من بداية رحلتي

من بداية رحلتي في سما بدر البدور=الهوى حاكم لها يقودها بكل اتجاه
كانت الرحله عليها علامات السرور=والوفى عامين كانت تحلق في سماه
وكان في الرحله هدايا من الورد وزهور=والسعد فيهامع الوقت عالي مستواه
لين في الرحله وفجئه حصل بعض الامور=خلّت العاذل يجيله لياحده مناه
كل منّا يحسب انه من الوضع معذور=كل واحد يحسب ان الخطا ماهو خطاه
ثم صارت رحلة البين تمشي دون نور=والشقى غطا عليها ولاشياًسواه
واستمر الهم فيها ليالي مع شهور=وقلبي المجروح مقواه جاه اللي كفاه
قلت احولها من الجو لمواج البحور=واستريح من الطريق اللي اتعبني هواه
مير فيه امواج ماكل من جاها صبور=تغرق اللي غاصها لومعه سترت نجاه
ليتني فكرت في البر والبرمخبور=لجل اريح قلبي اللي عجزت القى دواه
رحلةً دايم وهي من دبوراً في دبور=اشهد ان اللي يواصل بها يكثر شقاه
خلها ياقلب واصبروصبرك مايبور=من صبر عن شي يرتاح لامنه نساه

خلها ياقلـب واصبروصبـرك مايبـور

0 من صبر عن شي يرتاح لامنـه نسـاه

جميل 0 جميل ياعبد الله

صح لسانك ولاهت

وتقبل تحياتي وتقديري

خلها ياقلـب واصبروصبـرك مايبـور

0 من صبر عن شي يرتاح لامنـه نسـاه

جميل 0 جميل ياعبد الله

صح لسانك ولاهت

وتقبل تحياتي وتقديري

الشاعر
عيد بن قيضي

صح بدنك
والجميل مرورك الطيب

لاعدمتك
وياهلا فيك


عبدالله الوحيشي

خلها ياقلـب واصبروصبـرك مايبـور
من صبر عن شي يرتاح لامنـه نسـاه

لا إضافة على تعليــق الأستاذ عيــد قيضي

أبو سليمان شاعر بِخـُـلقه وشاعر بقصائده

صح لسانك وكثـَّر الله من امثالـك

تحيــّاتي

خلها ياقلـب واصبروصبـرك مايبـور
من صبر عن شي يرتاح لامنـه نسـاه

لا إضافة على تعليــق الأستاذ عيــد قيضي

أبو سليمان شاعر بِخـُـلقه وشاعر بقصائده

صح لسانك وكثـَّر الله من امثالـك

تحيــّاتي

حياك الله
اخوي سلطان
وتسلم على كلامك الجميل
وصح بدنك وهذا من ذوقك
مرور امثالك يعني لي الكثير

لك مني
كل محبه

عبدالله الوحيشي

اخي عبد الله الوحيشي

تحية

غصت في غب البحور وجبت درة نثرتها على هذه الصفحة

صح لسانح وتسلم اخوي عبد الله