قلـــ الكرـــبي
06-07-2007, 05:39 PM
قصيدة أعجبتني ولا أعرف قائلها وهذه أول مرة أنزل قصيدة
أتمنى أن تنال إعجابكم
عهدي بها قدام تلبس عبايه=وانا بعد قبل ألبس شماغ وعقال
طفلين نتهجى حروف الكتابه=الله يامجمل سـواليف الأطـفال
كانت لنا في كل شارع حكايه=وكنا نقول علوم ماهيب تنقال
وكنت اتقاسم مامعاها معايه=من عسكريم التوت للعلك أبو ريال
وكانت بعكسي شاطرة بالقرايه=تقرا جزء عم وطـه والأنـفـال
وانا لك الله من مواري غبايه=ما ادري ابونقطة هو الذال أو الدال
وكانت لابويه تشتكي من شقايه=وتعلمه كيف اربط الباب بحبال
ياما على ظهري كسر من عصايه=يقول لي خلك وانا ابـوك رجال
وامي تقول ادع لولدك بالهدايه=خوفي يصيبه كثرة الضرب بهبال
لا شفتها مع أول الدرب جايه=مادري انا اللي ملت ولا الوطا مال
أحس قلبي يرتجف في حشايه=ما كنه الا الـضيـف لا هـز فنـجال
ياما عن السعلي تخبت ورايه=لا خـوفـوها فيه ثم شافت ضـلال
تقول خلك يا (......) معايه=واستانس العب عندها دور الابطال
واغار حتى من عيون اصدقايه=لا طالعوها قـلت تكـفون يا عـيال
أتمنى أن تنال إعجابكم
عهدي بها قدام تلبس عبايه=وانا بعد قبل ألبس شماغ وعقال
طفلين نتهجى حروف الكتابه=الله يامجمل سـواليف الأطـفال
كانت لنا في كل شارع حكايه=وكنا نقول علوم ماهيب تنقال
وكنت اتقاسم مامعاها معايه=من عسكريم التوت للعلك أبو ريال
وكانت بعكسي شاطرة بالقرايه=تقرا جزء عم وطـه والأنـفـال
وانا لك الله من مواري غبايه=ما ادري ابونقطة هو الذال أو الدال
وكانت لابويه تشتكي من شقايه=وتعلمه كيف اربط الباب بحبال
ياما على ظهري كسر من عصايه=يقول لي خلك وانا ابـوك رجال
وامي تقول ادع لولدك بالهدايه=خوفي يصيبه كثرة الضرب بهبال
لا شفتها مع أول الدرب جايه=مادري انا اللي ملت ولا الوطا مال
أحس قلبي يرتجف في حشايه=ما كنه الا الـضيـف لا هـز فنـجال
ياما عن السعلي تخبت ورايه=لا خـوفـوها فيه ثم شافت ضـلال
تقول خلك يا (......) معايه=واستانس العب عندها دور الابطال
واغار حتى من عيون اصدقايه=لا طالعوها قـلت تكـفون يا عـيال