تعبت وأنا أدور قائلها

قصيدة أعجبتني ولا أعرف قائلها وهذه أول مرة أنزل قصيدة
أتمنى أن تنال إعجابكم

عهدي بها قدام تلبس عبايه=وانا بعد قبل ألبس شماغ وعقال
طفلين نتهجى حروف الكتابه=الله يامجمل سـواليف الأطـفال
كانت لنا في كل شارع حكايه=وكنا نقول علوم ماهيب تنقال
وكنت اتقاسم مامعاها معايه=من عسكريم التوت للعلك أبو ريال
وكانت بعكسي شاطرة بالقرايه=تقرا جزء عم وطـه والأنـفـال
وانا لك الله من مواري غبايه=ما ادري ابونقطة هو الذال أو الدال
وكانت لابويه تشتكي من شقايه=وتعلمه كيف اربط الباب بحبال
ياما على ظهري كسر من عصايه=يقول لي خلك وانا ابـوك رجال
وامي تقول ادع لولدك بالهدايه=خوفي يصيبه كثرة الضرب بهبال
لا شفتها مع أول الدرب جايه=مادري انا اللي ملت ولا الوطا مال
أحس قلبي يرتجف في حشايه=ما كنه الا الـضيـف لا هـز فنـجال
ياما عن السعلي تخبت ورايه=لا خـوفـوها فيه ثم شافت ضـلال
تقول خلك يا (......) معايه=واستانس العب عندها دور الابطال
واغار حتى من عيون اصدقايه=لا طالعوها قـلت تكـفون يا عـيال

أتمنى من المشرفين تنسيق القصيدة

اختيار ينم وينبئ عن ذائقة رفيعة ..
القصيدة اعتقد انها للشاعر / محمد النفيعي
هناك تعديل في البيت الاتي :
طفلين نتهجـى حـروف البداية
الله يامجمـل سواليـف الأطفـال

واضح من خلال وزن القصيدة ان الاسم رباعي ربما يكون محمد اقر ب شيء بس القصيدة رائعة يعطيك على العافية على النقل

ياهلا.. ابومحمد مثل ماقال اخونـا أبوفالح قصيدهـ, للشـاعر محمد النفيعي

تقول خلـك يـا (...كاتب...) معايـه

واستانس العب عندها دور الابطال

واغار حتى من عيـون اصدقايـه

لا طالعوها قلت تكفون يا عيـال

والله خطيييييييرة القصيدة !!