظرآتي


اناظر في الوجوه "والملامــح" طيب وبعدين
انا من وين الاقي لك طريــق يحث خطوآتي


اقول هناك لا يمكن "هنــا" يمكن هناك تبين
شعاع الضي واشــراق الامل وتلملم شتآتي



رسمتك حلم "غايب "عن حياتي من يجي عامين
لقيتك علم وايدينك تعــطر كل صفحاتي




وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي




ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي




لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي




لقيتك للأسف "لاهي" ولا تدري وصلت منين
وقسوة قلبــك اسقتني جفاك المجحف العاتي




"فمان الله" برحل والجروح تعانــق السكين
بســافر بالالم من شان ما ارضخ لاجل رغباتي




ابرحل عنك واترك لك "حكايه" داخل {..القوسين..}
تمتع بعدها باللي تطــــــــوله من معاناتي




مصير "الشـــوق" يعثى في حنايا مهجتك وتلين
بوقت فيه يا بعـــــدي عليك وصعب جياتي




انا يوم اشتكيت من "الولــع" ومن السهر والبين
ظننت انك تحس بثورة اوجاعـــــي ولوعاتي




اثاري "الشـــوق " ما يرحم ونار الصد عن نارين
كواني جمرها الحــــارق وانا في غمرة اسكاتي




عشان اني صبرت اتزيد" جرحك " في الحشا جرحين
وانا ما كنت اظــــن الصبر يخلف فيك هقواتي




ابصبر لين يشكي"الصبر" من صبري وبصــبر زين
و اروح بعيــــد وادفن صرخة احزاني وآهاتي




على الله" والجــروح" اللي بقلبي عن ثلاث سنين
عســــى ربي يخفف نزفهـــا وتجف دمعاتي




ولكن لو تلاقينـــــا و"خانتني" دموع العين
ترى ماهو بكـــا هذا عتب ذاتي علــى ذاتي




مما رآق لي

لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي




لقيتك للأسف "لاهي" ولا تدري وصلت منين
وقسوة قلبــك اسقتني جفاك المجحف العاتي


اختي قصيده جميله فعلا

خيالة بلي اشكرك على عرض هذه القصيدة الرائعة

قصيده رائعه اخت خياله

قصيد ه جميله تقبلي شكري وتقديري

خيالة بلي
شمـوع
في سما الإبداع أرفع لك علم
في خفوقك حب وفي يدك قلم
وفي لسانك صدق وفي طبعك كرم
لا حضرت يا قف العشق احترام
يناولك خده لتدوين الكلام
سيدتي
ما ذا أقول وهل هناك كلام يقال بعد
هذا الشهد المصفى
أشهد بالله انك مبدعه مبدعه ومتمكنة
من صناعة الحرف
لك مني تحيه كل مساء وصباح ما رش
عطر وفاح في المناسبات والأفراح
دمت بحفظ الرحمن