وين الغدى يابنت عندي مواعيد =ماعاد لي في جلسة البيت حاجه
العمر يفنى والليالي سراميد = والعلم بين الناس يأخذ رواجه
والوقت فاز ابه الرجال الصناديد =يوم الأشده والرحى والحداجه
أستثمروه أبلامشاكل وتعقيد =بالمرجله والصبر نالو نتاجه
أيضا على الفطره تبنو مناقيد= للعلم والتعليم ماهم بحاجه
وبالدين والدنيا لهم بالزمن قيد = على حسب يوم النواظر تواجه
أما شباب اليوم جابو بنا العيد = متقاسمين العربده والسماجه
ماكلبوهم يامحمد على سيد = الحر يكفخ و الدجاجه دجاجه
