رد: تـحـدي مـالفرق بين ( حريم زمان ) وبين ( حريم هالزمـن)....!
مساكم الله بالخير موضوع حلو(حماسي والكل يبي يشارك:yqf:) وطريف(نشوف الفروق بين جيل وجيل:kof:) وبنفس الوقت يقهر(موب كل بنات الجيل كذا:rfgh:ا)
ثواني وبرجع لكم بالفروق
رد: تـحـدي مـالفرق بين ( حريم زمان ) وبين ( حريم هالزمـن)....!
بسم الله نبداء
فطور حريم اول خبز الصاج
فطوربعض حريم هالوقت خبز التميس
حريم اول ان جيتهم صباح ولاظهر ولاعصر ولافاخر الليل >>ياهلاومسهلابالضيف
بعض حريم الوقت تجيها العصر >>بوجه شاحب تسلم وليه ماعطيتونا خبر قبل تجون!!!
حريم اول الزوج له هيبه ومكانه وكلمته مسموعه ومهما غلط عليها تضل هيبته محفوظه
بعض حريم هالوقت اذا عطاها نظره تقوله خير وش عندك!!
واذا ضربها والله لااربيك!!
حريم اول نادر ماتبوح بسرار بيتها
حريم هالوقت الواتس شغال
ان تزوجت حطت(اعيش ونبضي دايم يردد عسى الله لايفرقنا ياكل الحب)
وان تطلقت حطت(باركولي نسيته)
(محد كفو يحاسبني على النقص والزود محد شرالي فرحتي من حلاله)
حريم اول كل اشغال البيت عليها طبخ وتعليف وحلب وتربيه
بعض حريم هالوقت الشغاله تسوي كل شي وهي ماغير تنافخ تعالي ودي جيبي شيلي غيري علافلان وفلانه
واذا وصل زوجهامن الدوام بوجه ذبلان تشتكي له تعبوني العيال (دليت بجبهت الشغاله)
لي عوده:|for you|::|for you|::|for you|:
رد: تـحـدي مـالفرق بين ( حريم زمان ) وبين ( حريم هالزمـن)....!
اقتباس:
المشاركة الأصلية كتبت بواسطة عبداللطيف محمد الحمراني
حيــآك الله اخوي مقرن وعاش من شافك ..!
والله انها كثيره بداية من ( القرنيـن وقرن والضفاير:D ) وصولا للـ(كاريه والأيمو والفراوله وغيرها:o ) ..!
وايضا مرورأ ( بالنفنوف :eek: ) وصولا ( لفستان ماركة نجوى:p ) ..!
وغيرها
سأعود بفروقات مضحكه مبكيه ..!!
ياهلا ابو ميعاد
صرآحة حريم اليوم مثل ريحة الثوم ..بس تشم ريحة خبر عاجل تحب تسابق الجزيرة عليه بالنشر
وياحبهم للمسايير والسوق حب اعمى كل عرس فستان جديد
كل حفلة شكل جديد حتى الوجه كل يوم له لون مختلف
وبالسوق تحاول تشتري كل الي تقدر عليه ولو بيدها تشتري السوق
وبعدين حريم اليوم كل شيء فيهن اختلف عن حريم اول الغالب يعني بالتربية بمعاملة الزوج
....
اقول يابعدي الله يرحم حريم اول:|hart:|
ولك :|for you|:
رد: تـحـدي مـالفرق بين ( حريم زمان ) وبين ( حريم هالزمـن)....!
اقتباس:
المشاركة الأصلية كتبت بواسطة مرزوق الغانم
حريم اول تصبر على ضرب زوجها .. ولا تشتكي لابوها .. لأن ابوها يجلدها جلد
حريم اليوم تقول :
انا راتبي مكفيني والف واحد يتمناني .. جمال ومااال .. اللهم صلي على النبي
طلقني والقى مليون واحد ازين منك ..
انا اصلاً دعت علي امي يوم اخذتك ...
:d :d :d
هههههههههه حلوه طلقني فيه الي ازين منك ...!
مال يمكن اما جمال ( الله أعلم وش ورى البراقع ) ..هههههه :eek:
ياخوك اول جمال ربــاني الحين جمال مكياجي
اول جمال روحـي الحين جمال ( خربوطي:mad: ) هههههه ...!
لاهنت اخوي مرزوق
والله ضحكت على كلمة طلقني فيه الي أزين منك هههه ( بالجبهه ) ..!:D
شاكر ومقدر لك تواجدك القيـم والعطر ..!:|for you|:
رد: تـحـدي مـالفرق بين ( حريم زمان ) وبين ( حريم هالزمـن)....!
اقتباس:
المشاركة الأصلية كتبت بواسطة علي فالح الرقيقيص
اغلب نساء اليوم وصلن لدرجه عاليه من العلم وفي الاخير كلهن خير وبركه ,,,, شكرا جزيلا على هذا الموضوع عبداللطيف
ياخوي والله أني ادري كلهن خير وبركه ...!
وترانا طال عمرك في استراحة المنتدى يعني نمزح
ونبتعد عن جـدية المنتدى بأسلوب فكاهي بسيط ..!
عـفو جزيلا اخوي علي ..!:|for you|:
رد: تـحـدي مـالفرق بين ( حريم زمان ) وبين ( حريم هالزمـن)....!
اقتباس:
المشاركة الأصلية كتبت بواسطة سعود السحيمي
ب1
حريم الماضي
(راعية الغنم )
تصحو من الفجر وبعدها تقوم ترضع البهم وتحلب الغنم وترج للبيت وتسوى الفطور خبز صاج ولا جمريه مع اللبن والزبد وبعدها تجهز البدرة والسفرة ومكونات السفرة(سكر وشاي ورز وملح وبرادي صغير وقدر صغير)
وتتح للغنم وتسرح ومعها ألشبانه الى الظهر وبعدها تقيل الغنم بالطلح او بالطيران وتشب نارها وتركب البرادي والقدر وتسوى غداها والوغيره
وتقيل الى العصر تتح للغنم وتعشيها الى قبل
المغرب تروح للمراح وتطلق البهم على الغنم وترضع وتحلب وترجع لبيتها.
( الى جالسه بالبيت )
الى بالبيت عليها شغل البيت تصحى الصباح تسوى الفطور وتشيل الفرش وتمد سدوها وتنطاه وتمخض اللبن بالصميل.
وتستخرج الزبده وتميعها وتضع السمن بالمدهنه وتخلص اشغال البيت من تنظيف وغيره وترد بالقرب وتجيب الماء .
وتستعد لعمل الغداء وتسوى غداها وتغديى عويلتها وبعدها تشوف اذا فيه غسيل تغسل او تطلق البهم الى عندهم او تروح للمحطاب تحطب الى العصير وبعدها تساعدهم بالحليب وتجهز العشاء وتعشى عويلتها وتكون مجهزه لهم النومسيه ينامون بها وبعدها ينامون وهم مستعدين لليوم التالي
حريم اليوم
( الموظفه )
تصحى قبل الدوام بساعتين وهاتك شغل من مكياج واستشوار وماتسمع غير صوت الاستشوار كانه ددسن
وتقول للشغاله انتبهى للبزوره واذا بابا راح قفلى الباب وتاخذ معها القهوه وصينيه حلا للدوام واذا وصلت سواليف عن الامس القريب وقهوه وفطور وسواليف لين مايخلص الدوام وترجع للبيت وتحصل الشغاله مجهزه الغداء وتدق على زوجها وينك مطول ابى اتغدا وانام ويقول لها تغدي انا راح اتئخر ودق الغداء هى وعيالها ونومه الى العصر او المغرب واذا صحت لفت على الجوال او اقرب مسيار للجيران او اقرب سوق الى اخر الليل وتنام وهى تفكره بكره كيف تكون التسريحه والاستشوار ينتظر ههههههههههه .
( ربه المنزل )
عاد هذى اشوى منها فايده
تصحى من الفجر وتسوى الفطور والشى للطلاب وتصحيها ويافلان قم ويافلانه قومي وتفطرهم وتمشط بنياتها وتلبسهم وتعطيهم الفسحه وبعدها ترتب البيت وتاخذ لها نومه للضحى واذا عندها غسيل تخلصه ولا فطور عند جارتها وترجع البيت وتجهز الغداء وعند وصول اولادها تبدل ملابسهم وتعلقها وتسئلهم ايش اخذو وتغديهم وتاخذ لها نومه للعصر وتصحى واكيد مواعده جارتها بتسير الى قبل المغرب وترجع وتجلس مع ابو عيالها وعيالها وتسوى لهم العشاء وتعشيهم وتنومهم وتصبحون على خير
.
:eek:
الله عليك يابولياااااااااااان ...!:|hart:|
بس حلوه تصحو من الفجـر لو خليتها تصحو مبكرا هههههههههه ...!
اول ماقريت تصحو من الفجر جا في بالي ( يا أطفال ياحلوين اشربو الحليب )
ههههههههههههههه ....!
صوت الاستشوار كنه ددسن < ب الملي متر ياحبيبي ب الملي متر ههههههههه
تشبيه بليغ جداا هههههههه ...!
شاكر لك مشاركتك القيمه ابو ليان ..!:|hart:|
أكاليل موده لقلبك النقي ..!:|hart:|
