يالله ياللي زابر المزن تنشيه
الشيخ \ حماد بن راشد منقره ومن لايعرفه
صديق للوالد ومن اعز اصدقائه
شاهد والدي اهتمامه وحرصه على خدمة القبيله
فنظم هذه القصيده يمدحه بها
وابو فهد يستاهل اكثر
ارجو ان تنال اعجابكم
يالله ياللي زابر المزن تنشيه = رباً كريم وكلنا في ضلاله
تعز شيخاً وافياتاً معانيه = رايه سديد اوحاز كل الرجاله
حماد ابن راشد إلى حل طاريه = معرباً جده وعمه وخاله
شيخ الشيوخ اللي كباراً صيانيه = دايم بدرب الطيب وافي فعاله
هداج تيما اللي كباراً سواقيه = جمه قراح ولا يحصْل بداله
ياما ذبح من حايلاً كنها التيه = ضاري على ذبح السمين الجلاله
ابو فهد عسى طوالاً لياليه = وإن جاله الديان ياخذ بداله
ياخذ من اللي مايميز معانيه = ويبقى ربيع الضيف واللي عناله
ريف السجين اللي كباراً بلاويه = بالطيب والحيلات يطلق عقاله
مايستريح وطارف القوم يدعيه = يقوم بالواجب ويكسب جماله
هذي فعول الطيب يا جاهلاً فيه = والطيب ما حازه ردي الزماله
الطيب ضلعاً كايداتاً مراقيه = ولايطلعه شيخاً يحسّب رياله
إلا الذي خيره وشره يبديه = ويصادم الدنيا بكل أحتماله
حراً مجرب للعدا ينقنص فيه = نفخر بذكره كل ماجا مجاله
وكل القبيله تشكره في مساعيه = ضاري على شيل الحمول الثقاله
هو منقره والأسم هذا يكفّيه = وكل القبايل عارفيناً مجاله
ابوه زيزوب النضا بالمهاميه = دليلة الضلما ومقدم رجاله
يقفي بذود اللي له ايام حاميه = ويدعي كبير القوم يفقد حلاله
حراً الى انه هد يبعد مداليه = في جمع بيّن مايجيهم ختاله
ماهو من اللي دقته في دناويه = رمحه على الأجناب مثل الرساله
اخوان سندا مبعدين المناويه = حريبهم بالكون واعزتاله
ستر المشيرق ماتقطع عوانيه = وإن جاهم المنقوص ردو حلاله
وقتاً مضى واليوم كلاً حكم فيه = ويشره على الخيال راع الزماله
وتم الجواب اللي موجه لراعيه = المنقري راع الوفا والجماله
وصلو على من مذهبه نقتدي فيه = محمد المختار راع الرساله
الشاعر \ رويشد بن عبدالله السميري
رد: يالله ياللي زابر المزن تنشيه
اخوي عبدالله
سلمت وشرفني مرورك
وتقبل تحياتي
رد: يالله ياللي زابر المزن تنشيه
سلمان العرادي
اسعدني مروري والنعم بحالك
وتقبل تحياتي
رد: يالله ياللي زابر المزن تنشيه
سلطان السميري ..
مشكور ياولد العم على هذا النقل ..
وصح لسانك ولسان شاعرنا رويشد السميري ..
ولاهنت ..
,
رد: يالله ياللي زابر المزن تنشيه
محمود الجذلي
صح بدنك واسعدني مرورك
وتقبل تحياتي
