قصيدة للشاعر / ساعد بن عوده الألبد يرحمة الله

بسم الله الرحمن الرحيم
السلام عليكم ورحمة الله وبركاته
هذه اول مشاركة لي بالمنتدى وهي عبارة عن قصيدة للشاعر / ساعد بن عوده الألبد رحمة الله مليئة بالمواعظ والنصائح ولها مايقارب 65عام رواها لي الراوي / سعود بن عواد بن سعيد العرادي البلوي .

اترككم مع القصيدة :

قلت آه ماني عارفاً ويش ما قول=هاجوس في قاصي ضميري غدابه
يا مل قلباً دب الأيام مشغول=ومن تابع الدنيا كثيراً عذابه
ما صفت الدنيا مع العبد بكمول=لونه ركض في حامي الحيل جابه
يا مزبّر الدنيا إليا جاك زهلول=قصاك ما عقب على العمر ثابه
أعرف إليا إنك مت للقبر منقول=حطوا عروشه وثم ردوا ترابه
وليا اقفوا الدفان مثابك القول=جاك العميل اللي شديداً إحسابه
ينشدك عن عملك وعن كل مفعول=وعن دينك اللي في جبينك إكتابه
أنا غبطت اللي البيته يحجون =يخش في بيت الحرم والتوابه
خلص عنه دينه وهو قبل مديون=ربي قبل حجه وكاتب ثوابه
مخلص لوجه الله من حيث يدعون=في يومه الماعود يوم ادعابه
ذمتك لو يعطونك الفين مليون=قصراً عمر وإن بعتها في خرابه
والدّين لا تراعي بها من يحلفون=ناراً سناها حرقت بالتهابه
تخرب وتذهب يا ملا كود تدرون=وتلعب على الديران لعب الربابه
وليا نويتم طرقتن ضارباً حول=حذور تبدي للخوي عفن جابه
]ترى الخوي عن خوت الربع مسؤول=وإن نشدوه اللي مضا منك جابه
والضيف ضيف الله ومن قبل مقيول=أنه محصن عن اعلُوم المعابه
تراه ما هو ضيف عندك إلى الحول=الصبح باين لـه طريقاً مشابه
واحمل خمال الجار تراه مشيول=خلك لجارك قفرتاً بطن لابه
زيّن جوابك لا توريه بزعول=واللي بقلبك متقي مشتفا به
وشّيم رحيمك لو غدا شوك يافنون=أوفه ما جوبه لو واجبك ارتدا به
لا تراعي اللي بالبغاضه يهرجون=اللي يذوب حكيهم في عجابه

وسلااااااامتكم...

ننتظر ردودكم...