رد: تـحـدي مـالفرق بين ( حريم زمان ) وبين ( حريم هالزمـن)....!
حريم الماضي
(راعية الغنم )
تصحو من الفجر وبعدها تقوم ترضع البهم وتحلب الغنم وترج للبيت وتسوى الفطور خبز صاج ولا جمريه مع اللبن والزبد وبعدها تجهز البدرة والسفرة ومكونات السفرة(سكر وشاي ورز وملح وبرادي صغير وقدر صغير)
وتتح للغنم وتسرح ومعها ألشبانه الى الظهر وبعدها تقيل الغنم بالطلح او بالطيران وتشب نارها وتركب البرادي والقدر وتسوى غداها والوغيره
وتقيل الى العصر تتح للغنم وتعشيها الى قبل
المغرب تروح للمراح وتطلق البهم على الغنم وترضع وتحلب وترجع لبيتها.
( الى جالسه بالبيت )
الى بالبيت عليها شغل البيت تصحى الصباح تسوى الفطور وتشيل الفرش وتمد سدوها وتنطاه وتمخض اللبن بالصميل.
وتستخرج الزبده وتميعها وتضع السمن بالمدهنه وتخلص اشغال البيت من تنظيف وغيره وترد بالقرب وتجيب الماء .
وتستعد لعمل الغداء وتسوى غداها وتغديى عويلتها وبعدها تشوف اذا فيه غسيل تغسل او تطلق البهم الى عندهم او تروح للمحطاب تحطب الى العصير وبعدها تساعدهم بالحليب وتجهز العشاء وتعشى عويلتها وتكون مجهزه لهم النومسيه ينامون بها وبعدها ينامون وهم مستعدين لليوم التالي
حريم اليوم
( الموظفه )
تصحى قبل الدوام بساعتين وهاتك شغل من مكياج واستشوار وماتسمع غير صوت الاستشوار كانه ددسن
وتقول للشغاله انتبهى للبزوره واذا بابا راح قفلى الباب وتاخذ معها القهوه وصينيه حلا للدوام واذا وصلت سواليف عن الامس القريب وقهوه وفطور وسواليف لين مايخلص الدوام وترجع للبيت وتحصل الشغاله مجهزه الغداء وتدق على زوجها وينك مطول ابى اتغدا وانام ويقول لها تغدي انا راح اتئخر ودق الغداء هى وعيالها ونومه الى العصر او المغرب واذا صحت لفت على الجوال او اقرب مسيار للجيران او اقرب سوق الى اخر الليل وتنام وهى تفكره بكره كيف تكون التسريحه والاستشوار ينتظر ههههههههههه .
( ربه المنزل )
عاد هذى اشوى منها فايده
تصحى من الفجر وتسوى الفطور والشى للطلاب وتصحيها ويافلان قم ويافلانه قومي وتفطرهم وتمشط بنياتها وتلبسهم وتعطيهم الفسحه وبعدها ترتب البيت وتاخذ لها نومه للضحى واذا عندها غسيل تخلصه ولا فطور عند جارتها وترجع البيت وتجهز الغداء وعند وصول اولادها تبدل ملابسهم وتعلقها وتسئلهم ايش اخذو وتغديهم وتاخذ لها نومه للعصر وتصحى واكيد مواعده جارتها بتسير الى قبل المغرب وترجع وتجلس مع ابو عيالها وعيالها وتسوى لهم العشاء وتعشيهم وتنومهم وتصبحون على خير
.
رد مع اقتباس
رد: تـحـدي مـالفرق بين ( حريم زمان ) وبين ( حريم هالزمـن)....!
يقول: بندر بن ال سعود
المشاركة الأصلية كتبت بواسطة شروق الامل
.gif)
المفضلات