وين الغدى يابنت

وين الغدى يابنت عندي مواعيد =ماعاد لي في جلسة البيت حاجه

العمر يفنى والليالي سراميد = والعلم بين الناس يأخذ رواجه

والوقت فاز ابه الرجال الصناديد =يوم الأشده والرحى والحداجه

أستثمروه أبلامشاكل وتعقيد =بالمرجله والصبر نالو نتاجه

أيضا على الفطره تبنو مناقيد= للعلم والتعليم ماهم بحاجه

وبالدين والدنيا لهم بالزمن قيد = على حسب يوم النواظر تواجه

أما شباب اليوم جابو بنا العيد = متقاسمين العربده والسماجه

ماكلبوهم يامحمد على سيد = الحر يكفخ و الدجاجه دجاجه

صح لساااااااااانك
المبدع دااااااااائما
ابو وليد
تقبل مروري
مع أطيب تحياتي,,,,

الابدا ع في تواصلك اخوي سلطان لك مني

جزيل الشكر

والوقت فاز ابه الرجال الصناديد يوم الأشده والرحى والحداجـه
أستثمروه أبلامشاكـل وتعقيـد بالمرجله والصبر نالـو نتاجـه

صــح بــدنـك
اخي
{خاد سالم السرحاني}
قصيده جميله مافيها كلام
جزله من جزل
والله يعطيك الف عافيه

{تحيتي وتقديري}