يالله ياللي زابر المزن تنشيه

الشيخ \ حماد بن راشد منقره ومن لايعرفه

صديق للوالد ومن اعز اصدقائه
شاهد والدي اهتمامه وحرصه على خدمة القبيله
فنظم هذه القصيده يمدحه بها
وابو فهد يستاهل اكثر
ارجو ان تنال اعجابكم

يالله ياللي زابر المزن تنشيه = رباً كريم وكلنا في ضلاله
تعز شيخاً وافياتاً معانيه = رايه سديد اوحاز كل الرجاله
حماد ابن راشد إلى حل طاريه = معرباً جده وعمه وخاله
شيخ الشيوخ اللي كباراً صيانيه = دايم بدرب الطيب وافي فعاله
هداج تيما اللي كباراً سواقيه = جمه قراح ولا يحصْل بداله
ياما ذبح من حايلاً كنها التيه = ضاري على ذبح السمين الجلاله
ابو فهد عسى طوالاً لياليه = وإن جاله الديان ياخذ بداله
ياخذ من اللي مايميز معانيه = ويبقى ربيع الضيف واللي عناله
ريف السجين اللي كباراً بلاويه = بالطيب والحيلات يطلق عقاله
مايستريح وطارف القوم يدعيه = يقوم بالواجب ويكسب جماله
هذي فعول الطيب يا جاهلاً فيه = والطيب ما حازه ردي الزماله
الطيب ضلعاً كايداتاً مراقيه = ولايطلعه شيخاً يحسّب رياله
إلا الذي خيره وشره يبديه = ويصادم الدنيا بكل أحتماله
حراً مجرب للعدا ينقنص فيه = نفخر بذكره كل ماجا مجاله
وكل القبيله تشكره في مساعيه = ضاري على شيل الحمول الثقاله
هو منقره والأسم هذا يكفّيه = وكل القبايل عارفيناً مجاله
ابوه زيزوب النضا بالمهاميه = دليلة الضلما ومقدم رجاله
يقفي بذود اللي له ايام حاميه = ويدعي كبير القوم يفقد حلاله
حراً الى انه هد يبعد مداليه = في جمع بيّن مايجيهم ختاله
ماهو من اللي دقته في دناويه = رمحه على الأجناب مثل الرساله
اخوان سندا مبعدين المناويه = حريبهم بالكون واعزتاله
ستر المشيرق ماتقطع عوانيه = وإن جاهم المنقوص ردو حلاله
وقتاً مضى واليوم كلاً حكم فيه = ويشره على الخيال راع الزماله
وتم الجواب اللي موجه لراعيه = المنقري راع الوفا والجماله
وصلو على من مذهبه نقتدي فيه = محمد المختار راع الرساله

الشاعر \ رويشد بن عبدالله السميري

ارجو المعذره

تنسيق القصيده عندي لا يعمل

ارجو من المشرفين تنسيقها وشكراً

الأ خ سلطان شكرا لك ولوالدك القصيده لايكفي ان نقول عنه رائعه والدك من كبار شعار القبيله حفضه الله وارجو منك اذا كان لديك علم في القصيده لتي مبداها يقول
انت السديري والسدير ابناخيك وعزي لمن حكم السدارى نظامه ان توافينا فيها

ابن شذيان

مشكور اخي العزيز على ماقلت

وابشر بعزك

وتقبل تحياتي

صح لسانك ياسلطان وصح لسان رويشد

تقبل مروري المتواضع ياسمي

وطاب مساك

ودمت بالف خير

______________
* نعم هذا المكان المناسب يالذيب .

الغالي

سلطان السميري

سلمت
سلمت
سلمت

يا

سلطان

ومشكور على نقل روائع شاعرنا الكبير : رويشد بن عبد الله السميري
...
والمدح باأهل الطيب ماهو خساره
منقره يستاهل
ووالدك حتى بسوالفه لا ياتي الا بجزل الكلام
اشلون
عاد بالقصيد
الله يعطيه العافيه وطولت العمر
.
.
*(( وننتظر جديده ))
_________