غزوة سنيد المنقرة للجعافرة من عنزة

نركض وضوء الملح مثل المقابيس =وعلى لقط ياما دنـت مـن منيـه

سلمان فرشنـاه خمسـة ملابيـس =والعصـر وسدنـاه رأس العبيـه

خمسة من النمران ماهم هلابيـس= مثل القليب اذا انهدم ركـن طيـه

ياسين يا ذيب النعـاج المعابيـس =حامي عقـاب الجيـدة والرديتـة

من طاح منا تقل طايح من الكيس= وليا غـدا هـذا ظهـر ذاك زيـه

احقوا حدامي ثم رجعـوا مفاليـس =والبل قبال العيـن ماهـي خفيـة

لا انتم غياب ولا مربط مهابيـس= ولا فيكم اللي غايب كـون غيـه

باثمانهن ياما ركزنا مـن الكيـس =من ذود ابو عسكر حمـاة الونيـه

معنا اللهيب حمود ومعنا فواريـس= يـا خلطـة الرحمـن مـلا بليـه

و معنا القريد يعطي الهوش تدبيس=وزود على قسمة حزا لـه حزيـة

اللي كسب واللي محصل نواميـس =غيـر الهطيعـي مفلـس قيدنيـه