من بداية رحلتي

من بداية رحلتي في سما بدر البدور=الهوى حاكم لها يقودها بكل اتجاه
كانت الرحله عليها علامات السرور=والوفى عامين كانت تحلق في سماه
وكان في الرحله هدايا من الورد وزهور=والسعد فيهامع الوقت عالي مستواه
لين في الرحله وفجئه حصل بعض الامور=خلّت العاذل يجيله لياحده مناه
كل منّا يحسب انه من الوضع معذور=كل واحد يحسب ان الخطا ماهو خطاه
ثم صارت رحلة البين تمشي دون نور=والشقى غطا عليها ولاشياًسواه
واستمر الهم فيها ليالي مع شهور=وقلبي المجروح مقواه جاه اللي كفاه
قلت احولها من الجو لمواج البحور=واستريح من الطريق اللي اتعبني هواه
مير فيه امواج ماكل من جاها صبور=تغرق اللي غاصها لومعه سترت نجاه
ليتني فكرت في البر والبرمخبور=لجل اريح قلبي اللي عجزت القى دواه
رحلةً دايم وهي من دبوراً في دبور=اشهد ان اللي يواصل بها يكثر شقاه
خلها ياقلب واصبروصبرك مايبور=من صبر عن شي يرتاح لامنه نساه

***

*أخي الفاضل والقدير والنقي
الشاعر الانسان/عبدالله الوحيشي*

*الله عليك مااروعك ..يامبدع..
وصح لسانك وعمرك..يالغالي*

*((ليتني فكرت في البر ..والبر مخبور = لجل،اريح قلبي ،اللي عجزت القى دواه))*

*ولك تحياتنا وتقديرنا*

*ودمت بهذا الابداع والتوهج..ياشاعرنا الرائع*

*وكل يوم وعام وأنت بخير وعافية وراحة بال*

*وفقك الله ..ياعبدالله*

***